Marcos 1:22 - Sinia' Jlamtis 1994

²² Siupapo i'nio' ti its'iuyisie pa iyo ti taka'neyasa'n kawojlijiyinisipi pa lapakawo ti 'yakaja'a pa iyo pi jijweye ti tamti, 'yina siupapo taka'neyasane pak Moisés jika'neyasajnaye je ijlien'ni ti ijwi'il ka inka'neyasajne'n pet.

Marcos 1:22 ပူးပေါင်းရင်းမြစ်များ

Mateo 13:54

ijioyi siujlieja ajnat ji'wet jla'am. Ijioyits'i jawa t'ajla'wetis jla'am japo i'nio', yijits'i jawa isi'il jilis, ti taka'neyasane ni Sinia' jika anechijiayas. Ka wojlijinipi japo i'nio' ti ipi'yajanisiepe, sekyi'i ti kiak iyoyeyisi: —¿Tepit'i iyo 'ni i'nio'? ¿Tepit'i iniwone siuti 'yijene, jla'yi ki iyo ti i'winki'n siuniwa ti ikaniti'n napo i'nio' ti i'winatajas?

Marcos 1:23

Jlampa iyoyejempe 'ate siupa i'nio' jitiej je 'es, ti 'yuyi papo ti yi' kiajwe japa 'najla'wet, tanajan'nipe ti iyo'ate:

Lucas 2:47

Siupapo ipi'ya jlam jnots'inijits'i, kajeyepa ti i'winis ti 'yije'en pa kia'le, jla'yi ti kiak je iyo paka inkiujlie papo.

Lucas 21:15

'yina ja yama ya'am ti jawi'nase'm ni siunie as'lej jawonayi, siu'neje na 'najankijnieye, 'nakayeyijna'a siunapo astajiejwas ja ke into'ma aselia'm, 'wenajliyijna'a ti ja injwel ka inkiuj'liase'm, 'yina ja ke injlana'ni.

Lucas 4:32

Kawojliyi papo i'nio' t'ipi ti ipi'yayeyis siupa iyo ti taka'neyasa'n, kajeyepa ti jijweye po' ti tamti.

Juan 7:46

Iyo'ne 'ate japo tokis ti isiujlie: —¡Lajk'ipa ka kia'iwo puwa ka jlamtisie', siunie iyo ti tamti!

Hechos 6:10

'Yina je tomits'i ilia'm pa Esteban, lapakawo ti Sinia' wuj ti iniuyeje, jikimet iwijna'm, it'imina siupa iyo ti tamti, ji'lij 'yijene.

2 Corintios 4:2

'Yina je awoki siuniwa wask'i'nelaja ti taka'ajwejlasajne'n, siuniwa tijwekie ti je isis, ti je niwaka Sinia' jlamtis kanjwe'el. 'Wenajliyi jla'am siunie awoki samtikie', naka ni siunie ti ijiatk'i, je ajwekie. Jak je iyoyiji napo i'nio' jla'yi pa Sinia' jan'we'en ti ijiate ti je awok'iate siunapo i'nio' jiniliaja ti lajk'iyi paka iwoyisi, 'yina sa'm ijiatayi wek sa'am.