Marcos 10:52 - Sinia' Jlamtis 1994

⁵² Sekyi'i Jesús iyone'ne 'ate: —'Esiji. Maj ka api. I'nes lapakawo ti atankiujnieye po' jiwekie'e. Ka kia'iwo ka paja'ni ape'e paka talok ti i'winaja'n, je iyo ka lek'i ja Jesús ti ijliasa'aja.

Marcos 10:52 ပူးပေါင်းရင်းမြစ်များ

Mateo 11:5

Ti siunapo je t'ojni'n 'esieyiji ti t'iskiunk'iji'n; jlampet siunapo jiwatis jitio' po', kia'iyojliyi ka jwejlikie ti isis. Siunapo je tipechijyi'n, jik'iot tiojwa'l 'ajlak'iji'n 'nakayi; jlampet siunapo 'yajle'n, yapits'i pijia'm, 'wasajne'n. Siunapo i'nio' ti p'ijliusis tikiniejeje pet niwa Sinia' jlamtis ti isis ti tamtiki k'iye.

Mateo 12:22

Jesús titiunieje siojo i'nio' jitiej je 'es, ti talok jla'yi ti 'ne'lia. 'Yina Jesús ijwiejiet jaka sekyi'i 'esiji ti i'wijne'n jla'yi ti tamti.

Mateo 15:28

Jesús ti ipi'ya jlajak i'nioki, sekyi'i iyo'ne 'ate: —¡I'nioki, ijiate ti atankiujnieye poyi! 'Esiji ka ne'ya siunie jiwojonk'iye ka 'we'en. Ta'a 'ne ti 'es jlaja jlase' jakayi ti kia'iyo.

Mateo 21:14

Ti Jesús je taljli'ijyi ts'e yi'i jlaja 'najla'wet, siojopo i'nio' talojo' siu'neje japo je t'ojni'n tikiniejeje'ni, 'yina je iyo ka je ijwajiete'n.

Mateo 8:3

Jesús sekyi'i isiesat'i'yijpe, ti iyo'ate: —Awoyi. Janitiajnat ak'ioye. 'Yina ti yiyik'i ti kia'iyo, 'yaka jla'm iwo netiajnat t'ipi siupuwa ijiok'i'ni. Ijiate 'es'ne pi i'nio'.

Mateo 9:22

Jesús i'yena 'wechaja, sekyi'i i'win'ne jlajak asejnia, sekyi'i ti iyoni'ne 'ate: —¡Yase', jwajla'a paka wo! Lapakawo ti atankiujnieye it'imina ti i'nes. 'Yina ti kia'iyo ja Jesús, jakayi ti 'esie.

Marcos 1:31

'Yina yam'ne ti ijioyi siupa yi'i, yiyi ti isimajampe jikio'yi ti inijien pijia'm, tiwet'ianaja ka jlomas 'nak nojwaja'm puwa ka inejyi ti netiana siupi iyo'ni ti kio'yok'i. Jla'm iyonayi'ni 'ate ti jlak iwijna'm papo ti ijioyi ti iniye pijia'm japaka.

Marcos 5:34

Sekyi'i Jesús iyone'ne 'ate: —Jla yase', lapakawo ti atankiujnieye po', it'imina ti i'nes. 'Esiji jijwajyi ni alaye iyo, kama ka ak.

Marcos 8:25

Sekyi'i ti yikiajlayi'iji ti jikio' yi'n ape'e puwa jitiete, 'yina sekyi'i ti 'esieyiji ti i'yen ts'iji jitiej tojwak'i. 'Yina je pa iyoye 'ate ti je ijiat ka 'nakaj siupuwa ti i'yenk'i'ni, lapakawo ti 'es pa i'nio'.

Lucas 7:50

Jesús iyone'ate japa asejnia: —Atankiujnieye ti 'es ni it'imina ti i'nes. Maj, kama ti ja ak.

Lucas 9:48

Kiak t'ipa iyonayijipi: —I'nio' ni janki'm ilia'm siunie kia'le iyoye'ate siunie na'm ijyik'i, ijiate ya'am ti isi'm ijyilia'm. I'nio' ni isi'm ijyilia'm, nakayep'ajne pet siunie ti isi'm ilia'm siunie I'nio' sijliu'. Jla'm ijiate jla'am siunie i'nio' je 'esijiyi ti lajk'iyipa kawo ti jane askiowe'e, nak ijiate ti t'an pijia'm.

Juan 9:32

Je tipe'yak jiwekie'e ka ne'yi paka injwe'el paka 'najane pa kanwone pi i'nioye ka in'wejnajne'n ka talokie, ka intajlap'e ti k'iejli yiji'n.

Juan 9:39

Sekyi'i Jesús iyo'ne 'ate: —'Yejne'n, ti ana'm ajnat'e napok aname, siunapo talojo ti ja'wijnajne'n; jlam pet siunapo ijwil ka je talojoye jayojwa'n talojoye.

Hechos 26:18

'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.