Lucas 18:39 - Sinia' Jlamtis 1994

³⁹ Ijliuyet'itieje'nijpe siupapo iniajnin'ni k'iye ka inkama wek: —¡K'iu'wate! 'Yina kat'ajat'iyijpe ti 'yakets'ijiap ti tan'ni ti iyo'ate: —¡David jlas, sip'elisi'n!

Lucas 18:39 ပူးပေါင်းရင်းမြစ်များ

Mateo 7:7

“'Ajlayi pi Sinia' siupa k'iejliyi pi jisitiana, 'yina janwe'nase'm. Woyejyi'n, je ijiat ka je a'wena'. 'Yasayi'ni, 'yina ja'najlinit ask'ioye.

Mateo 8:26

Iyo'ne pet 'ate ti isiujlie: —¿Yot'iyi'ni ti ijnots'inajyits'i? ¡Ijiateje napo yi 'ne 'nakayi jla'am ti laj astankiujnieyeja'! Sekyi'i ti iniyet'ipi pijia'm, tamtiyet'i'yijpe pa jlajwu siu'neje pa i'niat, sekyi'i ti 'yakamaja t'ipi, 'yakama ti 'yakama.

Mateo 9:27

Jlampa Jesús tajla'aja seka'a, times japo talojo' ijia'an. Tanak'i wita'm ti iyonisi 'ate: —¡David Jlas, kasp'elisijne'n wata'a!

Lucas 11:52

“¡Aswet'ia japoye, asa'am ti jika'neyasane ni Moisés jika'neyasajnaye! Ti jlajlanayi siojona 'wuk jikie' tejeye ni 'najankijnieye ti ijiatk'i, je wenayi napo i'nio' ti iyo ka 'noyi, ka asama 'neje wekie'e ka 'oyeyi.”

Lucas 18:1

Jesús yamtiyi siu'nie ti jla'm i'yejnap jiwek, ti 'yiyasajne'n japo t'eyasajnas ka je inleyisi ka inwoyis'ni t'ajlayeja'.

Lucas 18:15

Kia'iyo Jesús, papo i'nio' yamtajasiji'ni papo kia'lis sajmela'aja, ka jikio' nenk'i ape'e. 'Yina je 'est'ipi ti i'winayi siojopo t'eyasajnas. 'Yakawonisie'ne papok i'nio' t'ipi.

Lucas 18:38

Ipi'ya wek papo ti kia'iyo, sekyi'i ti tanat'i'nijpe ti iyo'ate, ka kia'iwo ka lakiyi'i: —¡Jesús, David jlas, sip'elisi'n!

Lucas 18:40

Jesús ipi'yayi wek ti yajapat'ijyimpe, sekyi'i iyo'ne 'ate: —Namayi 'ne. Tikimajat'ipi jikio'yi ti titionaja, Jesús i'yasen'ne ti iyo'ate:

Lucas 19:39

Siupapo Fariséojos po' papo sekyi'i yiji papo i'nio', papoka'ne siupapo iyonisi 'ate pa Jesús: —¡Jloye siunapo na'm ajak'i ka ileyisi ti tank'i wita'm!

Lucas 8:49

Jesús je ilit'itiejepe ti takamtijniene japa asejnia, ti 'nesat'ipi siupa takajwejlane pa Jairo. Yiyi ti iyonat'iyijpe 'ate: —Leyi wek ti jlalas'ni ni Inka'neyasajnawo, e'nate. Pajk'iji ti 'ya'al jakia ase' masa.

2 Corintios 12:8

'Yina 'nakayi najapejayiji ti 'altaja'ni pa Saka'niona ka inla'n itipe'e siunie ijliak'ali,