Lucas 6:12 - Sinia' Jlamtis 1994

¹² Pak siupa jloma ti Jesús ya'am ti ijio ape'e siojopa tikijnaki, ti iyo t'ajlayeja'. Itijw siupa ajnaj ti takamtijniene pa Jinia', ti iyo t'ajlayeja'.

Lucas 6:12 ပူးပေါင်းရင်းမြစ်များ

Mateo 5:1

Jesús i'wi'in ti 'loj papo i'nio', i'yujliet'ipi ape'e pa tikina, sekyi'i yiyeje'n. Siojopo t'eyasajnas ijliasat'iyisipi,

Mateo 6:6

Siuti a'am ti jawo 'ajlayeja', jajoyena'a 'wuk kiajwe, sekjane'yi ja p'onajamna'a ka ne'yi japa jane'yi niwa jitiojwa'l jana a'wuk, ka sek enayi'ina'a ti jawo 'ajlayeja', ti janjwanjliyiji'n ni Asna' ti je ti'wena, ti sek yi'i. Siunie Asna' ti i'wi'in ni jiwoyi ti jinijwekieyi, janwe'nase'm pet ni as'wajieta'.

Marcos 1:35

Ti k'iejli mot, ajnaj 'wanjle ajnat'e, Jesús ti iniye pijia'm, yama ti ijioyi siupa ajnat laj i'nioye'e ti iyo t'ajlayeja'.

Marcos 3:13

Yam'niji kiaka, Jesús yamajampe ape'e japa tikijnaki, sekyi'i ti tanayits'i siupapo i'yen'ni ka kiak iwone. Jak je iyoyiji'ni siuti initaja,

Marcos 6:46

Itime ti isie jikiojiamk'i papo, sekyi'i ti yama ti ijio ape'e japa tikijnaki ti iyo t'ajlayeja'.

Lucas 5:16

Jesús yam'ne ti ijioyi siupa ajnat laj i'nioye'e, ti iyo t'ajlayeja'.

Lucas 6:11

Siupapo i'nio' sekyi'i wuj ti jwesis. Inijlok'ijin'ni'ne ti iyoyits'i 'ate: —¿Tepat'e ka iyonaja 'ni Jesús?

Lucas 6:17

Jesús yapi'ne ajnat'e ti taj'l ape'e japa tikijnaki, jla'yis japo t'eyasajnas. Yiyisi siupa ajnat ijniul wita'm, sekt'ipa yajapat'iyijits'ijimpe. Initaj seka'a siojopo t'eyasajnas ijia t'ipi, siu'neje papo tal Judéaja, ti kia'iyo 'loj, siu'neje papo tal Jerusalenne, siu'neje papo i'nio' tal jikiusk'i jlaja ajnat jle' iyo'ate Tiro, siu'neje jlaja Sidón.

Lucas 9:18

Yit'iyipe japa jloma ti Jesús inijwankite'n ti iyo t'ajlayeja', jlam'ne japo t'eyasajnas yijap, Jesús i'yasat'ijyimpe japo t'eyasajnas ti iyo'ate: —¿Tent'ipa itijnisieje napo i'nio' ka yama?

Lucas 9:28

Jlampa jlomas ijwienjli sikio' itij'we najape tom'niji puwa yam'niji pakayi ti jitiej ijiutie siupa janwo, Jesús yam'ne ti ijio ape'e japa tikijnaki ti iyo t'ajlayeja'. Tane ja Pedro jla'yi pa Santiago, siu'neje ja Juan.

Lucas 9:29

Jlampa t'ajlat'ipi, siupa jloniyet'ipi 'wena k'iejlit'iyijpe, jlampet siupa ji'wu' kat'ajat'iyijpe ti lemi, 'esiet'itie pa k'iejliyi.

Juan 6:3

Sekyi'i ti ijioye ape'e jlaja tikijnaki jla'yis japo t'eyasajnas, yiyeyisk'iji'n seka'a.

Colosenses 4:2

Ká aleyeyi ti jiwoye'ni asts'ajlayeja', siu'neje ti asnikanitieyi jlekiajlayi'ni pa Sinia'. Ká anikiwalinitie.

Hebreos 5:7

Ti Sijwajieti yi'i 'ni ajnat ti iyo t'ajlayeja', 'yakets'ijiap siu'neje ti jitiett'e' itiojnate'n ti inip'elisine pa Jinia' ti jla'am ti jijweye po', ka injwajiete siupa jiliaye. 'Yina siuti Jinia' i'wi'in ti inijlasat isia'm sekyi'i it'imina ti its'iuyi ni t'ajlaye.