Marcos 12:14 - Sinia' Jlamtis 1994

¹⁴ Siuti yiyisi iyonisi'ne 'ate: —'Yaka'niona, kasts'ajane pa awona ti a'am i'nio' je niliak'ia'm, jla'yi ti je inkajli siunie iyo napo i'nio', kajeyepa ti je 'yene paka t'oniye iwo pa i'nioye, najata jla'am siunie Sinia' iyotaja kawo napo i'nio' ti jika'neyasane. It'imina ti ja'yasaja'n ti jayok'iate: —¿Ma 'est'iyiji ka 'yakat'inie ape'e niwa inkat'ijnieyejes anechiyas Roma jlele t'ajla'ni napo, ni'ne ka jeye? ¿Ma jatisie ni'ne ka ejloye'e jiwekie'e?

Marcos 12:14 ပူးပေါင်းရင်းမြစ်များ

Mateo 22:16

Sekyi'i ti ijliuye japo t'eyasajnas pet, siu'neje japo 'yuyisk'i pet japo Herodes, ti ijioyisi ja Jesús. Yiyisi ti kiak iyonayisi 'ate: —Inka'neyasajnawo, kasts'ajane ti a'am je niliak paka a'leja', jla'yi ti ijiatk'i siunie jiwo ti jika'neyasa'n ti jijwe'el pa Sinia' ji'niayi. Siunie iyo napo i'nio' je injlan'ni, kajeyepa ti je ji'yene paka ne'yi pa ka t'oniye iwo.

Mateo 22:17

'Yina 'esiji ka ajwel pet siupi ja awoyi: ¿Mi 'est'iyiji ka ikat'ina ape'e siuniwa inkat'ijnieyejes ijioyi'ni nak anechiyas Roma jlele, ni'ne ka jeye?

Marcos 12:13

Siupapo Fariséojos, siu'neje pa Herodes jikawos, po' papo tijliukie'ni kajnoyi ja Jesús kan'yasis'ni, sek jane'yi ka poye pa paka ji'lija ka inwet'ianisk'i, 'yina ka pakaye wek ka injwelis ka intajlatisie, lapakawo ti iyoyisijyi'n paka jitis iwo.

Marcos 12:15

Jlam'ne Jesús 'yijene pi iyone ti siupa tiwonaja ti tejlita, sekyi'i iyo'ne 'ate: —¿Yot'iyi'ni ti sejlita? Toniemet japa wikiniet'aja janjwanjli ja'ye'en.

Marcos 14:45

Jak je iyoyiji siuti yiyeyisi Judas yamitayi ja Jesús ti iyone 'ate: —¡Ika'niona! Ijiatjliyi, siuti kia'iyo its'iuye jik'iolo'we.

Lucas 20:22

Jak je iyoyiji ti a'yasaja'n ti awok'iate, ¿'est'iyiji ka itisie ni anechiyas Roma jlele, ti iyo ka 'yakat'inie ape'e niwa inkat'ijnieyejes, ni'ne ka jeye?

Lucas 23:2

Sekyi'i ti ijyijlitat'iyisijpe ti takajwejlanisia'm siupi iyo pi itiajlatisie, ti iyo'ate: —A'wenajaja siu'nie i'nio', ti itiejietk'i wita'm napo saka kia'lis. Ijwil je 'esiji ti akat'ina'ni ape'e niwa inkat'ijnieyejes, 'etsakaja ti ijwil ka nakaye ni Injwajieti ni Sinia' jijliujwanik, ka anechiyasa'.

Juan 7:18

Siunie i'nio' iyojonk'iye ka tonitie je k'iejliyi paka inwo, najata jla'am iyo siunie tajle. Jlam'ne pet siunie ti iyojonk'iye ka tonitie siunie i'nio' sijliu', nak ijiatk'i siunie iyo jlamtikie'; ka ne ts'ijiye ka jla'am iwo siunie taka'neyasane.

Romanos 13:6

Nak it'imina 'neje ti jikat'in'ni ape'e niwak inkat'i'nijies, kajeyepa siunapo anechiyasas napoka ti Sinia' jikawos, 'yina nak it'imina ti 'yuyits'i siunie jikijmaye ti yiji.

2 Corintios 2:17

'Yina je pini' napo iyo ka wikiniet'aj in'yakane, siuti yameje'n niwa Sinia' jlamtis, kajeyepa ti ijwi'il niwaka ti iyo jikijmayeja'. Jlampet ti sa'am je kiak awoki iyo jlamis, sa'am ti Sinia' ijliuyits'e'm siu'nie awoki, jla'yi ti Sijwajieti jikawosts'e'm, jak je iyoyiji ti awokieta samtikie' ti ajwela niwa Sinia' jlamtis, 'yina je k'iejliyi paka inejyi 'niwa sosikis ka je ijiatak'i jitieyi'i pi Sinia'.

2 Corintios 2:2

Siut'itie ka kiak iyo'nase, ka iyoyeta asjlak'aliye'eje, ¿tempi i'nio' jats'ajkanit'ni siuti ja inlajak'i, 'yina ti awoye asjlak'aliye?

2 Corintios 4:1

Tempi it'imina ti jla'm ani'netiejli, kajeyepa ti kasts'ajane pa awonaja ni jikap'ijliuskiye iyo ni Sinia' ti yikialts'e siunie sikijmaye iyo.

2 Corintios 5:11

Jlam'ne kasts'ajane pa awonaja ti naka ti jla'm ijiate jla'am ti ja ke kasjweye, 'ejejiena'a napo i'nio' ka ilesa'n niwak Sinia' jlamtis. Siupa Saka'niona wuj ti itiant'iejts'e, jla'yi ti yiminta ka kia' awoyeyi pet, ka ijiatayiji ka intant'iets'e.

2 Corintios 5:16

Nak it'imina ti aleki ti awoki siunie sitienkiujnieye iyone siunapo i'nio' ti k'iejliyi pi iyone pi yi'i pi jikiecha. 'Wanjliyi ijiate ti sitienkiujnieye kiak t'ipa iyoyetajapi ti ena'a pa Sijwajieti, 'yina 'nakayi je pa kia' iyoyeyi.

Gálatas 1:10

Ji'we'en ti je nak ka iyojyi'n ka sonit papo i'nio' ti 'es ni isijmaye iyo, najata jla'am siunie awojyin'ni ka jlama jla'am pa Sinia' ka soniti ni isijmaye awone ka 'esie. ¡Yot'iyi'ni ka kiak je iwo ti, siuti jayojyi'n naka, ka sonit napo i'nio'! ¿Jot'e ka 'nok'i'm ti yam ti Sijwajieti jikawok'i'm?

Gálatas 2:6

Ka kia'iwo ka poye paka k'iejliyeyi paka injwelisk'i'm ka yoyi japoka i'yena pet japo ijia Sinia' jilis. (Ijiatataja wek ti ijwilis ijia jika anechiyasas, 'yina ti ya'am je nak ka i'ye'en. Sinia' kia'iyo je i'ye'en paka t'oniyeja' pa.)

1 Tesalonicenses 2:4

Sinia' pajk'i ti kassejlit ka ijiatayi ni awoki, 'yina kas'wen'ne, it'imina ti je isiwitits'e'm niwa jlamtis, jak je iyoyiji 'ni iyo'ni amtiki ti je niliak. Je napoka napo i'nio' ka iyojonk'iye ka 'yakanitie'ni, 'wenajlitieje pa Sinia' ti awoktajank'iye ka 'yakajanitie'ni, ti jla'am ti kas'ye'en iyo niwa sikiojwa'l.