Lucas 17:24 - Sinia' Jlamtis 1994

²⁴ Kajeyepa ti jawo'ate ni tak'ajyi, ti jlal tal 'niji yi'i ni taj'le ni kilie', jla'yi ni siunie ijio'we, kiak janwo ni ji'niayi ni I'nio' Jlas ka napitiemet.

Lucas 17:24 ပူးပေါင်းရင်းမြစ်များ

Mateo 24:27

Kajeyepa ti jawo'ate siunie ti tak'ayetaja, ti tajlap 'niji taj'le ni kilie', ti jlal itie 'nijiye 'yu'yi ni kilie', ka 'nesta ni I'nio' Jlas ti janapimet.

Mateo 24:30

Sek jane'yi'ne ka 'nakajayinie'e siunie ja inajnate'n jik'ioye ni I'nio' Jlas, ti jane poliyi. Ja wujwa ti jajnots'ijnits'i napo i'nio' yijits'i niwa ajnatis, ja pajlata ti jajnots'ijnits'i, sekjane'yi ti janapk'i wita'm. Jan'wenisiena'a ilia'm ni I'nio' Jlas ti janapimet ti jantal poliyi, ti janejyi jana poli, jla'yi ti janejyi siupi jijweye iyo ti je jlase', jla'yi ki iyo ni jloniye ti 'es.

Mateo 25:31

Jesús je iliyi ti tamti ti iyo'ate: —Siunie I'nio' Jlas ti ja'nes, janejyi siunie iyo ni jijweye, jla'yi ti ja jla'yisa' napo jijliujwajnas poli jlele, jane'yiji'n siojona ji'wet ti 'es ti jlam ti anechiyas.

Mateo 26:64

Jesús isiujlie ti iyo'ate: —Siunie jiwone. Jajwi'lase'm 'neje siu'nie, ti je ijiat ka je a'wena' ni I'nio' Jlas ti janejyi'n 'nijiye jijweyeje ni Sinia' ti lajk'ipa ka ijnojliji, siu'neje ti jana'am ti janejyi jana poli.

Mateo 5:15

Siu'neje ti po' ni i'nio' ti jwat yi'ne jana jika kates kamp'o'n ape'e, ti 'wenajliyi siunie jawone ti janen pijia'm, 'nakayijna'a ka jlal ja'naja'n ape'e siupapo ji'wetijwas.

1 Corintios 1:8

Sinia' jan'ye'nase'm 'nakayeyijna'a ti ja ke aleyeyi paj ka awayeyinie'e ni jlaj jane'yi. Ja ke inets'e ka tiwoki astesa' paka k'iejliyeyi ka 'nesta pa Saka'niona Jesús ti Sijwajieti.

1 Tesalonicenses 5:2

Je iyo'ate ka je 'najanayi siunie jawo, ka inapitiemet jawoyena'a 'ate ni kajlajnata, ti ajnaj pet ni ininejni ti 'nese japa 'wuk ti iyo ka inkajla'n. I'ye'en ti je itijnisk'i wita'm papo jika'nionajas.

2 Tesalonicenses 2:8

Jiwekie'ejana'a ka 'nakaja nak i'nio', ja ke pajayi ka 'nesana'a pet ni Saka'niona Jesús ti janla'an jankiene ni jiyel, je lajk'ipa siupi jlaj ti a'tiejak'i, pak janetiajnat.

Santiago 5:8

'Yina kiak jawoyeyi ti asa'am, ká awoye asjlak'aliye. Nit'onitieyi pijia'm niwa Sinia' jlamtis ti jiwoyeyi, 'yina ti je tojwa'a jana jloma jana ja'nesi pi Saka'niona.

2 Pedro 3:10

Siunie jawo pi Saka'niona ti janapimet jawo'ate ni i'nio' kajlajnata ti yisi'liet napo i'nio'. Siuti janetiajne'n ni poli, ja ke jlasiye ni jla'lap janwo, janakayena'a pet ni jwat ti jantejwk'i'ni wikie'eyi siuniwa yiji ni poli, jwat jantojwits'i. Sekjane'yi 'ni ajnat, siu'neje niwa yiji, Sinia' ja ke injla'an ti jan'ye'en pet.