Lucas 20:17 - Sinia' Jlamtis 1994

¹⁷ Jesús i'yejnen'ne papo ti iyoye 'ate: —Jakajliete, ¿ten jiat'eje siupi ijwi'il siuniwa Sinia' jlamtis ti yi'i ni ji'wet ti iyo'ate: “Siojona sisaj 'wukiu'ul jiwos iwit'iane, janakap'an siojona ti jla'm ijiatayiji ti 'es, 'nakayi laja po'”?

Lucas 20:17 ပူးပေါင်းရင်းမြစ်များ

Mateo 21:42

Jesús kiak iyoye'ijyi 'ate: —¿Jet'i ji'yena'ijyi siuniwa inamtis t'ipi ti iyo'ate: “Siojona sisaj siunapo 'wukiul jiwos iwit'iane, jla'aka p'an siu'nie jloma ti jiateje ti laja po' ti 'yaka'm ape'e niwa ijia. Lapakawo ti je 'wena paka kiak iwone naka ni Saka'niona. Siuti a'wena ni jikijmaye iyone, wuj ti kasteliaja”?

Marcos 10:23

Jesús jitiej itieteje papo i'nio' nojwajap, sekyi'i ti kiak iyonayiji japo t'eyasajnas 'ate: —¡Ijiat ti ti'nita wat k'iye siunapo i'nio' jwajla'a i'wi'in ka 'noyi ni Sinia' jika anechijiayas!

Marcos 12:10

“¿Jet'i jlamtijiena niwak Sinia' jlamtis ti yi'i ni ji'wet ti iyo'ate: Siojona sisaj ti siunapo 'wukiu'l jiwos iwit'iane, 'yina jla'm inesi'lieyi ti kiak iniwone 'ate iyo siojona sisaj jlameje ti tena jikatokiyi jana 'wuk.

Marcos 3:5

Jesús jwesie ti i'yenaja'n papo i'nio' tijwajiape'n, 'yina je ikanit'ni siupa ti je its'iuyisie ti ijwiltaja'm. Sekyi'i iyone'ne 'ate pa i'nio': —'Akajni ni akio'. Kiak iyonayi. 'Yina yaka jla'm iwo ti 'esieyiji ti ijniejieti ti 'yitk'i pa jikio'.

Lucas 19:41

Jesús jlampa majleyet'iyipi jlaja Jerusalén, i'yen'ne ape'e ti yapat'ipi,

Lucas 22:37

'Yina jajwi'lase'm ti je 'esiji ka je kiak iyo, ti janeyi janak jloma ti tenat'ijyipi its'ioye, ti iyo'ate niwa inamtis ti yiji ni ji'wet, “Iliaye iniuyi wita'm siunapo i'nio' inkeyis jiliajnis.” Wikie'eyi niwa inlesajna' ti sijwe'el ti jane wita'm 'nakayi.

Lucas 22:61

Sekyi'i Saka'niona tejeyi'ni ja Pedro ti i'yenayi. Ti Pedro i'winayi sekyi'i jitiej t'ipa wujwak'ipe siupa ti Saka'niona iyone'ate, “Siu'nie ajnaj ka majletiejejna ka nap ni ajwenta, janajapajayiji ti janikakiu'ni ti jajwel ja ke intant'iejk'i.”

Lucas 24:44

Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Juan 15:25

'Yina jlam je iyo ni siunie iyonisk'i, lapakawo ti yiyeyi siojona jloma ti siupuwa iyo niwa inamtis t'ipi ti iyo'ate, “Jlam'ne lajatak'i pa ka intajlatisk'i'm ti ne'wajask'i'm.”

Hechos 4:11

Sinia' jlamtis t'ipi iyoyet'ipi 'ate: “Siojona sisaj ti 'wukiu'ul jiwos iwit'iane, janakp'an sisaj ti ijiateje jla'am ti 'es.” Siojopa sisaj naka ni Jesús,

Efesios 2:20

Jiwoye 'ate siojona 'wuk ti po' ni to'm isiamk'iye napoka napo injlojwajnas siu'neje papo Sinia' jijwejlanawos t'ipi. Siojona jlame sisaj to'm isiamk'iye nakaye pet ni Sijwajieti.

1 Pedro 2:6

Nak it'imina siuniwa Inamtis t'ipi ti iyo'ate: “En ts'iji yi'i jana Sión jana sisaj, siojona ti 'yotate jana 'wuk, ti ya'am ti isio' jlele, ti wuj ti laja po'. 'Yina siunie ja ke inkakiu janaka nak ja ke ink'emi.”