Lucas 6:49 - Sinia' Jlamtis 1994

⁴⁹ Jlampet siunie je iyoyi siuniwa yamtis ti ipi'yayeta, iyoye pet 'ate siunie i'nio' ji'wuk ilisantaja, 'yina ti lajk'ipa ka into'm isia'm k'iye ka 'net pijia'm. Siuti i'niat i'yujlietajk'i pijia'm itie'e japa 'wuk, je ijwietanit ta'a'ne ti itiete isia'm. Sekyi'i netiajnen'ne japa 'wuk masa.”

Lucas 6:49 ပူးပေါင်းရင်းမြစ်များ

Mateo 23:3

Jak je iyoyiji, k'iuyeyi siuniwa ijwilis jla'yi ti ja alesana, 'yina ká akiniets'i siunie iyo niwa jikeyis. Ijiate ijwilatajas siunie 'es, 'yina je iyoyisi.

Mateo 24:10

Janak siojona jloma ti ja 'lojwa napo i'nio' janlek'i, janetiajnat nak jitienkiujnieye ti 'es. Ja ke insesk'i wita'm kajeyepa ti ja ke ini'nama. Ja kiajatajak'i'ni jawopi pa janekial pa ji'niayi ijwienjliyi, siupapo ijia ti ne'waja'm.

Marcos 4:17

'yina ti siuti 'yiniye ka jijwetisi'l je inekk'isia'm, ji'niayi je itioyi'ik'i, jak je iyoyiji siuti yiyetaja ni inkajejlasaye, ti Sinia' jlamtis ti it'imina ti inilayitisi ki iyo niwa a'tisk'iji'n, sekyi'i ti initiajnata'aja ni jitienkiujnieye ti 'es.

Lucas 12:47

“Siunie i'nio' inkawo, ti jlam ti 'yijenataja siunie jika anechiyas iyo ka woyi, 'yina ti je iniwakajlanit jla'yi ti je its'iuye pa tiwonataja, nak wuj ti ja tisiejek'i ti ja tajak'ni.

Lucas 19:14

Siupapo i'nio' sek ji'wet'e, yi'i siojopa ajnat yi'i, je iyoyisink'iye jla'yi ti ne'wajasi. It'imina'ne ti ijliu' siupapo isimits'i jlamis ka inkajwelanis, ti iyoyits'i 'ate, “Je awokink'iye ka iwo anechiyasa' sik'ioye.”

Lucas 19:27

Jlampet siupapo je iyojon its'ioye ti awo anechiyasa', mayets'i'ni, 'nak enayi'i ka alanajyin'ne itieyi'i”.”

Lucas 6:46

“¿Yot'iyi'ni ti jiwonak'i 'ate, “'Yaka'niona, 'Yaka'niona”, ti je k'iuyek'i'm siunie ti ajlotieja'ase'm?

Lucas 6:48

iyoye'ate siunie i'nio' ti iyo ka inlesane jana ji'wuk. Iniajnat ti taka'an, ti itiji siupa jane'ne japa ji'wuk, paj ti tojwaja yiyeyi siojopa sisaj, sek yina'a ape'e japa ji'wuk paka. Siuti yiyetaja ti i'niat itiyak'i pijia'm, 'yina je ikaj'le pet japa 'wuk, ikajlitieje ti i'niat itiejata'a, lapakawo ti po' siupa to'm isia'm k'iye japa 'wuk, jak je iyoyiji ka injlane'ni.

Lucas 7:1

Ti Jesús itimayi ti takamtijniene papo i'nio', yamat'ipi ti ijio 'niji yi'i jlaja Capernaum.

Juan 15:2

Siuti i'wi'in ni jik'as ni je 'es, je iyo jlaye, nak ijwiejaje. Jlam pet siuniwa jik'ase'l ti isis ti iyo 'ni jlaye, niwak ijiatayiji ti i'yena, sekyi'i ti yisitak'i ilia'm ti ilisa'n.

Hechos 20:29

Ts'ajane ta'a pa awone siuka yiktiejna'a ja'nes'ni napo i'nio' ti jawo'ate niwa k'iwajlas ti jwesis, ti jana'am jikiowe'e napo Sinia' jilis, ti jawo ka inetiajnat.

Hechos 26:11

Je ijwienjliyipi ka je 'yak'aja'n ti yi 'najla'wet'e, ti ajalaskintaja ka inleyisi ti iyoyisi siukia 'es ti iyoyisi. Wuj ti se'wajamk'i. Paj ti ayeyi siuniwa ajnatis ijia, siuniwa 'wenayiji, ti akk'i'ni ti a'yikisanits'i, kajeyepa ti se'wajamk'i.

1 Tesalonicenses 3:5

Tempi it'iminape ti ajlo'wase 'ni sikiecha Timoteo, naka ti awojonk'iye ka ts'ajane pa kayone ka je aleyets'i ni iyo ni astankiujnieye ti 'es. Kajeyepa ti kiojieti 'ni itienkiujnieye iyo ti itiej ene'ni 'ate ka kiak iwo ka siunie inkajejlasayewo in'yakana ka kia'iwo ti jaleyeyi ni siunie astankiujnieye ti 'es, kajeyepa ti ja ijnejlita. 'Yina siuti kiak jawoyeyi jlam jiwek ti ajo'wase'ni laj lajaye ki siukia isijmaye ti awoyi aska kiowe'e.

2 Pedro 2:20

Siunie i'nio' ti itiant'ieje ni Saka'niona ti Sijwajieti Jesús, naka pet ti tijwajyi siuniwa iyo pit 'ni ajnat ti ijiateje ti je 'es. Jlam pet ti ininene 'ate ti yapiliyi naka 'yina 'yakapajli'ni, sekyi'i siunie jike' ti ijiate ti je 'es. 'Yaka'm ape'e lapakawo ti je to'm ilia'm, it'iminayi ti 'yakaja ape'e siunie iyo ti 'nelanjie'e ni jiwet'ia iyo.

1 Jn 2:19

Ti talts'e'm japok i'nio', sekyi'i'ne ti 'yakajayi ti je wikie'eyi ka intal siwa'm. Jlam'ne ka ijiatayi ka intal siwa'm, je kia'iyotaja'ni ka intal'ne saka kiowe'e jakayi.