Lucas 21:16 - Sinia' Jlamtis 1994

¹⁶ “Je jwel ka je inekiajlajayi napo astajiejwas, siunapo asnawot, siunapo as'nayi ijwienjliyi, siunapo asa'm ijia asa'am, siu'neje napo asjajnajwas. Napoka napo ti janekiajlayi. Ja poye siunapo ti asa'am ti ja tilianaja'n.

Lucas 21:16 ပူးပေါင်းရင်းမြစ်များ

Mateo 10:21

“Jajwi'lase'm, siunapo ji'niayi ijwienjli janekiajlayinie'e napo ijia ni jiliayeja', kia'iyojliyi siunapo jiniewot inekiajlayinie'e ni jiliaye napo jilis. Siunapo jilis inapilie'ena'a napo jiniewot ti jawo ka ilajne'n.

Marcos 13:12

“Siunapo ji'niayi ijwienjli jankajliujniap pa yi'i siunapo ji'niayi ijwienjliyik'iyi ka tiliana. Jlampet siunie jinia' janekial ni jlas ka kiak tiwonaja, 'yina siunapo jilis janta'yi ilia'm napo jiniewot, 'yina kia'iyojliyi jawojonk'iye ka kiak tiwonaja ka tilianaja'n.

Lucas 12:53

Siunie jinia' janta pet ilia'm ni jlas, siunie jlas jantayena'aja pet ilia'm ni jinia'. Jlampet siojona asejnia janta pet ilia'm jana jlase', siojona jlase' jantayena'aja pet ilia'm jana jlet. Siojona jikant'e jana i'nioki janta pet ilia'm jana jijwelis, siojona jijwelis jantayena'aja pet ilia'm jana jikant'e.”

Lucas 21:15

'yina ja yama ya'am ti jawi'nase'm ni siunie as'lej jawonayi, siu'neje na 'najankijnieye, 'nakayeyijna'a siunapo astajiejwas ja ke into'ma aselia'm, 'wenajliyijna'a ti ja injwel ka inkiuj'liase'm, 'yina ja ke injlana'ni.

Lucas 21:17

Siuti jikinieyi siu'nie awo, siunapo i'nio' yi' ape'e 'ni ajnat ja wikie'eyeyi ti jane'wa'ase'm ya'am ti jat'imi'nase.

Hechos 12:2

Iyoyet'iyipi ka ila'an pa Santiago, Juan jikilia, ti sijnat jitiok isiene.

Hechos 7:59

'Yina ti sisajas titietajajan'ni pa Esteban, jlam iyojli t'ajlayeja', ti iyo'ate: —'Yaka'niona Jesús, ki'm ilia'm ni isiak'al.

Apocalipsis 12:11

Sa'm ijia itiete isia'm, ka lajak'i ni ji'woyis naka 'wolepo 'woma ti tisa'ni, siu'neje ni inka'niye ti 'es ti tajle ni Sinia' ti ijwilisi pijia'm. 'Yina ka kia'iwo ka ijnots'ina jana 'najlati, 'wenajliyi jla'am ti inite'em ta'a k'iye naka.

Apocalipsis 2:13

Ts'ajane pi awone ti jle'yi siunie ajnat sitiejiejwa imosik jika anechijiayas yi'i. 'Yina jlekjliyi wek ti je liyi siunie atankiujnieye ti je sakakiu, ejlowek ti yamata ti at'emi'na, siukiwa jlomas ti Antipas, siukia ikawo ti 'es ti tilianajape, ni yi'i ni sitiejiejwa imosik.

Apocalipsis 6:9

'Yina jlampet ti yiyeyi siojo 'wolepo 'woma ti its'isate ape'e siojowa t'etiejek'i ape'e ja imp'esinik ti ijwienjli sikio' itijwa'a jawa no'we, sekyi'i a'wena siojopo japo tilianat'ijyimpe jisiak'alis jitieyi'i siujlie'e altar, ti nak tenaja ape'e Sinia' jlamtis ti iyoyi jlamtikie'.