Lucas 9:11 - Sinia' Jlamtis 1994

¹¹ Siupapo i'nio' ti t'ijieyeyisi yamat'i'nijpe ti ijiutisik'iji'n. 'Yina Jesús je takama'yi ilia'm, jlam ijwiljlijia'm pet ni iyo ni Sinia' jika anechijiayas, ijwiejietjlijyi'n papo je isis.

Lucas 9:11 ပူးပေါင်းရင်းမြစ်များ

Mateo 12:15

Jesús, ti 'yijenayi pi iyone ti tinijlokiap'ni, yam'ne ti tajla'm jlajak isi'. Je pini' japo i'nio' yamk'i. Siojopo je isis ti tikiniejeje, wikie'eyi ti i'mieniti'n.

Mateo 14:14

'Yina ti tisiojmayeje'n, i'yejne'n japo i'nio', sekyi'i wuj ti ip'ilisijne'n, jakayi ti je pini' japo ijwiejiete'n japo je isis, ti tokiji'ni.

Mateo 21:31

Papok siupapo times, ¿tepa yi'i siupi je ika'm ape'e pi jinia' ji'lij ti ijliutieje siupi jikijmaye?” Isiujlisie'ne ti iyo'ate: —Siupi iniajnat ti ijioyi. Sekyi'i Jesús iyo'ne 'ate: —Ijiatk'i siu'nie jayoyi, siunapo isi'm ilia'm niwa inkat'ijnieyejes ti i'ye'n ilia'm ti ijioyi'ni jana Roma, siu'neje napo asejnia siunapo 'yuyi'ni napo ijia jwa'yis, napok siunapo jana'n ask'ioye ti ja'noyi ni Sinia' jika anechijiayas.

Mateo 21:43

Nak ajwe'el ti jatala'ase nak Sinia' jika anechijiayas, ja tekiajlaja siunapo i'nio' japoye siuniwa jla' ti ja nekiajle ni Sinia'.

Lucas 1:53

Siunapo p'ijliusis jwajla'a i'winkine, jlampet siunapo i'nio' jwajla'a i'wi'in lajk'i pet pa ka inejni kiojyi ti ijliuye'ni.

Lucas 5:31

Jesús isiujlie papo ti iyo'ate: —Siunapo yi' ape'e niwa jlo'witis, napok 'yu'we ti isitia'n ni inkakiewo wuj. Jlampet siunapo isis, ti lajk'ipa ka inlate, napok je isitia'n, kajeyepa.

Lucas 8:1

Yam'niji pak siupa iyot'iyipi pa Jesús, 'yina yam'ne ti iniuk'i'ni puwa isi'il, jla'yi puwa ji'wetis jilis papo i'nio', ti iyoyi jlamtikie' puwa Sinia' jlamtis ti isis, ti ijwi'il pa jika anechijiayas. Siojopo t'eyasajnas ti itijwa'm niwa sikioye times tom'niji 'yuninisk'i,

Lucas 8:10

Iyo'ate pa Jesús ti isiujlie japo t'eyasajnas: —Siuti asa'am siunie iyo'nase ni Sinia', tijna'yase'm pet ti iwi'nase'm ka intant'iejayi siuniwa wask'i'nela'aja yiji ni jika anechijiayas ti je 'yaka ape'e. Jlampet siunapo 'wenayi, napok akimits'ik'iye pet siuniwa ti jlam a'yejnap jiwekie'e ti amtiyeta, 'nakayeyijna'a 'wanjliyi kan'yenis'ni, 'yina jitiej ja ke iname, 'wanjliyi kampe'yayis, 'yina ja ke intant'iejesk'i.

Lucas 9:10

Ti 'nesat'i'nijpe japok injlojwajnas, ijwilisiam'ne pa Jesús ti yiyeyisi wikie'eyi siupuwa iyoyisi ti t'iskiunk'iji'n. Jesús i'winakit'ne siupa ijioyiji, ti iyone 'ate: —Naja'ni jajiok Betsáidaja.

Lucas 9:12

Ti no'otie t'ipi siojopo t'eyasajnas ti itijwa'm niwa sikioye times tom'niji ijioyet'iyisipi ti iyonisi 'ate: —Jlam woni'ni 'ate, nijwejla'm napo i'nio', jloye ka ijnoyi siuniwa isi'il je kastojwape'n, ka inwoyisijyi'n pa ka ijnoyits'iji'n, jla'yi ti jan'yekiujni'n kiu wata'a pet. 'Wanjliyi lajk'iyi pa ka k'iejliyeyi ka winaja'm 'ni awak'i.

Lucas 9:2

Ti ijliuye'ni, iyonat'iyijpe 'ate: —Maye'ni, mayeyiji'n ni Sinia' jika anechijiayas ti jajwela', jwajietajyi'n napo je isis.

Juan 4:34

'Yina Jesús isiujlie'ne japo t'eyasajnas ti iyo'ate: —Siunie yak, naka ti awo siunie ijliuyijk'i'm ka itime ni jikijmaye ni i'nio' sijliu'.

Juan 6:37

Wikie'eyi siunapo Inia' yikialk'i, napok ijiok'i. Napoka ti ijiok'i ja ke 'yakawona,

Hechos 28:31

Jlam ikatatjliyi ti iyo jlamtikie', ti ijwil pa Sinia' jika anechijiayas, jla'yi ti taka'neyasane pa Saka'niona Jesús ti Sijwajieti. Siupa iyoyi jlam k'ejma ti lajk'ipa ka intom'ni k'iye ti iyo jlamtikie'.

Romanos 10:14

'Yina awo'ate, ¿tepa jawo ka intanisink'iye ti 'yakakiuyis? ¿Tepa jawo ka impe'yayis ti lajk'ipa ka iwoyi jlamtikieyi?

Romanos 10:17

'Yina ijiate ti siunie ti tipe'yak, nak tajle siunie intankiujnieye ti je takakiuk. Ijiatjliyi siunie tipe'yak nak Sinia' jika'niye ti ijwi'il pa Sijwajieti.

Romanos 15:3

Janiwone 'ate siunie iniwont'iyijipi pa Sijwajieti ti je iyojyi'n siupa ka 'esieyi ti jla'am, 'wenajlit'iyijpe ti jla'am ti it'imina ti 'yakajak'iyi siuniwa Sinia' jlamtis ti iyo'ate, “'Yaka'niona, siuniwa jikalakijnieye napoka i'nio' atajiejwas ti inlaki, yi' itipe'e.”

2 Timoteo 4:2

'Esiji ka woyi siunie ajloye'a'm, 'esiji ka woyi amtikie' niwa Sinia' jlamtis. Siuti po' jana jloma ti a'wet poyi wata'a, siuti ja laja a'wetayi ejlo'o wek. 'Yina ja inwakal jiwekie'e. Lesaniji siunie jlamtiyi k'iye napo i'nio', 'nakayi ti jan'wenis pet ti ijiate siunie jiwoyi. Wo jlosikie', jalaskine, ke ineyate'e siuti jit'iyasajne'n.

Hebreos 4:16

Naka'ne, siunie ti je 'esiji ka kaskip'e ni Sinia', 'yina ja ijioki siunie jikap'ijliuskiye 'wet, 'nakayi ti ja kasp'elisijne'n, siu'neje ti jasitiana kanoyits'e'm.