Marcos 14:7 - Sinia' Jlamtis 1994

⁷ Siunapo p'ijliusis je pajna'a ka je ineyi aska kiowe'e, jane'yi pa ja jlomaye ka woyeyi ka wenajia'm paka k'iejliyeyi ti janoyeyeje, 'yina asa'am ti tijna'yase'm. 'Yina jlam pet ti ya'am ja ke jlomasak'i ka yi' aska kiowe'e.

Marcos 14:7 ပူးပေါင်းရင်းမြစ်များ

Mateo 26:11

Napoka siunapo p'ijliusis jlajma kiak jawo ti jane'ni aska kiowe'e. Jlampet ti ya'am je itioyeyi'i its'ioye ti a'yasap.

Marcos 14:6

'Yina Jesús iyo'ne 'ate: —Ena'yate; ¿yot'iyi'ni ti je jlenayi 'ate siunie iyo kawoyi? Kajeyepa ti siunie iyonk'i 'esiji.

Juan 13:33

'Napo ilis ti yimijna'ase'm, je pi itioyeyi'i niwa jlomas ti jatiaj'lase'm. Je jwela' ka je siwoyejyin'ni, ka woyena'a 'ate awone japo Judíojos ti kiak awone, ti awo'ate, “Siunie jajiojwi ja ke a'yakanayi.”

Juan 16:28

Ti anamape atajla kiu jitieyi'i ni Inia', ti ana'me 'ni ajnat. 'Nakayi jatiaj'leje 'ni ajnat ti jayapili ni Inia'.”

Juan 16:5

'Yina 'nakayi jayik, jayapili ni siunie sijliu'. Tiwet'ianaja ka injwanjli wata paka si'yas'ni ka 'najane paka wone siunie jajiojwi.

Juan 17:11

“Ti ya'am jayapi'lia, 'nak ja ke yi'i 'ne ajnat'e, jlajma ijiatayi ti jlamis ja ke intajlis 'ne ajnat'e. Inia' ti i'nes, 'esiji ka 'yena, ki iyo ni ajweye siunie ti jiwenk'impe, 'nakayeyijna'a ka injwanjli ino'we, ka iwoyena'a 'ate awoki ti sa'am.

Hechos 3:21

'Nakayi lapakawo ti 'esiji siunie tiwonaja ka nekiu poliyi, jlampa ka Sinia' intemayijna'a siunie iyo ti ilisank'i siuniwa wask'i'nelaja. 'Yina jlam pak je iyo jiwekie'e ti kia'iyo, kajeyepa ti iyo jla'am niwa jlamtis ti yi'i ni ji'wet iyot'iyipi papo Sinia' jijwejlanawos ti isis ti ijwi'il.

Filemón 1:7

Isiecha, wuj ti ts'ajkaj'ni, ti ajieye'a ti emijnaye jle'ne siunapo Sinia' jilis pet, jla'yi ti jiniuyijk'i'm, it'imina ti yaka inejiem pijia'm 'ni ijiusik. Kia'iyojliyi pit ti jlamis, a'm ti jit'imina, ki iyo ti po' ni jinikanitieye.