Lucas 22:26 - Sinia' Jlamtis 1994

²⁶ Siuti asa'am je 'esiji ka kiak aniwonayi, iyo napoka. Siuti japoye ni ti asa'am ti jwajla'a ti jle' 'yaka'm ape'e napo ijia, je 'esiji ka initonit, jlampet siunie ti jle' po' ti iyo anechiyasa' 'esiji ka inwojwa'n inkawoye.

Lucas 22:26 ပူးပေါင်းရင်းမြစ်များ

Mateo 20:26

Ti asa'am je 'es ka kiak awoyeyi siunie iniwonisi napoka. Siunie jawo ka ini'najnat astepe'e, 'esiji ka iniwojwa'n aska woye.

Marcos 10:43

Siuti asa'am ja ke poyena'a paka kiak iniwone 'ate iyo ni iniwonisi. Siuti japoye ni i'nio' ti kiak janiwone ti jani'najnatk'i ape'e napo ijia, 'esiji kanwo ijia jikawoye.

Marcos 9:35

'Yina Jesús yiyeje'n, sekyi'i ti tanayi japoka itijwa'm sikioye times tom'niji t'eyasajnas ti iyone'ate: —I'nio' ni iyojonk'iye ka jlama ka inajne'n, nak janitojmate pijiame, siu'neje ti janiwojwa'n ijia jikawoye.

Lucas 9:48

Kiak t'ipa iyonayijipi: —I'nio' ni janki'm ilia'm siunie kia'le iyoye'ate siunie na'm ijyik'i, ijiate ya'am ti isi'm ijyilia'm. I'nio' ni isi'm ijyilia'm, nakayep'ajne pet siunie ti isi'm ilia'm siunie I'nio' sijliu'. Jla'm ijiate jla'am siunie i'nio' je 'esijiyi ti lajk'iyipa kawo ti jane askiowe'e, nak ijiate ti t'an pijia'm.

Romanos 12:2

Ke inteliaja siuniwa wask'i'nelaja a'wena siu'nie jloma, 'wanjliyi ka wo'ate pa, “jla'm ijiate siu'nie ti 'es.” 'Yina wo ink'ieye ni astankiujnieye 'nakayi ti ja'wena' jawo siunie jiwoyeyi, sek jane'yi ka intant'iejayijijna'a siunie Sinia' iyo kawo. Ka iyot'iate, ka intant'iejayiji siunie 'es Sinia' itiliaja, jla'yi ti tijnajyi.

1 Pedro 5:3

Je 'es ka jwel ka amkatajayi ka ne akiajwe siunapo ti'yenkina'ase'm pet, ja 'wenajliyi ti jananayi k'iye ka woyeyi siunie 'es.

1 Pedro 5:5

Siuti asa'am ti jwemik'iase'm, 'esiji ka k'iuyeyi siunapo as'lejwas ti paja ni Inamtik ti iyoyi, ti ijliu'wase'm. Awoma wita'm ti awo'nase 'ate, ká anitonitiejyi'n, 'wenajliyi ti janip'elisina'. Noyeje ni akiecha, kiak jawo pit ni akiecha. Jlam'ne iyo'ate siuniwa inamtis t'ipi, “Sinia' teje'yi ilia'm siunapo i'nio' initonit, jlampet siunapo je initoniti'n napoka pet ti iniuyeje, wuj ti ip'ilisijne'n.”