Lucas 5:33 - Sinia' Jlamtis 1994

³³ Tiwonajat'iyijpe 'ate pa Jesús: —Siojopo Juan inajiejnawo t'eyasajnas, siu'neje japo jla'yis pet japo Fariséojos, ininel'lianiti'n jla'am, je ijwienjli ka kia'iwo jla'yi ti iyoyis t'ajlayejesa'. Jlampet siunapo 'eyasajnas je kia'iyo, 'wenajliyi ti ti'yekiujni'n jla'yi ti i'yak'i i'niati.

Lucas 5:33 ပူးပေါင်းရင်းမြစ်များ

Mateo 23:13

Jesús kiak iyonayi'ijyi 'ate: —¡Aswet'ia japoye ti Fariséojosts'ase'm, siu'neje ti asampet ti jiwosts'ase'm nak Moisés jika'neyasajnaye! ¡Ijnoski'lanajyi'n! Jip'onajia'm ni jika 'wuk kiwet ni Sinia' jika anechijiayas k'iye napo i'nio' ti iyotajas ka 'noyisi. Tiwet'ianaja ka asama wek pet ka 'oyeyi, ni'ne ka asama ka wenayi napo i'nio' ti iyoyistaja'ni ka 'noyisi.

Marcos 12:40

Tajlanek'i napo ask'ilieki niwa ji'wuki'l, jla'yi ti je iliakiyisi'i ti iyoyis t'ajlayeja' ti inistajanitisi ni jloski'la ti iliaki napo i'nio'. Awo'ate, ¡ja kiojietaja'nine siunie ja tiwonaja ti ja tisiejek'i'yi!

Lucas 11:1

Yit'iyipe pa jloma Jesús iyo t'ajlayeja' ts'e yi'i siupa yi'i. Jlampa itimayi, sekyi'i ijwienjli'ne siupa t'eyasanik ti iyone 'ate: —'Yaka'niona, kasts'eyasane pet ka iyok ts'ajlayeja', iyot'iyipi pa Juan ti 'yiyasajne'n papo t'eyasajnas.

Lucas 18:12

Wikie'eyi kiwa inkijmayejes timesiji'ni ti awo 'yejlayeja', aninel'liajanit'ni, siojona 'yakaja ti sitisiejata, janak atajlaja'm pet siojona a'yaka'n itijwa'm niwa sikioye ti ekiajle pa Sinia'.”

Lucas 2:37

Jlampa ochenta y cuátroja puwa jika najakapis ti iyo ask'iliekiye. Je yi'i japa ka jlomaye ka inleyi jlaja Sinia' ji'wuk, jlomas ti iyunit pa Saka'niona. Jlomas itijwe siu'neje puwa ajnajas ti ininel'liajanit'ni ti iyoyi pa t'ajlaye.

Lucas 20:47

Tajlane niwa ji'wuki'l napo ask'ilieki, ti inistajanitisi ni jloski'la iyo ti iliaki napo, je iliakiyisi'i ti iyoyis t'ajlayeja'. ¡Sinia' wuj ti jansa'ak'i napoka!

Lucas 5:32

Je napok ka iniame siunapo isis, jla'm ijiate siunapo inke' jiliajnis napok aname, ja'nakayeyi ti jawo jlosikis ink'iejyisa'.

Lucas 5:34

Jesús isiujlie papo ti iyo'ate: —¿Tepi iyo siunapo ti ijioyi ni i'nio' ti k'iejli tijwa'yi? ¿'Est'iyiji ka ajloye ka ininel'lianiti'n, siuti je yamjli'ijyi naka siunie tijwa'yi? ¡Jeyi kat'aja!

Juan 1:35

Siukia jlomaye'eje, ini'wenayi siojopo times t'eyasajnas.

Juan 3:25

Siojopo Juan t'eyasajnas iniewitayisijpe siojo Judío ape'e siunie iniwonisi ti inileje'n iyo niwa jikeyis ti jlomas ti iyo ka inilesanisiji.

Hechos 9:11

Sinia' iyone'ne 'ate: —Kasit, maj, nok'i siunie jika'wu jana isi', siunie tiwonaja'ni 'ate Tijnajyi. Ja ayi ja ji'wet ja Judas, sekjane'yi ka a'yasanayi'nina'a pa Saulo, Tarso jlele. Sek yi'i, je ilijliyi'ijyi ti iyo t'ajlayeja'.