Lucas 9:20 - Sinia' Jlamtis 1994

²⁰ 'Yina iyo'ate: —¿Tepi jiwoyeyi pet ti asa'am? ¿Ten pet pi jijwela' ka yama? Pedro isiujlie'ne jla'am ti iyo'ate: —A'am ti Injwajieti'a'm siunie Sinia' jijliujwanik.

Lucas 9:20 ပူးပေါင်းရင်းမြစ်များ

Mateo 22:42

—¿Tepi iyo pet pi astankiujnieye ape'e nak Injwajieti ti Sinia' jijliujwanik? ¿Tempi jijwela ka intajla? Isiujlisie ti iyo'ate: —David pak tajla.

Mateo 26:63

Ijiate Jesús je isiujlie. Yikiajle'e 'neje ja pa'yijis jika anechiyas ti i'yas'ni ti iyone 'ate: —¡Siuti awak'ne, jitieyi'i pa Sinia' ti jla'am ti je paj ka inetia'n, awoktajank'iye ka ajwelts'e'm siunie ijiatk'i! ¿Ma amt'e siunie Injwajieti siunie Sinia' jijliujwanik? ¿Ma a'm Sinia' Jlajts'a'm?

Mateo 5:47

Siu'neje ti napokata jla'am as'nayi ijwienjli ti jitijwilayi'ni ti jini'wenayetaja, ¿ma 'wena t'i jloyejiap napo asa'm ijia? 'Yejne'n, siunapo je t'ekiyiji ni siunie je 'es ti iyoyi tiwet'ianaja ka 'wena joyejiap'e ni siunie iyoyi.

Marcos 14:61

Ejlo'o wek siukia tiwonaja, 'yina je iyo jiwek ka inkiujlie japo i'nio'. Siojo pa'yijis jika anechiyas wuj yikiajlayi'iji ti i'yas'ni ti iyone 'ate: —¿Mi a'am ti Injwajieti'a'm, siunie Sinia' jijliujwanik? ¿Mi a'am 'neje ti Jlasts'a'm siunie Sinia' ti 'es?

Marcos 8:29

'Yina Jesús iyo'ne 'ate ti i'yase'n japo t'eyasajnas: —¿Tepi jiwoyeyi pet ti asa'am, siupa jijwela' ka yama? Pedro isiujlieyi jla'am ti iyo'ate: —A'm ti Injwajieti'a'm siunie Sinia' jijliujwanik.

Lucas 22:67

—Jwelts'e'm, ¿ma a'am siunie Injwajieti Sinia' jijliujwanik? Isiujlie ti iyo'ate: —Jot'itie ka je sakakiuye ka inijwe'el ti ya'am.

Lucas 9:19

Isiujlie ti iyo'ate: —Po' napo i'nio' ijwi'il ka Juan inajiejnawoye'a'm, ijia napo ijwil ka Elíassa'a'm, po 'neje napo ti ijwil ka injwejlanik jiwoye'a'm ka papokaye siupapo iniant'i'nijpe, ka inapi pijia'm.

Juan 1:41

ta'a ti ya'am ti ijioyi ja ji'yini, yiyi ti iyonayi 'ate: —A'wena siojo Injwajieti ti Sinia' Jijliujwanik, yits'e.

Juan 1:49

Natanael iyo'ne 'ate: —Inka'neyasajnawo, ¡am ti Sinia' Jlajts'a'm, sa'am ti Israel jika kia'lits'e'm saka anechiyasts'a'm!

Juan 11:27

Iyo'ne 'ate: —Ijiate, 'ni Ika'niona, je akakiu ti a'am ti Injwajieti a'm ti jitiajle pi Sinia', jla'yi ti Jlajts'a'm pi Sinia', pajk'i ti kasts'ajane pi awonaja ti jla'am ti ja'nes 'ne ajnat'e.

Juan 20:31

Tepa jawo ka je tenaja ti nakaye ti jant'emina ka je akakiuye ja Jesús, ti ijiate ti Sinia' Jlas, Injwajieti ti Sinia' jijliujwanik, 'nakayeyijna'a ti ja'wena' jana as'wasankiye ti t'o'n, siunie ja ke inkakiu.

Juan 4:29

—Joniemet ja'yenaja ja i'nio' ti 'yakajanitk'i ape'e wikie'eyi siuniwa 'yakeyis ti awot'iyi. ¿Ent'a 'naka ni Sinia' jijliujwanik ti Injwajieti?

Juan 4:42

Sekyi'i'ne ti tiwonaja'ne 'ate jlajak i'nioki: —'Nakayi je pi amkataja siuniwa iyo niwa amtis ti jikajwejlants'e ti je akakiuk, 'yina ti kia'iyo ti sa'am ti ape'yak. Jla'yi ti ijiate ti kasts'ajane ti jla'am ni siunie Jijwajieti napo i'nio' yi' ape'e 'ni ajnat.

Juan 7:41

Ijia japo iyo'ate: —Siunie Injwajieti ti Sinia' jijliujwanik, 'naka. 'Yina ijia japo iyo'ate: —Yaka je jat'inie'e, ¿yot'iyi'ni ka intajla'm jana Galilea siupa Injwajieti ti Sinia' jijliujwanik?

Hechos 8:36

Yamat'i'nijpe, yiyisi siupa yi'i japa i'niat, sekyi'i ti iyo'ate pak i'nio': —Siujlie'e i'niat. ¿Tempa jantomi'ni ijyik'i ka siniejiena?

Hechos 9:22

Saulo jla'm ini'netjli ti ijwijla'm papo Judíojos sek ji'wet'e yi'i jlaja Damasco ti Jesús jla'am ti Injwajieti ti Sinia' jijliujwanik. Iyoyet'iyispe 'ate: —¿Ten siunie iyo ni i'nio'?

1 Jn 5:1

I'nio' ni je 'yakakiu pi Jesús ti jla'am ti Sinia' ijliu' ti Jijwajieti napo i'nio', nak ijiate jla'am ti Sinia' jlas. Siu'neje ni yimi'n ni i'nio' jilis po'o, kiak janwone'ijyi pet siupapo jilis janjwane'e ti janemijne'n.