Lucas 22:37 - Sinia' Jlamtis 1994

³⁷ 'Yina jajwi'lase'm ti je 'esiji ka je kiak iyo, ti janeyi janak jloma ti tenat'ijyipi its'ioye, ti iyo'ate niwa inamtis ti yiji ni ji'wet, “Iliaye iniuyi wita'm siunapo i'nio' inkeyis jiliajnis.” Wikie'eyi niwa inlesajna' ti sijwe'el ti jane wita'm 'nakayi.

Lucas 22:37 ပူးပေါင်းရင်းမြစ်များ

Marcos 15:27

Times napo jiliaye iniuyi wita'm kajlajnatas, tom'niji jijweyeje ni ijwienjli, siojo jikiecha tome ni ji'lieme.,

Lucas 18:31

Jesús i'nialkit japo t'eyasajnas pa ijioyiji japo itijwa'm niwa sikioye times tom'niji, iyonat'iyijpe 'ate: —'Yejne'n, ti jajiok Jerusalenne, lapakawo ti janeyi siunie iyot'iyipi papo injwejlanawos t'ipi siunie iyo niwa ilisane, ti ijwil ni jawoyi ni I'nio' Jlas.

Lucas 22:22

Siunie I'nio' Jlas janejia'm ni siunie ja jijliak'aliye, siunie Sinia' ijniejiet'e ti 'nelanjie'e. 'Yina awo'ate, ¡ja wujwa wat ti ja p'ijliusieja' ni i'nio' ni janekial ni jiwet'ia jawo pet!

Lucas 22:36

Kiak t'ipa iyonayipi: —'Nakayi jayo'ate, siunie po' jana jleli, 'esiji ka je ileyijinna'a siuti janek, siu'neje jana jika wikiniet'awe. Jlampet ni lajk'ipa ka jitisajnat jitiokie', ka wenana'a niwa ji'wuye ka neki pa jitisajnat jitiokie'.

Lucas 22:52

Sekyi'i ti kiak t'ipa iyonayipi, siupapo pa'yijis jika anechiyasas, siu'neje papo tokis i'yena pet japa 'najla'wet, siu'neje papo kijilas ti kia'iyo jle' po', siupapo name ti janekisi pa Jesús: —¿Yot'iyi'ni ti jiwoye astesajnatis jitioye, jla'yi ti jiwo ask'iulisie', ti jiniamak'i, siwonayeyi 'ate 'ni i'nio' kalankijieta?

Lucas 23:32

Jesús times papo jiliaye iniuyi wita'm, siupapo kajlajnatas ti ja tilianaja'n.

Lucas 24:27

Sekyi'i ti yamtiyek'iji'n k'iye siupa iyo niwa Sinia' jlamtis, ti ijwi'il jla'am pa Jesús. Iniajnat pa Moisés iyo kiwa ilisant'iyijpe, paj ti yiyeyi papo injwejlanawos t'ipi iyo pet puwa ilisane.

Juan 10:35

Ijiatjliyi, a'wena ti Sinia' yamite'e ti kia'iyo “diosists'ase'm” siupapo ijniejiet'ek'i ka injwe'el pet siupi jika'niye pi Sinia', jla'yi ti jlam je iyo niwa inamtis je takakiunieje.

Juan 17:4

“Pajk'i ti ateme ti awunit siuti a'yi 'ni ajnat, 'yina ateme siukia jijliuyijk'i'm ka iyoyi.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Gálatas 3:13

'Yina Sijwajieti ijiut ts'iji siunie siliaye ti atajlajaja ni inka'neyasajnaye t'ipi, kajeyepa ti iniwojwa'n jilianikie' ni siunie siwet'ia iyo, ti iyo ka kasjwajiet. Siuti iyo'neje 'ate niwa Sinia' jlamtis, “Sinia' jiwet'ia jane'ne siupi i'nio' ti ja tena'a pijia'm japa a'la'.”