Marcos 11:18 - Sinia' Jlamtis 1994

¹⁸ Siupapo pa'yijis jika anechiyasas siu'neje papo jiwos pet pak Moisés jika'neyasajnaye, ti t'ijieyeyisi pa iyo ti tamti, 'yina iyoyeyisijyi'n paka ji'niayija' ka inlanis. Lapakawo ti je ijwiyisie, 'yaka ti'niejmaki pa t'eyasajnaye iyo.

Marcos 11:18 ပူးပေါင်းရင်းမြစ်များ

Mateo 21:15

'Yina japo kia'lis ti sekyi'i tanayisi ape'e, ti ijiunitis ja Jesús, ti iyoyits'i 'ate: —¡Tonitie 'ni David jlas! Jlam'ne pet siojopo pa'yijis jika anechiyasas siojopo jlameje, siu'neje japo jiwos pet nak Moisés jika'neyasajnaye, ti ipi'yayis siojowa iyo japo kia'lis ti tanisi ape'e, jwesis'ne kajeyepa ti i'winisieje ja Jesús siojowa iyoyi ti i'winki'n siojowa wask'i'nelaja je ti'wena'ni.

Mateo 7:28

Ti Jesús iliyeyi ti tamti, wuj ti yisi'lietk'i japo i'nio', kajeyepa ti 'yaka pi iyo ti iniajmat pi jijweye iyo, je iyoye 'ate siojopo jiwos pet pa Moisés jika'neyasajnaye, ti ijwil ka inka'neyasajne'n.

Marcos 1:22

Siupapo i'nio' ti its'iuyisie pa iyo ti taka'neyasa'n kawojlijiyinisipi pa lapakawo ti 'yakaja'a pa iyo pi jijweye ti tamti, 'yina siupapo taka'neyasane pak Moisés jika'neyasajnaye je ijlien'ni ti ijwi'il ka inka'neyasajne'n pet.

Marcos 11:32

'Yina ¿tepat'e jiwo ka inkiults'e'm siuka iyok'iate, “Tajleje napo i'nio'...”? Lapakawo ti je ijwiye papo i'nio', it'imina ti kiak iyo, 'yaka kiaka Juan ti inajiejnawo ijiatjinipe ti kiaka Sinia' jijwejlanik jiwo ti ijiatk'i.

Marcos 12:12

Iyoyisietaja'ni ka inkimits'i ja Jesús kajeyepa ti itiant'iejesk'i ti jlamis ti tijwelajas'ni ti ti'yenajap jiwek papoka inkijmayewos ti ijiuski'lajne'n. Je 'es jla'am ti je ijwiyisie papo i'nio', iliyeyisi wek sekyi'i ti tajlayisi.

Marcos 3:6

Sekyi'i ti yama'ni papok Fariséojos, jla'yis papok Herodes siupa anechiyas jikawos pet, ti iyoyisijyi'n siupa janwonisi ti iyo kanlanis ja Jesús.

Marcos 6:20

Kajeyepa ti Herodes i'wi'in ti tijnajyi paka Juan jla'yi ti 'es jitieyi'i pa Sinia', 'yina naka'ne ti je ijwi' ape'e, 'wenajliyi jla'm ti i'yenta. Ejlo'o wek pa iyo pa Herodes ti po' siupa iyo ti je 'es, 'yina its'iuye'ni jiwek.

Lucas 19:47

Wikie'eyi puwa jlomas ti Jesús taka'neyasan'ni yi'i japa Sinia' ji'wuk. Jlam'ne pet siupapo pa'yijis jika anechiyasas, siu'neje papo taka'neyasane pet pa Moisés jika'neyasajnaye, siu'neje papo anechiyasas ijia yiji jlaja isi'.

Lucas 2:47

Siupapo ipi'ya jlam jnots'inijits'i, kajeyepa ti i'winis ti 'yije'en pa kia'le, jla'yi ti kiak je iyo paka inkiujlie papo.

Lucas 20:19

Siupapo pa'yijis ti kia'iyo jijweye po', siu'neje papo taka'neyasane pa Moisés jika'neyasajnaye, iyoyisiet'itiejepi ka inkimits'i, kajeyepa ti itijnisieyisi pa Jesús ji'lij 'yijejnap'ni, ti yijnapeje papok inkijmayewos t'ipi. 'Yina papoka jla'am papo i'nio' ti je ijwiyisie.

Lucas 4:22

Je jlase' pi iyo papo i'nio', ti ipi'yayeyis puwa jlamtis ti iyo, jnots'inayijits'i'ni, ti iyoyits'i 'ate: —¿Je 'nak José jlas?

Juan 7:1

Jesús ti paja'ni wat ape'e yamaja, iniuyits'i siojowa isi'il yiji jlaja Galilea. 'Yina je iyo'ni ka ijno 'niji yi'i jlaja Judea, lapakawo siojopo Judíojos iyotaja ka inlanis.

Juan 7:19

“¿Je pak Moisés ti iwi'nase'm ni jika'neyasajnaye? 'Yina tiwet'ianaja ka injwanjli wata'a paka ink'iuye. ¿Yot'iyi'ni ti jiwoye'ijyi ka siliana?”

Juan 7:46

Iyo'ne 'ate japo tokis ti isiujlie: —¡Lajk'ipa ka kia'iwo puwa ka jlamtisie', siunie iyo ti tamti!

Hechos 24:25

Je 'esiji ti ipi'yayeyi ja Pablo ti yiyiji naka ti iyo'ate, “Janilesaniji ni i'nio', jla'yi ti jan'ye'en siupa janwoyi, siu'neje ti japoye jana jloma ti Sinia' jan'ye'en ti ja'nakajanitk'i ape'e siupa jitis jawo.” Naka'ne siunie ti Félix jnots'inaja ti ipi'yaye, sekyi'i iyo'ne 'ate: —'Esiji. Maj. Jlam jayana'anie'eje ka pajata ka itimtieje'nina'a.