Marcos 1:32 - Sinia' Jlamtis 1994

³² Ti k'iejli ajnalis wujk'i'ni, wikie'eyi siupapo je isis, siu'neje papo jitiej je isis, tikiniejeje ja Jesús,

Marcos 1:32 ပူးပေါင်းရင်းမြစ်များ

Mateo 4:24

Jesús jle' itijwi'ni siujlieja ajnat Siria, ti t'ijieyeje. Tiniamajaja'ni siupapo ti wuj ti inilayiti puwa iyot'iyipi puwa jikie'el ti je ijwienjli, siu'neje papo imose'l iliaki, siu'neje papo jitiej je isis, siu'neje papo je t'ojni'ni, je iyo ka je injwajiete'n.

Mateo 8:16

Jlampa k'iejli kilie' yamat'ipi isia'm, tikiniejat'iyiji'nijpe siupapo jitiej je isis. Etiet'ipi ti tamti'yi papo, sekyi'i yamat'i'nijpe puwa imose'l yijits'i papo i'nio' ti iliaki. Ijwiejiete'n wikie'eyi siupapo i'nio' jiwet'ia po'o.

Mateo 8:17

Sekyi'i ti jiwekie'aja ti 'yaka siupi iyot'iyipi pa Sinia' jijwejlanik jiwo Isaías ti iyo'ate: “Jla'am ti ijialts'e niwa ts'ajwes t'a'ti, siu'neje niwa siliayejes.”

Marcos 1:21

Jlampa 'nesajan'nipe ja Jesús ti jla'yis siupapo yamk'i, 'niji yi'i jlaja isi' Capernaum, siojopa jloma i'nio 'wanjlijyi'n, Jesús ijioyi siojopa Judíojos t'ajla'wet ti taka'neyasa'n.

Marcos 1:31

'Yina yam'ne ti ijioyi siupa yi'i, yiyi ti isimajampe jikio'yi ti inijien pijia'm, tiwet'ianaja ka jlomas 'nak nojwaja'm puwa ka inejyi ti netiana siupi iyo'ni ti kio'yok'i. Jla'm iyonayi'ni 'ate ti jlak iwijna'm papo ti ijioyi ti iniye pijia'm japaka.

Marcos 3:2

Siupapo Fariséojosjimpe jitiejiejwas jla'am ja Jesús isiowalisk'i'ni ti iyojonk'iye kan'wenisieje ka injwajiet paka i'nioye ka ineniji siojopa jloma ti i'nio 'wanjlijyi'n, ti ka pakaye ka intajlatisie wek.

Lucas 4:40

Ti kilie' 'yuyeta, wikie'eyi siupapo i'nio' je isis, ti jiliaye je ijwienjlik'i, tikiniejat'iyijipi pa Jesús. Ijwienjlik'i'ni papo ti jikioye yink'i ape'e, sekyi'i ijwiejiete'n.

Lucas 4:41

Je pini' siupapo je isis ti imose'l tajlits'i, ti iyo'ate ti tajwits'iji'n: —¡A'am ti Ina' jlajts'a'm! Jesús isilaja puwa imose'l ti ijliuk'i kisie'e, je yine 'ate ka intamtits'iji'n, kajeyepa ti 'yijene pi iyonisi ti paka ti Injwajieti ti Sinia' jijliujwanik.