Marcos 10:17 - Sinia' Jlamtis 1994

¹⁷ K'iejlijimpa iyoyeyipi kanek ja Jesús, ti yiyejenipi paka pa i'nio' ti t'osi'yi ape'e, t'akosjlete'l itiyeyijin kiajwe ti i'yase'n ti iyone 'ate: —'Ni ika'niona ti i'nes, ¿tepat'e ka iniwontaja ka yija'm pet jana i'wiesankiye ti t'o'n?

Marcos 10:17 ပူးပေါင်းရင်းမြစ်များ

Mateo 17:14

Ti yiyeyisi japo i'nio', tajla 'niji ja i'nio' ijioyi takosjlete'l itiyeyijin kiajwe, ti iyo'ate:

Mateo 25:34

Jantanayinie'e ni anechiyas siunapo jantom jijweyeje, ti janwone'ate, “Joniemit, siunapo Inia' pajk'i ti iwijna'm ni 'es ti ip'ilisi'n. Kima'yi ilia'm ni siunie ti jla'am pajk'i ti iwiakajlanit ask'ioye, tajlap'e ti 'nelanjie'e ilisanayi ni ajnat, naka ni jika anechijiayas.

Mateo 28:8

Tajlayisi ja a'no', t'osiyeyijits'i'ni, ejlo'o wek ki iyo ti jnots'ijnits'i. 'Yina inkase'n jiwek ti yam'ni, ti iyo jika'niyejayi japo t'eyasajnas.

Marcos 1:40

Tajla 'niji pa i'nio' inwatis jitio' yi'i ti ijioyi ja Jesús, sekyi'i t'akosjlete'l itiyeyijin kiajwe ti inip'elisini ti iyo'ate: —Kawotajanie'e ka netiajnat its'ioye siu'nie iwit'ia ni it'imina ti Sinia' 'nachik'i'm, i'nio' kia'iyojliyi.

Marcos 10:18

Jesús isiujlie ti iyo'ate: —¿Yot'iyi'ni ti jijwe'el ka ts'es? Jlam'ne ijwienjli jla'am pa Sinia' ti ijiate ti 'es.

Marcos 12:14

Siuti yiyisi iyonisi'ne 'ate: —'Yaka'niona, kasts'ajane pa awona ti a'am i'nio' je niliak'ia'm, jla'yi ti je inkajli siunie iyo napo i'nio', kajeyepa ti je 'yene paka t'oniye iwo pa i'nioye, najata jla'am siunie Sinia' iyotaja kawo napo i'nio' ti jika'neyasane. It'imina ti ja'yasaja'n ti jayok'iate: —¿Ma 'est'iyiji ka 'yakat'inie ape'e niwa inkat'ijnieyejes anechiyas Roma jlele t'ajla'ni napo, ni'ne ka jeye? ¿Ma jatisie ni'ne ka ejloye'e jiwekie'e?

Marcos 9:25

Jesús i'ye'en ti 'loj papo i'nio' ti ikapajle, sekyi'i ijyijlitayi ti ijliu' kisie'e paka imosik ti yiji pa jwemik, ti iyone 'ate: —¡Imosik ti je pechijien'ni jla'yi ti jiwojwa'n 'ne'liaja 'ni siu'nie jwemik, tal 'naka'a 'yina ká ekiajlena'a ka 'ojia'm 'ni jwemik!

Lucas 10:25

Siupapo taka'neyasane pak Moisés jika'neyasajnaye, ijwienjli'ne siupa ijioyi pa Jesús ti jankamtijniene, ti iyo ka ijnejlit, ti iyone'ate: —Inka'neyasajnawo, ¿tepat'e ka iniwontaja ka ya'm ape'e siojopa in'wasankiye ti laj jlaja?

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Juan 5:39

Wuj ti ji'yena' niwa inlesajna' kajeyepa ti jijwelayeta ka atajlayiji jana in'wasankiye ti laj jlaja, jlam'ne siuniwa inlesajna' niwak sijwe'el.

Juan 6:40

Siunie iyo ni Inia', i'niope na jan'yejne'n ni Sinia' Jlas, nak in'wenape jana ji'wasankiye ti laj jlaja, siunapo je 'yakakiu. Sek jane'yi ka yamape pet ka iniujwank'i kisie'e ti jantajli niwa a'no'ol siojona jloma yi' jlaja.

Hechos 16:30

'Yina takasitie, yamayi kisie'e japo Pablo ti i'yase'n ti iyo'ate: —'Napo 'yaka anechiyasas, ¿tepat'e ka iniwontaja ka ijwie' pet?

Hechos 2:37

Siupapo nojweje, ti ipi'yayeyis ti kia'iyo, je jlase' pi iyo ti iyo jijliak'aliye. Ijioyisi'ne ja Pedro, siu'neje japo injlojwajnas, ti i'yase'n ti iyo'ate: —I'lijwas, ¿tepat'e ka iniwonataja?

Hechos 20:32

“'Nakayi 'esiji ka Sinia', jla'yi niwa jlamtis ti takap'ijliuski, jan'ye'nase'm, jla'yi kanoye'ase'm. Siuniwa jlamtis 'yijene 'neje kanoye'ase'm ka ijiatayi ka astankiujnieye poye, jla'yi kawe'nase'm ni jikap'ijliuskiye, jikimet napo Sinia' jilis ti isis.

Hechos 9:6

Neppijia'm, maj jojwa'm jana isi'. Sek ja a'yi ka tijwelajamna'a siunie jawoyi.

Romanos 2:7

Sek jane'yi siojona ji'wasankiye ti laj jlaja, napok janwejna'm pet siunapo iyojyi'n, jla'yi ti yamjliyi pet ti iyoyi ni siunie ti 'es, jla'yi ti iyoyisijyi'n siunie inwunitieye ti tajle ni Sinia'.

Romanos 6:23

Jlampet siunie ji'yaka'n ti jiwoyeyi ni aske', janaka pet jana 'najlati. Jlampet siunie Sinia' iyo si'wajieta', janaka pet jana si'wasankiye ti laj jlaja, ti ani'nopijietaja pi Sijwajieti Jesús ti Saka'niona.

Efesios 1:18

'Esiji ka Sinia' 'nakajanit jitiowiji ni asosik ja 'nakayi ti ja 'najanayi paka wonayi, jla'yi ka wujwa ka intant'iejayi siunie tanets'e naka ni sinijijwiye, siu'neje ki iyo niwa isis ti iwijna'm napo jilis, ti wuj ti ip'ilisi'n,

Tito 3:7

Nak kasts'isisi ki iyo ni jikap'ijliuskiye, it'imina ti yikialts'e ka itiejek janak si'wasankiye ti t'on, jana anejejwiyejenk'iye.

Hebreos 1:14

'Yina, ¿tent'i napoka injlojwajnas poli jlele, tepit'i iyo siupa jikijmaye? Awo'ate napoka siunapo Sinia' jikawos ti ijliuyi napo i'nio' ti ja jikimita siojona injwajieti ka noyeje.

1 Pedro 1:4

siu'neje ka askimeta' siuniwa isis Sinia' iwijna'm napo iyo kamp'elisi'n. Siuniwa ti pajk'i ti iwiakajlanit ta'a ask'ioye yi' poliyi, siunie je ti'wena ka ino'we, jla'yi ti laj jit'iojliye, jla'yi ti je 'yojma'm ti 'es ni k'iejliyi.

1 Jn 2:25

Janaka'ne siojona Sijwajieti Jesús ijwilts'e'm, jana in'wasankiye ti t'o'n.