Lucas 23:5 - Sinia' Jlamtis 1994

⁵ Kat'ajat'iyijpe ti ijialaskinisi, ti iyo'ate: —Siunie iyo ni jika'neyasajnaye, wuj ti 'yakajyijne'n napo i'nio'. Tajlap Galiléaja ti 'nelanjie'e, 'nakayi yi'ne Judéaja, ti je ilik'i siunie iniwone.

Lucas 23:5 ပူးပေါင်းရင်းမြစ်များ

Mateo 11:1

Ti Jesús itime ti 'yiyasane japo itijwa'm niwa sikioye times tom'niji siupa janwoyisi, sekyi'i ti yam'ne ti ijioyits'i jawa isi'il yiji jlajak ajnat, ti ijwi'il kiwa Sinia' jlamtis ti isis, ti ijwijla'm japo i'nio'.

Mateo 2:1

Jesús yijijyi'n japa isi' jle' iyo'ate Belén, yiji japa ajnat Judea pakayi ti yi'i ti iyo anechiyasa' pa Herodes. Siupapo i'nio 'yijejne'n ini'neyasane niwa katese'l pi iyo, tal 'niji siunie taj'le na kilie', ti yiyeyisi japa Jerusalén,

Mateo 27:24

Pilato siuti i'wina ti je 'yakajle'n japok i'nio' kajeyepa ti wuj ti jwesis, sekyi'i ti t'ajlayi ki i'niat, ti jikioye ilij ti yine jitieyi'i japo. Sekyi'i iyoye 'ate: —Je ya'am ka itisa' siunie ja tiwonaja ti ja tiliana. Asa'am ti astes.

Mateo 4:23

Jesús itijw puwa isi'il yiji jlaja Galilea, ti 'yiyasajne'n papo i'nio' yi'i puwa 'najla'wetis ti jikimitis. Ijwi'il siupa inka'niye ti 'es, siupa Sinia' jika anechijiayas, jla'yi ti ijwiejiete'n puwa jiliaye papo i'nio', siu'neje puwa t'ajwes t'a'ti.

Marcos 1:14

Jlampa t'otiejajampe a'laja'm pak Juan, Jesús ijio 'niji yi'i jlaja Galilea ti iyo jika'niyeja' kiwa Sinia' jlamtis.

Lucas 11:53

Ti Jesús tajlat'iyijpe pak Fariseo, siupapo i'nio' taka'neyasane pak Moisés jika'neyasajnaye jwesis'ne, 'loj siupuwa ti'yasanik'i ti i'yas'ni pa Jesús,

Lucas 23:23

Kat'ajat'iyispe ti tanisi ape'e ti iyo ka tik'iejwata'a japa cruz, 'yina ti je iliyisi ti ijialasis, yiyi jlaja ti i'winayis siunie iyo kawoyisi.

Lucas 23:6

Ti Pilato ipi'yaye, sekyi'i i'yasam'ne papo ti iyo'ate: —¿Ma Galilea jlele siu'nie i'nio'?

Juan 1:43

Siukia ti jlomaye'eje Jesús iyoye'ijyi ka inta 'niji yi'i jlaja ajnat jle' iyo'ate Galilea. Sek ini'wene'e'ne siojo i'nio' jle' iyo'ate Felipe, Betsaida jlele, siujlieja isi' taj'le siojopo Andrés jla'yi ja Pedro. Iyonayi 'ate ti tanayi: —Na'm ijyik'i.

Juan 19:15

Iyoyis'ne 'ate ti tanisi ape'e: —¡La'an! ¡La'an! ¡K'iejwat'e japa cruz! Pilato i'yasen'ne ti iyo'ate: —Jlam'ne asa'am ti aska anechiyas, ¿jiwoyeyi'iji ka ts'iejwat'e japa cruz? Siojopo pa'yijis jika anechiyasas isiujlie ti iyo'ate: —¡Lajk'ipa ka jikiechaye ka saka anechiyasa', ijwienjli jla'am ni saka anechiyas ni Roma jlele!

Juan 2:11

Jakayi ti Jesús yi 'ne Canaja, ti yiji jlaja Galilea. Naka ti 'nelanjie'e iyoyeyi ka in'wenki'n siunie iyo ni jijweye. 'Yina ti i'wina siojopo t'eyasajnas, je 'yakakiuyis.

Juan 7:41

Ijia japo iyo'ate: —Siunie Injwajieti ti Sinia' jijliujwanik, 'naka. 'Yina ijia japo iyo'ate: —Yaka je jat'inie'e, ¿yot'iyi'ni ka intajla'm jana Galilea siupa Injwajieti ti Sinia' jijliujwanik?

Juan 7:52

Iyo'ne 'ate ti isiujlisie: —¿Galilea jlelep'a'na'm 'neje? 'Ye'en niwa inamtis, ni'neyasane. Ja'we'en ti lajk'ipa injwejlanik jiwoye ka intajla'm jana Galilea.

Hechos 10:37

Mejla'ala ka je 'najanayi siukia iyo ti po' ti itijwi'ni jana ajnat Judea, 'nelanjie'e iniajnat Galiléaja. Jlampa yama'niji siukia ti Juan iyo, ti lajk'ipa ka into'miye ka tiniejienaja napo i'nio'.

Hechos 23:10

'Yina ti ijiatayiji ti je inilesaniji ti iniewitis papo i'nio', siu'neje ti jlampa iyoyisits'i'ni, tokis jika anechiyas isiwitayi ja Pablo ka ijiatayiji paka tiwonaja ka t'ekiyeje ka tiwok jijwala'. Sekyi'i ijliuye'ne japo jikawos tokis ka intonis kisie'e ka inekiajlisia'm jlaja tokis 'loj ji'wet.

Hechos 5:33

Siupapo ijnosikis jiwos, ti ipi'yayeyis ti kia'iyo, jwesis'ne. Iyoyet'itiejespe ka inlajne'n japo injlojwajnas.

Hechos 7:54

Pak itiajlat ti kia'iyo ti jwesis, jikinte yasa' kajeyepa ti jiwak tipoyijits'i papo i'nio', jiwak yinits'i pa Esteban.

Hechos 7:57

Ip'ionat'iyispe ape'e puwa jik'iote, sekyi'i ti tanat'iyisijpe ape'e pa Esteban ti nojwits'i ape'e ti t'ekiyeyisi.