Marcos 14:72 - Sinia' Jlamtis 1994

⁷² Yiyik'i jiwek ti kia'iyo, sekyi'i ti pesiejayipi ja ajwenta ti yap, jakayi ti timesieyiji. Pedro jitiej wujwak'i ja iyopi ja Jesús ti iyo'ate, “Ka majletiejejna'a ka nekiajle'e ka inap ni ajwenta, janajapejayiji ti jajwel ka je intant'iek'i.” Sekyi'i Pedro yap ti yap, lapakawo ti jitiej yini'ni 'ate kiaka.

Marcos 14:72 ပူးပေါင်းရင်းမြစ်များ

Mateo 26:34

Jesús isiujlie ti iyo'ate: —Ijiatk'i siu'nie jayoyi ti jajwi'il, ti siu'nie ajnaj ka majleyetajna'a ka inap ni ajwenta, janajapejayiji ti jajwel ka je intant'iek'i.

Marcos 14:30

Jesús isiujlie ti iyone 'ate: —Ijiatk'i siunie jayo'na, ti siu'nie ajnaj ka majletiejejna'aja ka nekiajle'e ka ajwentas inap siupa ja timesieyiji, janajapejayi ti ja ajwel ka je intant'iek'i.

Marcos 14:68

Pedro, siuti inikakiu, iyo'ne 'ate: —Je sitiant'ieje siupa jijwel'ni. Siuti Pedro iniu kisie', jlampa yiyeyi siojo 'wuk kiwet, sekyi'i ti pesiejayi ni ajwenta ti yap.

Marcos 14:71

Sekyi'i Pedro ijiatayi ti je 'yotatiji ti inikakiu: —¡'Esiji ka 'nakaye ka intajlatk'i'm pa Sinia' 'ni i'lij awone, ti awo'ate, je sitiant'ieje pak i'nio' jijwela'ni!

Lucas 22:60

Pedro isiujlie ti iyo'ate: —¡Je ts'ajane paka yone siupi jijwel'ni! 'Yina Pedro jlam'ne je iliyi ti tamti'ni ti pakayi ti yapat'ipi pa ajwenta.

Lucas 22:62

Pedro tajlat'ipi seka'a siupa yi'i'ni, paj ti je k'iejeye'e ti yap.

2 Corintios 7:10

Siuti tinilayitieje ti i'nio' je inkaj'ni, nak Sinia' inka'a pet, it'iminayi pet ni i'nio' ti yikiajlayi'iji ti iyo siunie Sinia' iyotaja ka woyi, sekyi'i ti nakaye pet ti tijwa'a ni i'nio'. 'Yina ja ke iyoki sijliak'aliye, kajeyepa ti ijiate jla'am ti 'es. Jlampet siunie injlak'ali ti tajle pet 'ni ajnat, ijioyiji pet jana 'najlati.