Lucas 7:29 - Sinia' Jlamtis 1994

²⁹ “Wikie'eyi siojopo ipi'ya'ne ja Juan, siojopo isi'm ilia'm puwa inkat'ijnieyejes kia'iyojliyi, iyoyis'ne 'ate, “Ijiatp'aneje jla'am niwa Sinia' jlamtis ti 'es jla'am”. Ininekiajlisi'ni ja Juan sekyi'i ti iniejienaja'n.

Lucas 7:29 ပူးပေါင်းရင်းမြစ်များ

Mateo 5:46

Siuka ja 'yenijits'i siunapo i'nio 'nama'ase ka emina', ¿tempa ja as'wajieta pet? Jlam'ne jike' kiak iyoyi, siunapo isi'm ilia'm niwa inkat'ijnieyejes pet.

Lucas 20:6

Je 'es ka yok'iate, “Tajle napo i'nio'”, 'lojwinie'e ka int'ekits'i, ka sisajas inkients'e, kajeyepa wikie'eyi napo i'nio' ti 'yijene pi iyone ti Juan ijiate ti jla'am ti injwejlanik jiwo ti tal Siniayi.

Lucas 3:12

Siu'neje papo i'nio' isi'm ilia'm niwa inkat'ijnieyejes, takajlunie papo anechiyasas Roma jlele, ijioyisi pa Juan ti iyo ka tiniejienaja'n. I'yasis'ni pa Juan ti iyo'ate: —Inka'neyasajnawo, ¿tepat'e janiwonaja pet?

Lucas 7:28

Jajwi'lase'm, je ti'wena paka i'nioye ape'e 'ni ajnat ka inka'm ape'e ja Juan. 'Yina jlam pet siunie ti ijiate ti je 'esijiyi ti yiji ni Sinia' jika anechijiayas, nak 'yakama'aja pet ape'e.

Lucas 7:35

“Siunie t'ajankijnieye ni Inia', 'yaka ti yiji siunapo i'nio' ti iniuk'i ni ji'niayi.”

Hechos 18:25

Jlam pajk'i ta'a ti ini'neyasane ni inamtik, ats'ilkaja ti yameje'n niwa Sinia' jlamtis, ti ijwi'il pa Jesús. Ejlo'o wekie'e ti pakata pi iyot'iyipi pa Juan ti iniejiejne'n papo ti 'yijene pi iyone, 'yina 'es ti taka'neyasa'n.

Hechos 19:3

Pablo yikiajlayi'iji ti i'yase'n papo, ti iyo'ate: —¿Tempa jitiajlayiji ti inajienajajyi'n? Iyoyis'ne 'ate: —Atajlajaja ja Juan siunie iyo ni jika'neyasajnaye.

Romanos 10:3

Jlam'ne nakata jla'am ni Sinia' ti ilisajne'n napo i'nio', 'yina ti Israel jika kia'lis je 'yijene paka wonisi naka, sekyi'i ijwilayis ka niwakaye ka 'esieyisi siuniwa iyoyi, jak je iyoyiji ka iwoyisi ka ininekiaj'lisi ni Sinia' ti nakaye ti ja 'esieyisi.

Apocalipsis 15:3

Takelisiejne'n, 'yina yilisisk'i siukia Sinia' jikawo Moisés jika'le, jika'le 'neje ni 'wolepo 'woma, ti iyo'ate: “Saka'niona, Sinia' ti lajk'ipa ka ijnojliji, wikie'eyi siunie jiwoyi je jlase' ni iyo, siu'neje ti ijiate ti 'es. A'm ti siuniwa ajnatis jika anechiyasts'a'm, 'yina siuniwa a'najia tijnajyits'i siu'neje ti je tak'emiyeje wek.

Apocalipsis 16:5

Ape'yayeyi ja injlojwanik poli jlele ti i'yena niwa i'niatis ti iyo'ate: “Sinia' ti i'nes, a'm ti impo' ta'a, jla'yi ti je t'iki ti a'm. A'm ti tijnajyi siunie jiwoyi ni asajkinaye ti a'tiejek'i.