Marcos 10:37 - Sinia' Jlamtis 1994

³⁷ Sekyi'i iyoyis'ne 'ate: —Awoktajank'iye ka iwieki'najap siuka atie'ejenna'a siunie iyo ni aka anechijiayas ti je jlase' ni jijweye, janjwanjli ni jantome ajweyeje, jikiecha ni jantome a'lame, 'nakayi ti kiak jayoki jayok anechiyasasa'.

Marcos 10:37 ပူးပေါင်းရင်းမြစ်များ

Mateo 19:28

Jesús isiujlie japo ti iyo'ate: —Ijiatk'i siu'nie jayo'nase, ka inetiejenie'e siojona jloma ti Sinia' janekiajle'e ti jawo ink'iejyisa' wikie'eyi niwa wask'i'nelaja, siojona jloma ti ni I'nio' Jlas jane'yiji'n siojona ji'wet ti 'es ti jawo anechiyasa', asa'am kiak jawoyeyi'iji pet. Jawaye'yiji'n niwak in'wetis itijwa'm sikioye times tom'niji ti jawoye anechiyasisa' pet, asa'am ti je liyejyin'ni ijyik'i. Japakayeyi ti siunapo i'nio' ti je pini', siunapo tajla'm napo itijwa'm sikioye times tom'niji Israel jilis, ti jane' askiajwe ti jawoye pet anechiyasisa'.

Lucas 24:26

¿Jet'imi 'esiji ka jitiej inok'i ti wuj ti janilayiti siunie tiwonaja siunie Injwajieti ti Sinia' jijliujwanik, siuti je yijliyi'ijyi ti jawo anechiyasa'?

Marcos 16:19

Itime siupa iyo ti tamti, Saka'niona Jesús tikiniejayi 'niji poliyi, sekyi'i yiji'n 'niji jijweyeje pa Sinia'.

1 Pedro 1:11

'Yina Sijwajieti jikimet ti 'es ti yiyits'i papoka, japak 'yakajanitiamk'i siupi jawo jla'am pi Sijwajieti ti janilayiti, siu'neje pa jawoyi ti wuj ti ja 'esie ti jawunitie, ijnonitieye ja tena'a ji'wecha siupi iyo ti inilayiti. Wuj ti ijialasis ape'e ti iyo ka 'najanisi paka iwonisiji pak i'nio' t'ipi, siu'neje japak jloma ti Sinia' jikimet ti 'es 'yakajanitia'm.

Marcos 8:38

I'nio' ni ja'najwelk'i ka sijwe'el, jla'yi ki iyo niwa yamtis jitieyi'i papoka i'nio' ti je isis yiji siu'niwa jlomas awak'i ti iyoyi ni jike', 'yina siunie I'nio' Jlas ti janapimet, ti siupi jit'iuni pi Jinia', siu'neje papo jijliujwajnas poli jlele ti isis ti janamik'i, kiak jawo ja'najwejle.

Mateo 25:31

Jesús je iliyi ti tamti ti iyo'ate: —Siunie I'nio' Jlas ti ja'nes, janejyi siunie iyo ni jijweye, jla'yi ti ja jla'yisa' napo jijliujwajnas poli jlele, jane'yiji'n siojona ji'wet ti 'es ti jlam ti anechiyas.

Marcos 10:36

Sekyi'i ti Jesús i'yasaja'm japoka ti iyo'ate: —Jejlikiamaye kiu' siupa jajwela'.