Marcos 16:1 - Sinia' Jlamtis 1994

¹ Yam'niji siojokia jloma ti i'nio 'wanjlijyi'n, María Magdala jleliki jla'yis japo Salomé, jlajaka 'neje jlaja María 'neje Santiago jlet yamat'iyisijpe siupi jini inkajk'i ti ja'nelinisik'i kiak t'ajwes masa ki Jesús.

Marcos 16:1 ပူးပေါင်းရင်းမြစ်များ

Marcos 14:3

Jesús ijio Betániaja ji'wet yi'i ja Simón, ti tiwonaja'ni 'ate Inkiso'l Jitio' Lianik. Ti yi ts'iji ji'wet'e jaka, ti ti'yekiunieje'n ti tejeyisi ape'e siojopa yinisi ape'e pa jlak, 'nesa jla'a i'nioki ti itiun'ni jikiojyi siu'nie a'la' t'e' ti jini inkajk'i, jle' iyo'ate nardo, siu'nie t'ojni, yiji siujlie'e jiwe jlase' ti sisamak. Sekyi'i ti yolkiotaja'm ti 'yiliniji'ni jlaja Jesús jletik.

Marcos 14:8

Siujlie'e asejnia iyo siunie ti 'yakajli siunie iyo kawo. 'Yilini ta'a ijyik'i siunie jini inkajk'i, lapakawo ti iyo ta'a ka wakajla siu'nie 'yajwes ka titijikta k'iye ka inetiejenie'e ka kiak iyo.

Marcos 15:40

Kia'iyo po 'neje japo asejnia, sek k'iejlijijyi ja takasitits'ijin'ni ti i'yenisi'ni. Japokap'ampe japo María Magdala jleliki, siu'neje jlaja Salomé, siu'neje jlaja María 'neje Santiago, 'wenayi siojo isijli, siu'neje José japo jletis.

Marcos 15:42

Pope ja i'nio' jle' iyo'ate José, ji'wet jlaja isi' jle' iyo'ate Arimatea, jikijmaye siunie ti yiji papo Judíojos jlosikis jiwos, 'yina kia'iyo je iliyi ti inijijwijyink'iye siupa Sinia' jika anechijiayas. Jlampa k'iejli ajnalis wujwak'i'ni siojokia jloma ti siunapo i'nio' iniwakajlanitis k'iye janak jloma ti i'nio 'wanjlijyi'n, José yam'ne ti ijioyi ja Pilato, je iyo ka ijnots'ina ti ti'yasane ki t'ajwes masa ki Jesús, ka intejk'iye.

Marcos 15:47

'Yina María Magdala jleliki, jla'yiki jlaja María 'neje Santiago jaka 'neje ja José jletis, yam'ni pet ti i'yenisk'i siojo tena'a kia t'o'.

Marcos 16:2

Siojokia jloma inia'ne jla'a inkijmaye, ti k'iejli mot, yam'ni'ne ti ijioyis jika a'noyi.

Marcos 16:8

Sekyi'i yama'ni japok asejnia t'osiyeyijits'i'ni, ti tajlayisi pak a'no', kititiyeyiji'n lapakawo ti jnots'ijnits'i. 'Yina je ijwilis siupa iyo pa i'winis kajeyepa ti je ijwiyis ape'e.

Lucas 23:54

Japak siojopa jloma, ti iniwakajlanietak'i papo i'nio' k'iye siojopa jloma i'nio 'wanjlijyi'n.

Lucas 23:56

Ti tajlat'iyisijpe, yapilie 'wetits'ik'i, ilisanayisi siupuwa jini inkask'iji'n, ti iyo ka 'nelinisik'i. Japak siojopa jloma i'nio 'wanjlijyi'n, ti i'nio' yajapk'iji'n, iyo jla'am puwa Sinia' jlamtis ti iyo ka tiwoki.

Lucas 24:1

Siojopa jloma inia'ne jana inkijmaye, k'iejli mot, ti yamat'i'nijpe siojopo asejnia, ti yapilisi pa jika a'no'. Puwak itiunis siupuwa ilisanis'ni ta'a, siupuwa jini inkask'iji'n.

Juan 19:25

Siujlieja Jesús jlet sekyi'i, yi'i jlaja cruz, siu'neje jlaja jikitia jla'am jlaja jlet, siu'neje jlaja María Cleofas jik'iemjla, siu'neje jlaja María Magdala jleliki.

Juan 19:31

Jakiak siojokia jloma ti tome'e jla'a i'nio 'wanjlijyi'n. Siojopo Judíojos ti anechiyasas je iyoyisink'iye papo i'nio mases ka 'wanjliyek'i pijia'm ape'e puwa jika crusis, jla'yi ka neyi puwa ka jlomas 'nak nojwaja'm. 'Yina siojokia jloma i'nio 'wanjlijyi'n, ijyiwitajam'ni jakia Pascua, jakiak jloma ti wuj ti tilisana. It'imina'ne ti ijioyisi ja Pilato, ti iyonisi 'ate: —Kajlunie siunapo yi'ik'i pijia'm niwa jika crusis ka jlekijna akiajatajiamk'i, ja titimaja ka tenajana'a ajnat'e.