Marcos 12:24 - Sinia' Jlamtis 1994

²⁴ Jesús isiujlie ti iyo'ate: —Jikamats'iji'n, 'yaka je intant'iejayi niwa Sinia' jlamtis siu'neje ni jijweye iyo.

Marcos 12:24 ပူးပေါင်းရင်းမြစ်များ

Mateo 22:29

Jesús isiujlie ti iyo'ate: —Wuj ti jikamats'iji'n, tepa jawo ka kiak je iwo 'yaka je intant'iejayi niwak Sinia' jlamtis yi'i ni ji'wet, siu'neje na jijweye iyo ni Sinia'.

Marcos 10:27

Jesús jitiej yikiajlayi, sekyi'i ti iyonayi 'ate: —'Yejne'n, siuti sa'am ti i'niots'e'm je kasts'ajane paka iyonaja naka, 'yina jlampet ti naka Sinia' lajk'ipa ka inayi'i pa ka je 'najane pa ka wone.

Marcos 12:23

'Yina siuti ijwi'il napo janapits'i pijia'm napoka 'yajle'n 'esiji, 'yina awo'ate, ¿tepat'e jane'yi siupa ti ijiatayiji ti ja jik'iemjlaye siupapo ijwienjli sikio' itij'we times tom'niji?, 'yina ti itij'we ti jijwa'yis.

Marcos 12:25

Siuka netiejenie'e jana jloma ti siunapo 'yajle'n janapits'i pijia'm, ja ke injwa'yits'iji'n, ayinie asejnia kia'iyojliyi, 'yina ti jawo 'ate siunapo Sinia' jijliujwajnas poli jlele.

Lucas 1:37

Kajeyepa pa Sinia' lajk'iyi pa jla'am ka instayija'm.

Juan 20:9

Mamjli'ijyi je 'yijenisi paka iwone niwa inamtis t'ipi ti iyo'ate, “Ti ijiate ti jano kisie'e ti jantajli pa a'no'.”

Juan 5:39

Wuj ti ji'yena' niwa inlesajna' kajeyepa ti jijwelayeta ka atajlayiji jana in'wasankiye ti laj jlaja, jlam'ne siuniwa inlesajna' niwak sijwe'el.

Hechos 17:11

Siupapo Judíojos jlamp'an je iyo'ate siupapo yi' Tesalónicaja, ti wuj ti t'ojni'n, ti jlam jeye jlamis 'es ti isimits'i niwa Sinia' jlamtis, 'yaka itiliajasi it'imina ti its'iuyisie. Jlomas ti i'ye'en puwa inamtis, ti ijialas ka 'najanisi ka ijiatayi siupa iyo ja Pablo puwa yamtiyi.

Romanos 15:4

Wikie'eyi siuniwa Sinia' jlamtis yi'i ni ji'wet jla'am je tilisanaja jiwek, 'yina ti sa'am ti kastajietajapeje, 'nakayi ti jani'neyasanaja, siu'neje ti naka ti ja kasts'et pijia'm, sijweye jantajle ti jla'am, siu'neje ti 'yakajanit ti sinijijwiye po'.

Efesios 1:19

siu'neje ni jijweye ti iwints'e'm, sam ti je akakiuk. Naka ni siunie jijweye 'yaka'm ape'e wikie'eyi niwa wask'i'nelaja. Sekyi'i ti ijiatayi ti je istieyi siunie ti jijweye po' ti jla'am,

Filipenses 3:21

Ti jawo ink'iejyisa' niwa ts'isienis, ti ji'niayi je itio'yi ape'e 'ni ajnat, ka iwoyena'a 'ate iyo ti jla'am ni t'ajwes ti ijiate jla'am ti 'es. Je lajk'i ni jijweye iyo ti jla'am ti i'yena wikie'eyi niwa wask'i'nelaja yi' ape'e 'ni ajnat.