Marcos 10:32 - Sinia' Jlamtis 1994

³² Jesús pa yamisk'i'ni ti ijioyis 'niji jlaja Jerusalén, 'yina Jesús iniajnin'ni k'iye japo t'eyasajnas. 'Yina kawojlijinipi japo t'eyasajnas ti i'winis ti je k'iejliyi paka woyi ka int'as isia'm, jlampet siupapo 'wanjli isia'm je ijwiyisk'i. Sekyi'i ti tanayi'i japo t'eyasajnas ti i'nialkit, ti ijwijla'm siupa jiliaye jawoyi ti ja tiliana.

Marcos 10:32 ပူးပေါင်းရင်းမြစ်များ

Mateo 11:25

Jakayi ti Jesús iyo'ate ti iyo jlamtikie': —Awunit, Inia' ti a'am ti jika'niona'a'm ni poli jla'yi 'ni ajnat, kajeyepa jijwek k'iye siunapo i'nio' 'yijejne'n niwak siuniwa ti ijiatk'iji'n, siu'neje napo i'nio' je t'on ti t'eyasanajataja'n. Ji'wenkijna'm pet siunapo lajk'iyi pa ka iwo ti je 'yijejne'n.

Mateo 13:11

'Yina isiujlie japo ti iyo'ate: —Ti asa'am, Sinia' i'winki'nase'm ka intant'iejayi siuniwa yiji pet ni jika anechijiayas. Jlampet siunapo 'wenayi, Sinia' je iwijna'm ka 'najane niwaka.

Marcos 1:27

Kawoyisjlijinipi pa jla'm ini'yena wek papo i'nio', 'yina ininekialjliyisi siupa ti iyoyits'i 'ate: —¿Tent'i 'ni siu'nie ti kia'iyo? ¡Ink'iet'e siu'nie inka'neyasajnaye, 'yina ti je jlase' ni jijweye iyo 'ni Jesús, kajeyepa ti siuniwa imose'l its'iuye siuti kia'iyo ijliuye!

Marcos 4:34

Jak je iyoyiji siuti 'yiyasajne'n papo je ijlie'n pet niwak siuniwa ti jla'm i'yejnap jiwek, jlam pet siuti 'najli japo t'eyasajnas, je kiak iyone, 'nak ijniejietak'i pet k'iye ti ijwijla'm.

Lucas 10:23

Tejeyet'iyipi japo t'eyasajnas ti 'najli siupa yiyits'i, iyone'ne 'ate: —Sinia' jikap'ijliuskiye yi'ne siupapo i'wi'in siunie iyo pet ni ji'wena'.

Lucas 19:28

Jesús yiyik'i ti tamti ti iyoye'ijyi ka nek ti jajno Jerusalenne.

Lucas 9:51

Jlampa jet'ipa tojwa ape'e ka inapi poliyi pa Jesús, wuj ti ijialas ape'e ti iyo ka inek, ka ijnoyi siujlieja ajnat Jerusalén.

Juan 11:16

Sekyi'i'ne ja Tomás, jak siojo Jesús t'eyasanik 'ne'eje, ti tiwonaja'ni 'ate Timesi, ti ipi'yaye ti kia'iyo ja Jesús, tanayi japo ijia t'eyasajnas ti iyo'ate: —Naja'ni pet, kiak jayoki, siliaye janoyi wita'm pa jiliaye janwo.

Juan 11:8

Isiujlisie'ne pet ti iyo'ate: —'Yaka'neyasajnawo, jeye pajk'i japo Judíojos ti iyotaja ka inlanis, ti sisajas iyo ka inkie'na. ¿Yot'iyi'ni ti jiwo ka apili?