Marcos 10:22 - Sinia' Jlamtis 1994

²² Siupa i'nio' ti ipi'yaye ti kia'iyo sekyi'i je ijwiyeyiji'ni, lapakawo ti ijiatt'iyijpe ti jwajla'a i'wi'in paka i'nio', paj ti yamat'ipi, ejlo'o wek pi iyo ti jijliak'ali.

Marcos 10:22 ပူးပေါင်းရင်းမြစ်များ

Mateo 13:22

Siuniwa inseliaki ti ijniuj'li ni ajnat ti k'itienis yi'i, napoka pet siunapo ti its'iuye niwa jlamtis, 'yina ti iyoyi jijliak'ali niwak wask'i'nelaja yi' ape'e 'ni ajnat, jlamayis jla'am ti inikajyinis, ti iyoyisink'iye kan'wenis jana wikiniet'aj. Niwaka'ne ti ip'io'n ape'e niwa Sinia' jlamtis, niwaka'ne ti it'imina ti je ya'am ka neyi ts'ijiye, ka poye puwa jla' niwa Sinia' jlamtis.

Mateo 19:22

Jak jwemik, ti ipi'yaye ti kia'iyo ja Jesús, sekyi'i ti wuj ti je inkaj'ni ti yama, lapakawo ti jwajla i'wi'in jak jwemik.

Mateo 27:3

Judas, ti jla'am ti iwi'in ja Jesús, ti i'wina ti tena'a ti jitis poyi, wuj ti jitienkiujnieye ilia'an. 'Yina yami'ni siukiwa treinta wikijniest'ejes ti yikiajle siojopo tajle, pa'yijis jika anechiyasas siu'nie japo kijilas,

Marcos 10:21

Jesús siupi jitiej iyone ti i'yejne'n, 'yakaja'a ti yimi'n pak i'nio', sekyi'i ti iyonayi 'ate: —Ijwienjliyi siunie jinia'yi. Maj, wen'ni wikie'eyi siuniwa yi'a akijmatis, sek jane'yi siojopa ja lajaye jawenajamna'a pet napo p'ijliusis. 'Yina je ijiat ka je ajwos pet niwa ja akijmatisa ts'iji poliyi. Sek jane'yi ka namana'a, ti ja najmin'ni ijyik'i pa jajiojwi.

Marcos 10:23

Jesús jitiej itieteje papo i'nio' nojwajap, sekyi'i ti kiak iyonayiji japo t'eyasajnas 'ate: —¡Ijiat ti ti'nita wat k'iye siunapo i'nio' jwajla'a i'wi'in ka 'noyi ni Sinia' jika anechijiayas!

Marcos 6:20

Kajeyepa ti Herodes i'wi'in ti tijnajyi paka Juan jla'yi ti 'es jitieyi'i pa Sinia', 'yina naka'ne ti je ijwi' ape'e, 'wenajliyi jla'm ti i'yenta. Ejlo'o wek pa iyo pa Herodes ti po' siupa iyo ti je 'es, 'yina its'iuye'ni jiwek.

Marcos 6:26

Sekt'iyi'i'ni pak anechiyas ti itienkiun'ni jitienkiujnieye je 'esk'i t'eyit'e ka je inwejna'm siupa ti'yasane, lapakawo ti yine jitieyi'i papo ijia anechiyasas ti je iliakiyijk'i jiwek ti ijwijla'm siupa jan'yasane.

Lucas 12:15

Sekyi'i ti kiak t'ipa iyonayipi papo i'nio': —Joskiyeyi, ká awoye asjlak'aliye ka woye ka'wena' niwa wask'i'nelaja. Je niwaka ka intajle jana in'wasankiye, kan'we'en ni jwajla'a.

Lucas 18:23

Sekyi'i pa i'nio' je inkaj'ni, kajeyepa inkaje'.

2 Corintios 7:10

Siuti tinilayitieje ti i'nio' je inkaj'ni, nak Sinia' inka'a pet, it'iminayi pet ni i'nio' ti yikiajlayi'iji ti iyo siunie Sinia' iyotaja ka woyi, sekyi'i ti nakaye pet ti tijwa'a ni i'nio'. 'Yina ja ke iyoki sijliak'aliye, kajeyepa ti ijiate jla'am ti 'es. Jlampet siunie injlak'ali ti tajle pet 'ni ajnat, ijioyiji pet jana 'najlati.

Efesios 5:5

'Yina 'najanayi ti siunie 'yuyi'ni jana jikiecha k'iemjla, siojona ti 'yuyi'ni na jikiecha k'iemjla, siu'neje ni iyo siunie ti ijiate ti je 'es, siu'neje ni ijwil ka woyi ni t'ajlaye 'yina ti je 'es ni iyoyi kajeyepa ti iyoyi jika diosa' niwaka ti itiliaja ka'we'en, ja ke ijnoyi pi Sijwajieti, jla'yi pi Sinia' ji'wet ti iyo anechiyasa'.

2 Timoteo 4:10

Demas lapakawo ti yimi'n siu'niwa wask'i'nelaja yi'i 'ni ajnat, it'imina ti ilik'i, 'nakayi teje 'niji Tesalónicaja. Jlampet ja Crescente ijio 'niji Galáciaja, 'yina Tito teje Dalmáciaja.