Lucas 23:36 - Sinia' Jlamtis 1994

³⁶ Siupapo tokis kia'iyojliyi pit ti iliakiyis, ti i'yayinisi pa at'es ti tosijyi.

Lucas 23:36 ပူးပေါင်းရင်းမြစ်များ

Mateo 27:34

Yiyisi siojo ijioyisi, sekyi'i ti iwinatajasia'm kia at'es ti tijlijnataja siukia pajyi. Ijyijlitataja'm, 'yina je ya'm isia'm.

Mateo 27:48

Je pajtaja, t'osiye ja ijwienjli ti t'osiyi ja inkats'ili 'yutieja'm ni at'es ti pajyi, sekyi'i yina'a ja sisej ti ilie'nit'i. Sekyi'i ijieyeyi ja Jesús iyone 'ate: —Ts'ojwa'm.

Marcos 15:36

Sekyi'i ijwienjli'ne ja t'osiyi ja inkats'ili, sekyi'i ti 'yutieja'm siojo at'es ti tosijyi 'yina ilie'nit'i 'ni sisej, sekyi'i ti ijieyeyi kants'ojwa'm, 'yina iyo'ne 'ate: —Ka 'yenakiamkiunie'e pa jawoyi, ka'nesta siupa tajnin'ni k'iye Elías ti janla'ne ti yi'i jana cruz.

Lucas 23:11

Herodes jla'yis papo jika tokis wuj ti iliakiyis, iyonayisi 'ate ni i'nio' jiniliak. 'Yujienayisk'i siupuwa isis lotakijnies, ti iyo'ate ni ji'wu' ni anechiyas wuj. Itimisi siupi iyonisi ti iliakiyis, sekyi'i ti yikiajlat'iyisi'iji pa Pilato.