Marcos 15:14 - Sinia' Jlamtis 1994

¹⁴ Pilato iyo'ne 'ate: —'Yina, ¿ten jiat'e siupa iyoyi ti je 'esk'i? Sekyi'i jlam yinjliyisi ape'e ti kiak iyoyisi 'ate: —¡K'iejwata'yi japa cruz!

Marcos 15:14 ပူးပေါင်းရင်းမြစ်များ

Mateo 27:19

'Yina ti Pilato yijin'ni ts'e tenaja'a ni siunapo ti kia'iyoyetaja ti jitis po' ti ti'yenajata. Sekyi'i siujlieja jik'iemjla ijliu'ne ja jikawo ka ijwejla'm ki ji'lij ja jik'iemjla ti iyo'ate: —Ká ani'notinie'e siu'nie iyo, naka ti ijiate jla'am ti 'es. Kajeyepa ti siukia ajnaje po' ki ijwijlik ti wuj ti je 'esk'i ti naka jla'am ti ijwijlik ijioyi'ni. 'Yina je aleyi ti itiej ene'ni 'ate.

Mateo 27:4

ti iyo'ate: —Awoyi 'ni 'yake'. Ekialp'an ni i'nio' ka tiliana, 'yina ti laj jitisa'. Isiujlisie'ne pet ti iyoyits'i 'ate: —Nak je kasts'ajane, akimet a'am.

Marcos 15:13

Sekyi'i iyoyis'ne 'ate ti tanisi ape'e: —¡K'iejwata'yi japa cruz!

Marcos 15:15

'Yina Pilato ti iyojonk'iye ka 'esieyi wita'm japo i'nio' it'imina'ne ti jikio' ilie'ne ja Barrabás. Jlampa titimajayi ti tak'ajak'ni ja Jesús ti tokis ik'a'ni. Sekyi'i ti yikiajlayipi japo i'nio' ka ink'iejwatits'i japa cruz.

Lucas 23:21

Kat'ajat'iyijpe papo i'nio' ti 'yakets'iyisiap ti iyo'ate: —¡K'iejwata'yi jana cruz! ¡K'iejwata'yi jana cruz!

Lucas 23:4

Pilato sekyi'i iyone'ne 'ate papo pa'yijis jika anechiyasas, siu'neje papo i'nio': —Je a'we'en paka jitis iwo siu'nie i'nio'.

Lucas 23:41

Sa'm ijiate ti 'yuts'e'm ka kiak tiwonats'e, kayinaja ni siunie je 'es awoki, 'yina siu'nie i'nio' lajatak'iyi ka k'iejliyeyi ka woyi, ka je 'esie.

Lucas 23:47

Jlam'ne siupa tokis jika anechiyas, ti i'winaja siupa iyot'iyipi, sekyi'i iyo'ne 'ate, ti iyunit pa Sinia': —¡Ijiatp'aneje 'ni i'nio' ti jlam je iyo ti 'es!

Juan 18:38

Pilato iyo'ne 'ate: —¿Ten siupi ijiatk'i? Pilato iyotaja ka inojwa'n kisie'e ja Jesús, 'yina Judíojos je yina'ate. Siuti Pilato iliyeyi ti i'yas'ni ja Jesús, iniu'ne kisie'e. Sekyi'i ijwijla'm japo Judíojos ti iyo'ate: —Je a'we'en siupi ka jitis iwo siu'nie i'nio'.

Juan 19:6

Siojopo pa'yijis jika anechiyasas, siu'neje japo i'yena jlaja 'najla'wet, ti i'winayits'i ilia'm, iyoyis'ne 'ate ti tanisi ape'e: —¡K'iejwat'e japa cruz! ¡K'iejwat'e japa cruz! Pilato iyo'ne 'ate: —Kima'yi asa'am, k'iejwata'yi japa cruz, siuti ya'am je a'we'en paka jitisa'.

Hechos 13:28

Je i'winatajas siupa ka ijiatayiji paka jitis iwo, je iyojliyi ti i'yasisiji'n pa Pilato, ti iyo ka inlanis, ti its'iejwatits'i japa cruz.

Hechos 19:34

Je 'es jla'am ti titiant'iekieyi ti Judío pet, kat'ajayi ti tank'i wita'm. Paj ti timesie puwa inetitinki yiji ti kia'iyo, ti je iliyisi ti iyoyits'i 'ate: —¡Artemisa, Éfeso jlele jika dioski, jla'ak ajonitie!

Hebreos 7:26

'Yina pa'yi jika anechiyas wuj siunie kia'iyo, naka ti awoktajan pet k'iye. Jla'am ti 'es ti laj jikeye, 'yina lajk'ipa ka k'iejliyeyi ka je 'esie ka iwoyi. Sinia' je jnanjliyi siunie ijioyi'i ti itionitiape'n napo i'nio' ti inkeyis jiliajnis, ti 'yaka'm ape'e ni poli.

1 Pedro 1:19

Naka Sijwajieti 'woyis ti wuj ti laja po'. 'Yina Sijwajieti jla'am ti iniwe'en ti tiliana, iyoye 'ate siunie 'wolepo' 'woma ti 'es ti laj jiliayeja'.