Lucas 9:33 - Sinia' Jlamtis 1994

³³ Jlampa tajlat'iyisijpe pa Jesús siupapo i'nio', 'yina Pedro iyone'ne 'ate pa Jesús: —Inka'neyasajnawo, 'esp'an ka 'nak iwiek'i. Jalisanajajna'a puwa 'wukiu'l jilisa' ka najapeja, janjwanjlina'a siojopa ti jajna'ya'm pet, siojopa jikiecha jajna'yi pet ni Moisés, jikiecha 'neje japa jajna'yi ni Elías. Pedro je ijiat pa kanjwe'el siupuwa iyo puwa jlamtis, kajeyepa ti yisi'liet siupa iyo pi i'wi'in.

Lucas 9:33 ပူးပေါင်းရင်းမြစ်များ

Mateo 17:14

Ti yiyeyisi japo i'nio', tajla 'niji ja i'nio' ijioyi takosjlete'l itiyeyijin kiajwe, ti iyo'ate:

Mateo 17:4

Sekyi'i ja Pedro iyone'ne 'ate ja Jesús: —'Yaka'niona, 'esp'an ka 'nak iwiek'i. Ka woyi, jalisanejna'a puwa 'wukil jilisa janajapeja. Janjwanjli japa jajna'ya'm, janjwanjli 'neje japa jajna'yi 'ni Moisés, siojopa kiecha jajna'yi pet 'ni Elías.

Marcos 10:38

Jesús isiujlie ti iyo'ate: —Je 'najanayi ni siunie ji'yasanayi. ¿Jot'i ka akajlajyi ti ja'yayejyi pet siunie ja si'yayinaja ti pajyi? ¿Jot'i ka akajlajyi ka anilayitieyi siunie jawo ti ja a'tiejak'i, ti ja'yakajli ti janilayiti ya'am?

Lucas 5:5

Simón iyo'ne 'ate ti isiujlie: —Inka'neyasajnawo, atejwaja'm ki ajnaj ti awokietaj'ni, lajk'iyi pa ka i'wina. 'Esijyi ti a'am ti jijliuyijk'i'm, jatietajam'ne 'niwa ika'nijia tio'.

Lucas 9:34

'Yina ti je iliyi ti tamti'ni, jlampa tajlat'ipi 'niji siojopa poli, sekyi'i japaka'ne ti it'imina ti je 'yakajayi, kajeyepa ti yiyisi, sekyi'i ti wuj ti jnots'ijnits'i ti i'winayis ti kia'iyo.

Lucas 9:49

Juan iyonat'iyijpe 'ate pa Jesús: —Inka'neyasajnawo, a'wena ja i'nio' ti iniujwa'n kisie'e jawa imose'l, ti isiene ki e'e. Je enaja 'ate kajeyepa ti je tal siwa'm.

Juan 14:8

Sekyi'i ja Felipe iyo'ne 'ate: —'Yaka'niona, kantitie ka pajataja ka'wenkints'e'm jiwekie'e pi Sinia'.

2 Corintios 4:6

'Yina je 'wena siunie Sinia' ti iyot'ipi 'ate, “'Esiji ka nak intajla'm ni jloma ni siunie ajnatiok”, naka 'neje ti jloma yijnits'i niwa sosikis, 'nakayi ti ja jatiant'iekiejeniti ni siunie k'iejliyi ni jijweye ti ijiate ti 'es, ti jla'al itie'e ni Sijwajieti jitiokio'.