Marcos 1:24 - Sinia' Jlamtis 1994

²⁴ —¿Yot'iyi'ni ti jit'iuts'e, Jesús Nazaret jlele? ¿Jlamt'e jiniamats'e ti ja kasnetiajnat? Kastant'ie'a, ti a'm Sinia' jlasts'a'm ti i'nes.

Marcos 1:24 ပူးပေါင်းရင်းမြစ်များ

Mateo 2:23

Ti 'nesat'ipi yamitayi japa Nazaret, japak'ne ti iyo 'weta. Pakayi ti yiyeyi japak jloma siupi iyot'iyipi papo Sinia' jijwejlanawos ti kiak ja tiwonaja'ni 'ate Nazareno.

Mateo 8:29

Ti yiyet'iyisipi ja Jesús, kiak t'ipa iyoyeyisipi ti tank'i wita'm: —Sinia' jlas, ¿yot'iyi'ni ti je kasse'nate? ¿Jiwot'iyimi ka poye ta'a paka wonts'e, ti ji'nis 'yina ti je yijliyi'ijyi siojona jlomaye?

Marcos 1:23

Jlampa iyoyejempe 'ate siupa i'nio' jitiej je 'es, ti 'yuyi papo ti yi' kiajwe japa 'najla'wet, tanajan'nipe ti iyo'ate:

Marcos 1:25

Jesús isilaja'ne siupi yiji ti iyonajanipe 'ate: —¡K'iu'wate, tajli siu'nie i'nio'!

Marcos 10:47

Je 'es jla'am ti ipi'yayek'i'ni papo i'nio' ti jitiej ijiutisie ti jaka Jesús ti sek 'nejts'e, Nazaret jlele. Sekyi'i ti tanat'ijyin'nipe k'iye ti iyo'ate: —¡Jesús, David jika kia'le, sip'elisi'n wata'a!

Marcos 14:67

Jakayi ti 'nesape siujlieja anechiyas jikawoki. Siuti i'wina ja Pedro 'yina je iyo ka jitiej k'asa'a, sekyi'i ti iyone'ne 'ate: —A'm 'neje ti je lik'ijin'ni siunie Jesús Nazaret jlele.

Marcos 16:6

Siupa jwemik iyone'ne 'ate japoka asejnia: —Ke ijnots'ijnak'i'm. Jak jiwoyetajyin'ni ja Jesús Nazaret jlele siojo ti tena'a pijia'm 'neyek'i jlaja cruz. Lajk'ipa ka ine 'neye, iniu kisie'e tajli 'ni a'no'. 'Yenayi ni siunie tena'a 'neye.

Marcos 5:7

Iyonayi 'ate ti tajwijyi'n: —¡Ká 'ok'inie'e Jesús, Sinia' ti lajk'ipa ka ijnojliji jlajts'a'm! ¡Anip'elisi'najapeje pa Sinia', ka je k'iejliyijna'a paka awonk'i!

Lucas 1:35

Injlojwanik poli jlele isiujlie ti iyo'ate: —Siojona Sinia' jikimet ti 'es jana'm atepe'e ka 'nesta, ti jajno'wa, sekjane'yi ni jijweye ni Sinia' ti wuj jantej'w atepe'e 'yiniyijna'a na pe'el. It'imina ti kiak ja jleye naka kia'le kanetiejena'a T'otata, siu'neje ni jikiecha ni ja jleye Sinia' Jlas.

Lucas 24:19

Jesús iyo'ne 'ate ti i'yase'n papoka: —¿Tepit'i iyoyiyi paka? Sekyi'i iyoyis'ne 'ate: —Siukia tiwonaja'ne kia Jesús Nazaret jlele, injwejlanik jiwo ti jijweye po', Sinia' wuj ti ijiuniti siukiwa ilisane, siu'neje kiwa iyo jlamtikie', pajlat napo i'nio' ti ijiat ti yiminis.

Lucas 4:34

—¡Kasse'nate! ¿Yot'iyi'ni ti jit'iuts'e, Jesús Nazaret jlele? ¿Jot'imi ka kastej'we ti jlots'e? ¡Sitiant'ie'a ti a'am ti Ina' i'notat!

Lucas 8:37

Wikie'eyi siupapo i'nio' sek ji'wet'e, yiji japa Gerasa, kiak t'ipa iyonayisipi pa Jesús, ti ijliuyis'ni: —¡Majna'a ka 'nak ataj'le! Lapakawo ti jnots'ijnits'i papo i'nio'. Jlampa iyoyeyi ka insojmajia'm pa Jesús japa kasejkana, ti iyoyet'iyi'ijyi ka inek,

Juan 6:69

Pajk'i ti ak'iukie, it'imina ti kastant'ie'a ti a'm ti Sinia' inlesa'n.

Hechos 2:27

Ja ke siliyi'i pa a'no', jla'yi ti ja ke e'nate ni 'yajwes ka insotieje, ni akawo ti 'es.

Hechos 24:5

A'wena siu'nie i'nio' ti itiejietk'i wita'm napo Judíojos, ti ijioyetaja japa yi'i isi', it'imina'aja napo Judíojos ti po' na jijliak'aliyis. 'Nak iniajnen'ni k'iye siunapo i'nio' Nazarénojos.

Hechos 3:14

Jlam'ne ka 'yasanayi ka tiniujwana kisie'e ti jlam ti 'es ti Sinia' 'yotat, 'wenajliyi pa i'nio' siupa kalankijieta, pak ji'yasanayi ka tiniujwana kisie'e.

Hechos 4:27

“'Wanjliyi ijiatk'i, Herodes jla'yi ni Poncio Pilato ti initotk'i wita'm 'neyek'i, ti ininenisi'ne yi'i siujlie'e isi', jla'yis napo Roma jlele, siu'neje napo Israel jlele, ti tejeyets'i ilia'm ni Jesús, ni akawo ti 'es, siunie ajlojwanik ti Injwajieti.

Santiago 2:19

Ka jla'm awo wat ti jijwel pa Sinia' ti ijwienjli. Siuniwa imose'l kia'iyo 'yijene pi iyone, it'imina ti je 'yakakiuyis. 'Yina ti je ijwiyisie, kititiyeyik'iji'n.

1 Jn 2:20

Lapakawo ti Sijwajieti pajk'i ti iwi'nase'm jana Sinia' jikimet ti 'es it'imina ti ajosik jitieja.

Apocalipsis 3:7

'Yina iyo'ne 'ate: —'Ete'e kiu'ujwe siu'nie ti jajloyi siunie jijliujwanik napok Sinia' jilis yiji jana Filadelfia: “Iyo'ni siu'nie Sinia' 'yotat, siu'neje ti nak yiyi siojona anechiyas David jika 'wuk kiwet jikie'e. Ni siunie etie jla'm ka 'najlinitia'm ja lajak'ipa ka imp'ojna'm, siu'neje ti jlama ka imp'ojna'm kiak jawo ja lajak'ipa ka 'najlinitia'm.