Marcos 14:20 - Sinia' Jlamtis 1994

²⁰ Jesús isiujlie ti iyo'ate: —Asa'am siunie inojwajia'm itijwa'm niwa sikioye times tom'niji, 'yina ijwienjli siunie ti akijwane pet, siunie woye 'otiejam'ni ni sak, naka ti ja siwe'en.

Marcos 14:20 ပူးပေါင်းရင်းမြစ်များ

Mateo 26:23

Jesús isiujlie ti iyo'ate: —Siunie i'nio' inijnojlietk'i 'ni woye ti 'otia'm 'ni yak, janakaye ti ja siwe'en.

Mateo 26:47

Jesús je iliyi ti takamtijnien'ni, sekyi'i ti 'nesa jak t'eyasanik jla'am tajla'm siunapo itijwa'm niwa sikioye times tom'niji jle' iyo'ate Judas. Namk'i napo i'nio' 'loj siunapo pa'yijis jika anechiyasas napok jikio' jlele, siu'neje napo kijilas. Iyoyis jitisajnatis jitioye, ijia napo iyo jik'iulisie'.

Marcos 14:19

Sekyi'i je ikanitk'i'ne wita'm ti ipi'yayisie ti kia'iyo, sekyi'i ininekiajlayisi siukia ji'lij ti i'yasista'ni, ti iyonisi 'ate: —¿Jet'i 'yu'we ka je yamana'a?

Marcos 14:21

Siunie I'nio' Jlas janejia'm ni siunie jawo ti janilayiti, siu'neje ni jiliaye jawo ti ja tiliana, iyo jla'am niwa Sinia' jlamtis ti yiji ji'wet ti ijwi'il. 'Yina ¡ja wujwa wat ti ja p'ijliusieja' siunie i'nio' ni janwe'en, 'yina ti ja jiwet'ia japoye pet! ¡Tent'ipi pa kajwe'el ka lajak'i ta'a pa!

Marcos 14:43

Jesús je ilitieje'eje ti takamtijniene japo i'nio', jlampa 'nesape jak Judas, t'eyasanik kiecha tajla'm siunapo itijwa'm niwa sikioye times tom'niji 'neyasajnas, ti jla'yis siojopo pa'yijis jika anechiyasas, siu'neje japo jiwos pet ni Moisés jika'neyasajnaye, 'yina ka kia'iwo ka piniye 'neje japo i'nio' ti jla'yis ti iyo jikio' jleleye, jla'yi ti iyo jik'iulisie'. Japoka 'neje jla'am siojopo i'nio' jwajlat'e iyots'i'ni.

Lucas 22:47

Je ilitieje'eje pi Jesús ti takamtijnien'ni, ti 'nesat'i'nijpe siupapo i'nio' ti 'loj. Siojopo itijwa'm niwa sikioye times tom'niji t'eyasajnas japokayeta tajla'm pa Judas, paka'ne siupa iniajnenk'iye papo. Yami'ni pa Jesús ti iyo ka ts'o jik'iolo'we.

Juan 13:26

Iyo'ate ja Jesús ti isiujlie: —'Yejne'n, jats'iatiti 'ni woyewa, 'yina siupi jawijna'm japakaye. Ijiatjliyi, jlam iyoni'ni 'ate ti its'iatiti, iwijnam'ne ja Judas, Simón Iscariote jlas.

Juan 6:71

Jesús iyo ti ja Judas, siojo Simón Iscariote jlas, jakayeta ti tajla'm siojopo itijwa'm sik'ioye times to'm'niji t'eyasajnas, jla'am siojo janekial.