Marcos 11:14 - Sinia' Jlamtis 1994

¹⁴ Sekyi'i iyone'ne 'ate ti tamti'yi japak a'la': —¡Ja pajana'a ka titiuwa puwa aye! Jak je iyoyi siojopo t'eyasajnas ipi'ya pakayi.

Marcos 11:14 ပူးပေါင်းရင်းမြစ်များ

Mateo 21:19

I'winayi jlajak higok yi' jikiuts'i ja 'nayi. Yama ti i'yene ka jla' poye, ji'wole 'nejie'e jiwekie'e jlaja a'la'. Sekyi'i ti Jesús kiak iyonayi: —¡Je pajna'a ka a' poye! Yiyik'i wek ti kia'iyo, iyoyeyi siukia iyo ti 'ya'al jlaja higok jakayi.

Mateo 21:33

“K'iuyeyi siu'nie jajwi'lase'meje, ti jayamtiyi'ijyi ask'ioye, ti ja'yejnap jiwek: Pojompe pi i'nio' yikiaj'l isia'm puwa ts'ejnietio' yi'i pi jiwasok. Itijat'ijiampe siojopa sisaj siupa jane'ne pa ts'ejnietio' t'e'. Ilisane 'neje siojopa jane'yi'ni siupa jan'yena ti toj pijia'm, ti jan'yen'ni ape'e. 'Yina ti iyoyeyi ka nek, jlampa wakajlayi yikiajli'ni papok inkijmayewos ka inkijmajne'n kiu' ti sek je yi'i, ti ijioyi japa ajnat jikiecha.

Mateo 21:44

Jlajmiliet siojona sisaj, siunie janoyiji'n ape'e jawo jwala'. Ni'ne ka janakaye jla'am jana sisaj ka inojwi'n ape'e jawo makie ni i'nio'.

Mateo 3:10

Pajk'i ti wakal ni siunie ala' ti ja tikienaja niwa a'la' ti ja tijwajak'i isia'm, ti ja tenajak'i niwa jijwetis. A'la'pe jana ja ke 'esie, ti ja ke iwo jlaye, janak tijwajakiejepi, ka titietajayajampe ni jwat.

Mateo 7:19

Yi'i japa a'la' ti kia'iyo, ti jla' je isis, tijwajaki sekyi'i ti titietajayi jwata'm.

Marcos 11:13

Tojwe pa k'iejliyiji pa yi'i japak higok ti i'wine. Jak je iyo ti yiyeyi, i'yent'itiejpe ka jla' poye wat, 'yina ji'wole 'nejie'e ti yiyeyi ti i'yentaja'm. Kajeyepa ti je yiyi siupa k'ie'ni ti iyoyeta jlaye puwa higok.

Marcos 11:15

Siuti yiyeyisi jlajak Jerusalén, sekyi'i Jesús ijioye kiajwe jlaja 'najla'wet wuj, pakayi'ne ti ijiutk'i kisie'e siupapo ti takawejnajne'n siu'neje papo tik'iajwajyi'ni, 'yina yajmank'i isia'am siupuwa tejeyisi ape'e puwa jika wikijniest'ejes papoka i'nio' ti jilis its'iuyetis'ni ji'wet'e, siu'neje puwa ji'wetis puwa ojwos ti iwin'ni.

Juan 15:6

Jlam pet ni i'nio' ni je iyo ka jlam kiajatajak'i'ni ka ini'nopijiete wita'm, janakaye pet na ja tijliuk kisie'e, ja tiwonajayi 'ate iyo niwa jik'ase'l jana ts'ejniek jit'io ti yi'liayetajats'i. Sekyi'i ti totieja wita'm ti jwat t'otieja'm.

2 Pedro 2:20

Siunie i'nio' ti itiant'ieje ni Saka'niona ti Sijwajieti Jesús, naka pet ti tijwajyi siuniwa iyo pit 'ni ajnat ti ijiateje ti je 'es. Jlam pet ti ininene 'ate ti yapiliyi naka 'yina 'yakapajli'ni, sekyi'i siunie jike' ti ijiate ti je 'es. 'Yaka'm ape'e lapakawo ti je to'm ilia'm, it'iminayi ti 'yakaja ape'e siunie iyo ti 'nelanjie'e ni jiwet'ia iyo.

Apocalipsis 22:11

Ene 'ate siunie iyo ni siunie je 'es kawo siunie jloski'la; siunie ti ijiat ti t'ojli, ene 'ate ni siunie iyoyi. Jlampet siunie ti 'es ja ke inlek'i pet siunie ji'niayi iyo pit ti iyoyi ni 'es; kia'iyojliyi pit siunie ti ini'notatiji k'iye ni Sinia', 'esiji ka je ilek'i siunie iniwone ti ini'notatiji k'iye ni Sinia'.