Marcos 16:14 - Sinia' Jlamtis 1994

¹⁴ Siupa ti tomayi pijia'm, Jesús inikajanitia'm 'neje japo t'eyasajnas ti itij'we niwa sikioye ijwienjli tom'niji pakayi ti ti'yekiujni'n. Sekyi'i takasejlane japo t'eyasajnas ti itiajlata ti 'yakakiuyis siojopo takajwejlantaja'ni ti i'winis siupa iyo ti iniu kisie'e ti tajli pa a'no'.

Marcos 16:14 ပူးပေါင်းရင်းမြစ်များ

Mateo 11:20

Japoka'ne ti jiwak yi'ne ja Jesús, siojopo i'winaja'ni ti i'winki'n siukiwa je ti'wena'nine ka ne'yi japa ka jlomaye. Kajeyepa ti je iyoyis jlosikis ink'iejyisa', 'wanjliyi ka kia'iwo ka 'wenis, 'naka'ne ti itiajlata.

Mateo 17:20

Jesús iyo'ne 'ate ti isiujlie: —'Nakayi pet ti je ijiate ka astankiujnieye poye. Ijiatk'i siunie jayo'nase ti 'wanjliyi ka kia'iwo ka jwamjla'aja ni atankiujnieye ka poye, ka wo'ate siojona mostaza jlo' jlase', 'wanjlit'itieje ka janakaye tikijnaki ka awone 'ate, “¡Taj'le ni jle'yi, 'ye'n paka jlasi!”, ijiate jank'iu'wa'm. Jalajk'i paka k'iejliyeyi ka into'm aselia'm.

Mateo 28:17

Sekyi'i ti ini'wenayisi ja Jesús iyunitis'ne. Ijiate po' siojopo i'winatajas, 'yina je ijiate paka inwoyisi ka je inkakiuyis.

Marcos 7:18

'Yina isiujlie ti iyone 'ate: —¿Kiakp'an jiwoyeyi pit je tijnisiek'i? ¿Je 'najanayi ti siunie tal kisie'e ti ijiojwa'm ni i'nio', je 'yakajyi'n ka nak int'emina ka je 'esie jitieyi'i ni Sinia'?

Lucas 24:25

Sekyi'i Jesús kiakt'ipa iyonayipi: —¡Ijiatp'aneje ti int'oniejyi'n, ti jikakiunieyi siuniwa ijwi'il papo injwejlanawos t'ipi!

Juan 20:25

Ti 'nesa, ijia ijwijlam'ne ti iyo'ate: —Sa'am a'wenaja ja Saka'niona. Tomás isiujlie'ne japo ijia ti iyo'ate: —Ya'am ka je i'wi'in puwa ji'wetis puwa wikijnies ti t'etajajamk'i, ka ijiuki je 'yutk'i siupuwa ji'niajia, siu'neje ka je isies ape'e siupi t'eta'a jlawe'e, siuka isio' je yi'n ape'e, ja 'yakakiu.

Juan 20:26

Tijwajyi jakia inkijmaye ijwienjli, yikiajlayi'iji ti initaj kiajwe jlaja 'wuk. Jakayi'ne ti Tomás sekyiye'e. Siojowa 'wuk kiwitawa wikie'eyi ti tip'onajamk'i. Jesús inikajanit 'ne ti takasiti'n jikiowe'e japo. Iyo'ne 'ate ti itijwilayi: —¡Kamaja!

Juan 20:27

Sekyi'i iyone'ne 'ate ja Tomás: —'Yejne'n niwa isioye, ajwuki 'otk'i. Jonie ni akio', kiejts'e siu'nie yi'i ni t'eta'a. ¡Lek'i siunie jiwo ti kakiujnieta'a'm, wo atankiujnieyeja'!

Juan 21:1

Yama 'niji siukia iyo, Jesús inikajanitieja'ajme siojopo t'eyasajnas, jikiuts'i siojo tewuk iliyi jle' iyo'ate Tiberias. Kiak iyopi kiaka.

Juan 21:14

Sekyi'i ti najapajayiji ja Jesús ti ini'wenkijna'm japo t'eyasajnas, tajlap'e ti 'nelanjie'e iniuye kisie'e.

Hechos 1:3

Ts'ijiye jlampa titimajayi ti tiliana ini'wenkijnam'ne japo jijliujwajnas, ka kiak iwo ka insta siupi iniwone, ti ini'wenki'n ti 'wasa'n. Cuarenta kiwa jlomas ti kia'iyo, ti inikajanitiam'ni japo jijliujwajnas, jla'yi ti yamtiyi k'iye pi jika anechijiayas iyo pi Sinia'.

1 Corintios 15:5

Siu'neje ti inikajanitia'm ja Pedro, sekyi'i ti tomayik'i japo itijwa'm ni sikioye times tom'niji t'eyasajnas ti inikajanitia'm.

Apocalipsis 3:19

“Awo jlosikisie' siu'neje ti isio' e'ne wikie'eyi siunapo ti ts'amaja. 'Yina siuti kia'iyo jwajla'aja pakawo, wo ajosik ink'ieye.