Marcos 11:25 - Sinia' Jlamtis 1994

²⁵ Jak je iyoyi siuti jawoyi ni asts'ajlaye, 'yina 'esiji ka inkiwali'yi pa k'iejliyi pi askiecha iyo'na, ti naka ti jitiajlatayi ti jiwoye jitisa', 'nakayi ti siunie Asna' ti yi' poliyi kiak jawo jankiwali'yi siupa astes iyo ti yiyi ilia'm.

Marcos 11:25 ပူးပေါင်းရင်းမြစ်များ

Mateo 5:23

“Jak je iyoyiji siuti ja akiji jana altar ni jawoyi ji'wajieta' pa Sinia', siuti ataj wujwayi ti ates poyi ilia'm pa akiecha,

Mateo 6:12

Ka atajlatts'e'm jiwek siunie sitis iyo kasp'elisijne'n, wone 'ate awonaja pet siunapo ti po' ni yints'e'm ti je 'es, ti ap'elisinaja'n.

Mateo 6:5

“Siuti jiwoye asts'ajlayeja', ká aniwonayi 'ate napok siunapo sintijyis. 'Neliaja ti takasitk'i ti iyoyis t'ajlayeja' yi'i niwa 'najla'wetis, siu'neje yi'i niwa jikatoki'l niwa jika'wulis, ti iyo ka ti'wena. Ijiate sekyi'i 'yakajlaja'ijyi naka ti tonitieje ni iyoyisi.

Lucas 18:11

Siupa Fariseo takasit'ne ti iyo t'ajlayeja', ti iyo'ate, “Sinia' inikanitieye awe'na'm ti ya'am je awo'ate siunapo kajlajnatas, siunapo 'yuyi'ni napo ijia jwa'yis, siunapo iyoyi siunie ti wuj ti je 'es, je awo'ate iyo siusie isi'm ilia'm niwa inkat'ijnieyejes.

Lucas 18:13

Kiak iyo pa Fariseo ti iyo t'ajlayeja'. Sek k'iejliyiji pet pa yiji siupa isi'm ilia'm niwa inkat'ijnieyejes, 'wenajliyi pet ti t'ot ipiaja'n ti iyo'ate, “¡Sinia' sip'elisi'n ti ya'am ti 'yake' po'!”

Lucas 6:37

“Ká alakiye napo as'lejwas pi k'iejliyi ti ji'wenayi, 'nakayeyijna'a ka Sinia' je inkajanitie'yi astepe'e pet siunie jiwoyeyi. Ká atajlatayi pa k'iejliyeyi ti ji'wenayeje pi akiecha. Sinia' ja ke intajlat'ase'm pet paka k'iejliyeyi siuti jiwoyeyi. Nip'elisinapi 'nakayeyipe pet ti Sinia' janwe'nase'm pet pi k'iejliyeyi.

Efesios 4:32

Woye'ate siunapo jlosikis po', nip'elisina'. Ká atayetieyi ti k'iejliyi pi iyo'nase, iyo'ate pet pa Sinia' ti wuj ti imp'elisina, ti kia'iyo ti je iyoyi astesa' siunie jiwoyeyi, 'yina ti paka jla'am pa Sijwajieti ti insisieyi.

Colosenses 3:13

'Esiji ka nilayitieyits'i, jak je iyoyiji siuti akiecha jitis po'a 'yina netiajnat. Iyo pa Saka'niona ti isiwaliyi'i kiwa astes iyo, kiak wonayi napo as'lejwas.

Santiago 2:13

Kajeyepa ka netieje siojona jloma ti Sinia' jan'ye'en ni jitis iyo, i'nio' ni je ip'ilisi'n napo ijia kiak janwoyeyinie'e pit Sinia' ja ke imp'elisi'n. Jlampet siunie ti wuj ti takap'ijliuski, janakaye pet ti jwajla'a awo ti jant'an pijia'm.

Apocalipsis 11:4

Siunapo Sinia' jijwejlanawos times napoka pet siuniwa times a'la' olivok, siu'neje niwa times katese'l ji'wet ti yi' ts'e jitieyi'i ni Saka'niona ti ajnat jika'niona.