Marcos 10:47 - Sinia' Jlamtis 1994

⁴⁷ Je 'es jla'am ti ipi'yayek'i'ni papo i'nio' ti jitiej ijiutisie ti jaka Jesús ti sek 'nejts'e, Nazaret jlele. Sekyi'i ti tanat'ijyin'nipe k'iye ti iyo'ate: —¡Jesús, David jika kia'le, sip'elisi'n wata'a!

Marcos 10:47 ပူးပေါင်းရင်းမြစ်များ

Mateo 1:1

'Niwak jleyis papo tajla'm t'ipi pet ja Sijwajieti Jesús, ti tajla pet pa David, 'yina David tajla pet pa Abraham:

Mateo 12:23

Yisi'liet japo i'nio', sekyi'i ti kiak iyoyeyisi 'ate: —Je 'yu'we ka je 'nakaye 'ni Injwajieti ti Sinia' jijliujwanik, ni David jlas.

Mateo 15:22

Po'ne siujlieja i'nioki ti yiyeyi jlajak ajnat Canaán jleliki ti iyo 'weta'. Ijioyi ja Jesús ti iyo'ate ti 'yakets'ijiap: —¡'Yaka'niona, David jlas, sip'elisin wata'a! ¡Yase' jlaja jitiej je 'es! ¡Wuj ti je 'es!

Mateo 2:23

Ti 'nesat'ipi yamitayi japa Nazaret, japak'ne ti iyo 'weta. Pakayi ti yiyeyi japak jloma siupi iyot'iyipi papo Sinia' jijwejlanawos ti kiak ja tiwonaja'ni 'ate Nazareno.

Mateo 20:30

'Yina times japo talojo' yiyits'iji'n ts'e yi'i ja 'nayi kius, ti ipi'yayek'i'ni japo i'nio' ti yitinis'ni ja Jesús, kajeyepa Jesús sek iniu'we, tanayis'ni ti iyo'ate: —¡'Yaka'niona, David jlas, kasp'elisi'n wata'a!

Mateo 21:11

Ijia isiujlie ti iyo'ate: —Siu'nie injwejlanik jiwo Jesús, ti Nazaret jlele ti yiji jana Galilea.

Mateo 21:9

Siojopo inian'ni, siojopo 'wanjlik'i isia'm kia'iyojliyi, ti tanisi ape'e ti iyoyits'i 'ate: —¡Tonitie 'ni David jlas! ¡Saka'niona 'esiji kanwe'en nak 'es, ti jla'am ti 'nes ti name ni iyo ni Saka'niona! ¡Tiwunitie pi Sinia' ti yi' poliyi!

Mateo 26:71

Sekyi'i Pedro ijliasayi ja 'wuk kiwet, jakayi ti siujlieja jikiecha inkawoki ti i'wina pet, kia'iyojliyi ijwijlaja'm japo ijia ti iyo'ate: —'Naka siu'nie i'nio' yamk'ijin'ni 'neje jaka Jesús Nazaret jlele.

Mateo 9:27

Jlampa Jesús tajla'aja seka'a, times japo talojo' ijia'an. Tanak'i wita'm ti iyonisi 'ate: —¡David Jlas, kasp'elisijne'n wata'a!

Marcos 1:24

—¿Yot'iyi'ni ti jit'iuts'e, Jesús Nazaret jlele? ¿Jlamt'e jiniamats'e ti ja kasnetiajnat? Kastant'ie'a, ti a'm Sinia' jlasts'a'm ti i'nes.

Lucas 4:16

Jesús yapiliet'ipi Nazarette, siujlieja ajnat ji'wett'iyijpe. Siojopa jloma i'nio 'wanjlijyi'n siupi jike' iyont'iyi'nijpe, ijioyet'ipi kiajwe japa 'najla'wet. Takasitiet'ipi ti yamtijie'n puwa Sinia' jlamtis yi'i pa ji'wet.

Juan 1:46

Natanael iyo'ne 'ate ti isiujlie: —¿Mi 'est'iyiji ka poye pa kantajla'm japa Nazaret ka 'esie? Felipe iyo'ne 'ate ti isiujlie: —Jomet. Jlam 'esijyi ka a'we'en.

Juan 19:19

Pilato takajlunie'ne ka tilisanaja siukiwa inamtis ka tena'a jlaja jika cruz ka iwo'ate, “JESÚS TI NAZARET JLELE, JUDÍOJOS JIKA ANECHIYAS”.

Juan 7:41

Ijia japo iyo'ate: —Siunie Injwajieti ti Sinia' jijliujwanik, 'naka. 'Yina ijia japo iyo'ate: —Yaka je jat'inie'e, ¿yot'iyi'ni ka intajla'm jana Galilea siupa Injwajieti ti Sinia' jijliujwanik?

Juan 7:52

Iyo'ne 'ate ti isiujlisie: —¿Galilea jlelep'a'na'm 'neje? 'Ye'en niwa inamtis, ni'neyasane. Ja'we'en ti lajk'ipa injwejlanik jiwoye ka intajla'm jana Galilea.

Hechos 6:14

Ape'yakpe ti ijwi'il pa Jesús Nazaret jlele je ijiat ka je inetiajnate'n siujlie'e ji'wuk pa Sinia', jla'yi ti janetiajnat siunie iyo pet ni Moisés jika'neyasajnaye, ti ja ink'ieye siupa janwone.

Apocalipsis 22:16

“Ya'am ti Jesúsk'i'm, ya'am ti ajlo'wase ni ijliujwanik poli jlele, 'yina ti awojonk'iye ka injwe'lase siu'niwa wask'i'nelaja, sekjane'yi ti jajwelayi pit napo Sinia' jilis. Ya'am ti atajlaja'm siupapo David jilis t'ipi ti tomik'i pijia'm. Ya'am siojona kates jloma jla'yiki ti jlal po'.”