Marcos 10:2 - Sinia' Jlamtis 1994

² Po' papo Fariséojos ijioyi ja Jesús ti jla'm iyo ka ijnejlitis, i'yasayisin'ni ti iyo'ate: —¿Ma 'esiji ni i'nio' ka inleyi japa jik'iemjla?

Marcos 10:2 ပူးပေါင်းရင်းမြစ်များ

Mateo 15:12

Siojopo t'eyasajnas ijioyisi, ti i'yasisi'n ti iyonisi 'ate: —¿'Najane pi jiwone ti iliatisiji napo Fariséojos, ti impe'ya siunie jiwo ti jlamti?

Mateo 16:1

Siojopo Fariséojos siu'neje japo Saducéojos ijioyeyisi ja Jesús ti iyo ka ijnejlitis. Iyonayisi 'ate: —Awoktajank'iye ka 'wenkints'e'm paka k'iejliyeyi, 'nakayi ti ja'wina ti ja ijiatayi ka pak atajleje pa Sinia' pi ajweye.

Mateo 19:3

Siojopo Fariséojos po' japo ijioyi, i'yasisi'n ti iyo ka ijnejlitis, ti iyonisi 'ate: —¿Ma 'est'iyiji ni i'nio' ka leyi jana jik'iemjla, ka poye paka k'iejliyeyi paka int'emina?

Mateo 22:35

Jak siojo tajla'm japok jiwos pet pak Moisés jika'neyasajnaye, ijioyi'ni ja Jesús ti iyo ka ijnejlit, ti iyone 'ate:

Mateo 23:13

Jesús kiak iyonayi'ijyi 'ate: —¡Aswet'ia japoye ti Fariséojosts'ase'm, siu'neje ti asampet ti jiwosts'ase'm nak Moisés jika'neyasajnaye! ¡Ijnoski'lanajyi'n! Jip'onajia'm ni jika 'wuk kiwet ni Sinia' jika anechijiayas k'iye napo i'nio' ti iyotajas ka 'noyisi. Tiwet'ianaja ka asama wek pet ka 'oyeyi, ni'ne ka asama ka wenayi napo i'nio' ti iyoyistaja'ni ka 'noyisi.

Mateo 9:34

Jlam'ne pet japo Fariséojos iyoyis'ne 'ate: —Paka jla'am siupa imose'l jika anechiyas jijweye pa yiyi, it'imina ti 'yakajli ti iniujwa'n kisie'e.

Marcos 10:1

Jesús yam'ne ti tajla'm siujlieja Capernaum, ti teje 'niji siujlieja ajnat Judea, siu'neje jawa ajnatis iniwajleje'n ja tewuk Jordán. Sekyi'i ti initajayi'iji papo i'nio', jike' iyont'iyiji'nijpe jla'am ti 'yiyasajne'n papo i'nio', 'yina pak iyoyi.

Marcos 10:3

Jesús isiujlie ti iyo'ate: —¿Ten siupa Moisés ijliuye'ase'm ka woyeyi?

Marcos 8:11

'Yina 'nesa'ni papok Fariséojosjimpe ti ijioyi ja Jesús, ti iniewitisijin'ni ti ijyijlitis ti iyonisi 'ate: —Jejlitkiame kiu' ka'wenkints'e'm paka k'iejliyeyi, 'nakayi ti jake 'yakakiuk ti jijwe'el jitiajleje pa Sinia' ni ajweye iyo.

Marcos 8:15

Jesús iyone'ate japo t'eyasajnas ti ijliuye: —'Yejne'n, joskiyeyi siunie ijliasat pijia'm niwa woyejes ti tajle napoka Fariséojos, siu'neje na Herodes ni tajle pit.

Lucas 11:39

Saka'niona iyone'ne 'ate pak Fariseo: —Asa'am ti Fariséojosts'ase'm, kisie'e 'nejie'e wek ti jijwela' ka lejajiamk'i niwa asat jijwa'al, aka teti'l siuniwa ji'yekiuniejiamk'i kia'iyojliyi. Jlam'ne jik'ioyi tipoyeyiji siuniwa askajlajnatis, jla'yi niwa jitiajlayiji ni siunie je 'es.

Lucas 16:14

Siupapo Fariséojos ti ipi'yayisie pa Jesús ti kia'iyo, iliakiyis'ne, lapawo ti ijyiwiteje ti papoka janajata jla'am ti 'yuyits'i jana wikiniet'aj.

Lucas 5:30

Jlam'ne pet siupapo Fariséojos, siu'neje papo taka'neyasane siupa Moisés jika'neyasajnaye, ti jla'yis jla'am, iyonat'iyisijpe 'ate japo t'eyasajnas pa Jesús, ti iliakiyis: —¿Yot'iyi'ni ti jikijwanayi ti ji'yekiuniejyi'n, siu'neje ti ji'yayets'i i'niate, siunapo isi'm ilia'm niwa inkat'ijnieyejes, siu'neje napo inke' jiliajnis? ¡Ijiate ti je 'esi ni jiwoyeyi!

Lucas 6:7

Jlam'ne papo Fariséojos, siu'neje papo taka'neyasane siupa Moisés jika'neyasajnaye, jlam yamisk'ijin'ni, ti iyo kan'wenisieje ka injwajiet pa i'nioye, ka neniji siojopa jloma ti i'nio 'wanjlijyi'n, ti iyo ka pakaye ka intajlatisie.

Lucas 7:30

Siojopo Fariséojos, siu'neje japo taka'neyasane siukia Moisés jika'neyasajnaye, je iyoyisink'iye siunie Sinia' iyotaja ka iwone ti jota inoyeje, it'imina ti je iyo ka ininajiejne'n pet, ka Juan inajiejne'n.

Juan 11:47

Sekyi'i'ne siojopo Fariséojos initotiek'i wita'm, siu'neje japo pa'yijis jika anechiyasas, siu'neje japo ijnosikis jiwos. Initotis'ne wita'm, ti iyoyits'i 'ate: —¿Tepat'e jayonaja? 'Nak siu'nie, je jlase' siuniwa a'wena ti iyo ti i'winki'n.

Juan 11:57

Siojopo Fariséojos, siu'neje japo pa'yijis jika anechiyasas pajk'i ta'a ti ijwila ape'e japo ti iyo'ate: —Siupi ja 'najane pi janwone siupi yi'i pi Jesús, injwelats'inie'e, sekjane'yi ka inajayinie'e ka isima'a.

Juan 7:32

Siojopo Fariséojos ti 'yijenayisi pi iyone siukia tiwonaja ti intaj totieje, japoka 'ne'eje jla'am ti ijliu' papo tokis siojopo i'yena jlaja 'najla'wet, siu'neje japo pa'yijis jika anechiyasas, ka inkimits'i ja Jesús.

Juan 7:48

¿Pot'e jiat'eje napo saka anechiyasas ti je 'yakakiu, ni'ne ka napokaye napo Fariséojos?

Juan 8:6

Lapakawo ti kiak iyotaja ka intajlatisie, it'imina ti kiak iyoyisi ti i'yasisi'n, jla'yi ti ijyijlitis. 'Yuye isia'm, sekyi'i ti ip'isina ni ajnat ti jijwuki isiene.

1 Corintios 10:9

Jla'yi ti je 'es ka sakajejlasaye iyina'a pa Sijwajieti, iyot'iyipi papok i'nio' t'ipi, pakayi ti injlajas itij'we ti yokieje'n.