Marcos 1:5 - Sinia' Jlamtis 1994

⁵ 'Loj papo i'nio' tajle janak ajnat jle' iyo'ate Judea, siu'neje papo tajle janak isi' Jerusalén, ijioyisi pa Juan sekyi'i ti ininekiajlaja'n. 'Yina Juan ijioyiji'ni nak tewuk jle' iyo'ate Jordán ti iniejiejne'n.

Marcos 1:5 ပူးပေါင်းရင်းမြစ်များ

Mateo 4:25

Je pini' papo i'nio' yamk'i ja Jesús siupapo tal Galiléaja, siu'neje papo i'nio' tajle siujlieja ajnat jle' iyo'ate Decápolis, siu'neje papo i'nio' tal Jerusalenne, siu'neje papo tal Judéaja, siu'neje papo tal ji'wechaja ja tewuk Jordán.

Marcos 1:4

Pojompe pi i'nio' jle' iyo'ate Juan, yi'i pi ajnat mami'yi ti iniejiejne'n papo i'nio', iyoyi jika'niyejayiji papo ti iyo'ate: —Woye asosikis ink'iejyisa', janiejyinajyi'n, ja 'nakayi ti Sinia' ja ke inwoyi astesayi niwa askeyis.

Marcos 1:6

Siupuwa jikiayi kosoki'l po' ji'wole, puwak Juan iyojinijpe ji'wuyeye, jlam pet siupa jika'wak a'naj, kio'ol siu'neje ni inkayik ni itiujw pa yi'i.

Juan 1:28

Yi'i jlaja ajnat jle' iyo'ate Betania yi'i ja tewuk Jordán taj'le ni kilie' sek yinayi'i ja Juan ti iniejiejne'n japo i'nio', sekyi'i kiaka ti kiak iyo.

Juan 3:23

Siujlieja ajnat jle' iyo'ate Enón je tojwape'n jlaja Salim, sek yiye'epe pet ja Juan ti iniejiejne'n japo i'nio' ti ijioyi'ni, kajeyepa ti je k'istie' jlam ki i'niat ti yiniji japo.

Juan 5:35

Juan iyoye'ate jana kates ti yata'm ape'e 'ni ajnat, siunie jla'al inkaja'yi ejlowekie'e ti je itioyi'i.

Hechos 19:18

'Loj papo je 'yakakiuyis, inijwelisi siupa iyoyisi. Je inijwekisi ti ijiatk'i ti iyoyisi pi aye'wu jikijmaye.

Hechos 2:38

Pedro isiujlie papo ti iyo'ate: —Woye asosikis ink'iejyisa', janwopi pa ka ijiatayi, pak tiniejienajape, ti janetijnapeje ni Sijwajieti Jesús jle', ja 'nakayeyijna'a ka Sinia' inetiajnat niwa askeyis iyo. Sekjane'yi ka wena'asemna'a jana Sinia' jikimet ti 'es.

Santiago 5:16

Ijiate, 'esiji ka wikie'eyi janijwela' siuti po' ni je 'es. Mayeyi ni'najlanapi. Siuti kiak janiwonayi, ja ajwayejyi ni aswet'ia iyo. 'Yina siunie 'es ti inipejlanit'i ape'e ni t'ajlaye, jijweye po' pet ni t'ajlaye.