Lucas 3:22 - Sinia' Jlamtis 1994

²² siojopa Sinia' jikimet ti 'es ti inikajanitie ti na'm isia'm ti tal poliyi, 'yiniye pa ojwo', ti yi' ape'e pa Jesús. Sekyi'i ti pesiejayi pa ina'lap ti tom poliyi ti iyo'ate: —A'am ti yasts'a'm, ti wuj ti ts'ama'a, wuj ti ts'ajka'a'm.

Lucas 3:22 ပူးပေါင်းရင်းမြစ်များ

Mateo 12:18

“'Nak siu'nie 'yakawo ti yam ti aki'me, wuj ti emi'n jla'yi ti ts'aka'a. Siojona isimet ja yi'n ape'e, jawo jika'niyejayi wikie'eyi siunapo i'nio' yi' ape'e 'ni ajnat ti janjwe'el ni siunie ti ijiate ti 'es.

Mateo 17:5

Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate: —'Nak yas ti wuj ti emi'n, wuj ti ts'ajka'a. K'iuyeyi.

Mateo 27:43

Jla'am ti jitiej iyoma pa Sinia'. ¡'Esiji ka Sinia' injwajiet 'nakayi, siuti jawojonk'iye! Ijwilpe'eje jla'am ti Sinia' Jlas.

Mateo 3:13

Jesús tal Galiléaja ti ijioyet'ipi 'niji yi'i pa tewuk Jordán. Yiyi pa Juan ti iyonat'iyijpe 'ate: —Juan, awojonk'iye pet ka siniejie'n.

Mateo 3:16

iniejien'ne ja Jesús. 'Yina Jesús tajla'm jiwek pa i'niat, sekyi'i siupa poli 'ajlaja'm. I'winat'ipi ilia'm japak Sinia' jikimet, 'yiniye ni ojwo', ti na'm isia'm ti ijioyi ti yi' ape'e.

Mateo 3:17

Sekyi'i ti pesiejat'iyipi pak ina'lap ti tom poliyi ti iyo'ate: —'Nak siu'nie yas ti yiminik, wuj ti ts'ajka'a.

Marcos 1:11

Pesieje'ni pi ina'lap ti tom poliyi ti iyo'ate: —A'm ti yajts'a'm, wuj ti ts'ama'a, 'yina wuj ti ts'ajka'm.

Marcos 1:9

Puwak jlomas ti jlampa 'nesajimpe ja Jesús ti tal 'niji yi'i jlajak ajnat Nazaret, yiji jana Galilea, sekyi'i'ne pa Juan ti iniejie'n ja Jesús yiniji jak tewuk jle' iyo'ate Jordán.

Marcos 9:7

Jlampa iyoye 'ate japak poli ti na'm isia'm 'yina siupa jipe'el paka ti ip'io'n ape'e. Sekyi'i pesiejayi pa ina'lap tojma'm ti iyo'ate: —'Nak yas ti ijiat ti ts'amaja. K'iuyeyi.

Lucas 2:14

“¡Ijnonitieye tena'a pa Sinia' yi' poliyi, 'yakamaja napo i'nio' yi' ape'e 'ni ajnat, siunapo ti jla'am pa Sinia' ti ijniejiet'e ni jikap'ijliuskiye ti yi'ne!”

Lucas 4:21

Iniane'ne jla'am ti tamti, ti iyo'ate: —Yiyi siunie ink'ie' ni Saka'niona jlamtis, 'naka 'ni siu'nie jipe'yaye'ijyi.

Juan 1:32

Juan iyoye'eje 'ate: —'Yina kia'iyo a'wenaja siujlieja Sinia' jikimet ti 'es ti yi' ape'e, ti 'yiniye ni ojwo' ti nama isia'm ti tal poliyi.

Juan 12:28

Inia', ¡'esiji ka awunit a'm ni e'e! Sekyi'i ti pesiejayi siupi ina'lap tom poliyi ti iyo'ate: —Pajk'i ti ateme, 'yina jayikiajle'eje ti jayunit.

Juan 5:37

“Siunie i'nio' ti sijliu' kiak iyojliyi pet sijwe'el. 'Yina ka kia'iwo ka ape'yaye pi jla'lap, ni'ne ka 'wena,

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Colosenses 1:13

Sinia' jla'am ti kasjwajiete siunie jijweye nak ajnatiok, sekyi'i ti kasjlasatayi pi jlas ti jleminik ni jika anechijiayas.

1 Pedro 2:4

Ká atonitiejyi'n ni Sijwajieti, ti jla'am siojona sisaj ti iyo'ate ni i'nio' ti ji'wasankiye po'. Siojona sisaj ti tiwet'ianaja, jlam'ne ki iyo Sinia' jlam ti isi'me, lapakawo ti i'wi'in ti wuj ni laja.