Lucas 5:38 - Sinia' Jlamtis 1994

³⁸ Siunie at'es ti ink'ie' tisiayejak'iji'n pet siuniwa 'nejes ti ink'iejyis.

Lucas 5:38 ပူးပေါင်းရင်းမြစ်များ

Mateo 9:17

Siunie at'es kia'iyojliyi, je ti'wena wek ka tisiayek'iji'n niwa jijwa'al siuniwa je isis, 'nejes ti 'yusis, ti ink'ie' ni at'es, kajeyepa ti ijliasata pijia'm. Its'isak'i, sekyi'i ti tisaye'ni ni at'es, 'yakajyina'ni. Nak it'imina ti tisiayek'iji'n niwa jijwa'al ti ink'iejyis ni at'es ti ink'ie' pet, jlampet ti ji'yusie ni at'es tisiayejak'iji'n pet niwa jijwa'al ti ji'yusis. Ja 'nakayeyi ti ja ke inkajyi'n ni at'es ti ink'ie' siu'neje niwa 'nejes ji'yusis ti jijwa'al.”

Lucas 5:37

Ka kia'iwo ka ti'wena ka tisiayek'iji'n puwa jijwa'al siuniwa 'nejes ka ji'yusisa' siunie at'es ti ink'ie'. Kajeyepa siuti tosiyetaje, sekyi'i ti yikisatajamk'i niwa jijwa'al sekyi'i ti tisaye'ni ni at'es, 'yina ikajyinna'a ni at'es, kia'iyojliyi puwa jijwa'al.

Lucas 5:39

Siunie itime ti i'yaje ni at'es ti pajts'e, je 'esiji ka in'yaje ni at'es ti ink'ie', kajeyepa iyo'ate, “Jlam 'es siunie pajts'e inkaje.”

2 Corintios 5:17

Jak je iyoyi ti po' siunie ti inijwankitik'i pi Sijwajieti, ika pet ti ink'ie', siunie jilisanik ti ink'ie'. 'Yina siuniwa wask'i'nelaja paj yam'niji. Poye pet siuniwa wask'i'nelaja ink'iejyis 'nakayi.

Gálatas 2:4

'Yina po' siojopo i'nio' ijwil ka Sinia' jilisa', 'yu siwa'm ti anojokk'i wita'm, ti je inikajanitts'e'm, 'yina takajla'n sikiajwe ti isiowal'ni sek'i, ti iyo ka kaspe'ya siunie ajwela ti sa'am ti akiniek'i ni iyo pi Jesús. 'Yina ti naka ti iyoyisijyi'n ka intajlatts'e'm, jla'yi ti jawoyisi jiwek ji'niayija', ka kasjlojiene ni iyo pit ni Moisés jika'neyasajnaye siuniwa 'yijie'ne ni i'nio' ka woyi, ti iyo ka wonts'e jikipijnasats'e'm niwaka wask'i'nelaja siuniwa ti Jesús pajk'i ti kasjwajiete.

1 Timoteo 4:8

Siuti anijnejlitie'ni, nak 'esi pet niwa ts'ajwes. 'Yina kia'iyo'ni pet ni sosik, siuti ani'netieje pa Sinia' jla'm ijiatayiji ti kasts'isisi, kajeyepa ti iniuyets'e'm 'nakayi jla'yi ts'ijiye.

Apocalipsis 21:5

Sekyi'i siojo yijijyi'n jlajak in'wet ti 'es iyo'ne 'ate: —'Ye'en, awojwa'n ink'iejyisa' wikie'eyi niwa wask'i'nelaja. 'Yina iyonk'i 'neje 'ate: —'Ete'e 'niwaka, 'yina jla'm ijiate wek jla'am ka je inkakiuni napo i'nio', kajeyepa ti je tak'emisie'n.