Marcos 10:1 - Sinia' Jlamtis 1994

¹ Jesús yam'ne ti tajla'm siujlieja Capernaum, ti teje 'niji siujlieja ajnat Judea, siu'neje jawa ajnatis iniwajleje'n ja tewuk Jordán. Sekyi'i ti initajayi'iji papo i'nio', jike' iyont'iyiji'nijpe jla'am ti 'yiyasajne'n papo i'nio', 'yina pak iyoyi.

Marcos 10:1 ပူးပေါင်းရင်းမြစ်များ

Mateo 26:55

Sekyi'i ti kiak iyonayi japo i'nio': —¿Yot'iyi'ni ti jiwoye astesajnatisie', jla'yi ti jiwoye ask'iulisie', ti jiniamak'i, siwonayeyi 'ate ni i'nio' kajlajnata? Jlam'ne wikie'eyi kiwa jlomas ti si'wenayeta'ni ka jakayetaja ka akimak'i'm.

Mateo 4:23

Jesús itijw puwa isi'il yiji jlaja Galilea, ti 'yiyasajne'n papo i'nio' yi'i puwa 'najla'wetis ti jikimitis. Ijwi'il siupa inka'niye ti 'es, siupa Sinia' jika anechijiayas, jla'yi ti ijwiejiete'n puwa jiliaye papo i'nio', siu'neje puwa t'ajwes t'a'ti.

Marcos 1:21

Jlampa 'nesajan'nipe ja Jesús ti jla'yis siupapo yamk'i, 'niji yi'i jlaja isi' Capernaum, siojopa jloma i'nio 'wanjlijyi'n, Jesús ijioyi siojopa Judíojos t'ajla'wet ti taka'neyasa'n.

Marcos 10:2

Po' papo Fariséojos ijioyi ja Jesús ti jla'm iyo ka ijnejlitis, i'yasayisin'ni ti iyo'ate: —¿Ma 'esiji ni i'nio' ka inleyi japa jik'iemjla?

Marcos 12:35

Ti Jesús taka'neyasa'n kiajwe jlaja 'najla'wet wuj, i'yasa'm papo ti iyo 'ate: —¿Yot'iyi'ni siunapo taka'neyasane ni Moisés jika'neyasajnaye, ti ijwi'il ni Sinia' jijliujwanik ti Injwajieti ka napok intajla papo David jika kia'lis t'ipi?

Marcos 14:49

Jlam'ne jlomas atejwe ti aka'neyasan'ni ts'e kiajwe jana 'najla'wet, ka jakayeyi ka akimayek'i'm ta'a. 'Yina lapakawo ti jla'am je iyo jiwek, kajeyepa ti yiyeyi siunie iyot'iyipi siuniwa Sinia' jlamtis siukia jawo.

Marcos 2:13

Paj ti Jesús yamajampe ti ijio 'niji yi'i siojopa tewuk iliyi, 'yina jikiusk'i jlam 'yiyasanjlijyi'n papo i'nio' ti ijioyi.

Marcos 4:2

Sekyi'i ti iyoyi ka 'neyasajne'n papo i'nio' siupuwa 'loj ti i'yejnap jiwekie'e. Iyo'ne 'ate ti taka'neyasane:

Marcos 6:2

Ti yiyeyi siojopa jloma ti i'nio 'wanjlijyi'n, ijioyeyi japa 'najla'wet sekyi'i ti taka'neyasana. Jlam'ne siupapo i'nio' ti je pini' ti ipi'yayisie init'ipa 'yenape papo i'nio' ti ipi'yayisie, ka iwojlinijisipi pa ininekiajlayisi ti iyoyis 'ate: —¿Tepat'i yi'ipe ti ini'neyasa'n? ¿Tepat'e tajle'e siunie ijiate ti 'yije'en ni i'nio' siu'neje ni ti 'yijene pi iyone ti ijwiejiet pa?

Marcos 6:34

Jak je iyoyiji ti tisiojmayejejnimpe ja Jesús, i'yena ape'e papo i'nio' ti je pini', sekyi'i ti ip'ilisijnin'ni'ne, kajeyepa ti iyo'ate niwa 'wolepo' ti laj jiwoye, sekyi'i ti ijyijlitayi ti 'yiyasajne'n. Je pini' siupuwa wask'i'nelaja 'yiyasane papo.

Marcos 6:6

'Yijenajant'itiejpe pa iyo ja Jesús, ti kia'iyo papo i'nio' sek ji'wet'e ti 'yakakiuyis. Jlampa yamajampe 'nijiye kiaka, Jesús ya'am ti ijioyits'i siupuwa ajnatis jilis ti je tose ti taka'neyasa'n.

Juan 10:40

Jesús yapili siojo Juan yine'epe siojopo i'nio' ti iniejiejne'n. Iwiets'ila i'niat ji'wechaja, yi'i siojo tewuk Jordán; 'yina sek 'wanjle'e'ne.

Juan 11:7

Siukia ti jloma kiechaye'eje, iyone'ne 'ate japo t'eyasajnas ti i'yasayisi: —Naj kiu'ujwe 'niji Judéaja.

Juan 18:20

Jesús isiujlie ti iyo'ate: —Siuti amti je anijweki, eni'ni jitieyi'i wikie'eyi napo i'nio', jla'yi ti aka'neyasanata eni'ni kiajwe siuniwa 'najla'wetis je wus, siu'neje jana wuj, siu'neje niwa yi'i 'ni napo Judíojos ti initotietak'i wita'm. 'Yina lajk'ipa ka yi'i ka inijwek ti amtiyeta.