Lucas 13:21 - Sinia' Jlamtis 1994

²¹ Nak a'yejnap na woyejes ijliasat pijia'm, ti isimataja jana i'nioki, isime ni inwakiwa mak, treinta kílojos ni siunie itieteje, naka'ne ni siunie ti ijliasat pijia'm, ti wakajlata ti 'yak'asaje.

Lucas 13:21 ပူးပေါင်းရင်းမြစ်များ

Mateo 13:33

'Naka 'ne'eje ti Jesús yamtiyi, ti i'yejnap jiwek, ti iyo'ate: —Siunie Sinia' jika anechijiayas nak 'yiniye 'neje ni woye ijliasat pijia'm, siojona i'nioki ti itieteje ni inwakiwa mak ti najape na kilo ti 'yotati', ti iyo ka injlasatk'i pijia'm puwa ilisane.

Lucas 13:20

Kia'iyo Jesús iyoyet'ipi'iji 'ate: —¿Tent'ipa ka'yejnap ni Sinia' jika anechijiayas?

Juan 15:2

Siuti i'wi'in ni jik'as ni je 'es, je iyo jlaye, nak ijwiejaje. Jlam pet siuniwa jik'ase'l ti isis ti iyo 'ni jlaye, niwak ijiatayiji ti i'yena, sekyi'i ti yisitak'i ilia'm ti ilisa'n.

Juan 4:14

I'nio' pet ti jan'yaje siunie i'niat ti jawijna'm, ja ke pajana'a ka nekiajle'e ka inki'im. Kajeyepa ti siunie i'nio' ti jawijna'm 'nak i'niat janwoyeyinie'e siunie janwo ti ja jlomasiek'i ti ja ke inejets'i ilia'm siunie i'niat ti jantajla'm ti janwo 'wasankiyeja'.

1 Corintios 5:6

Je 'es ka aniwunitie ape'e niwak kia'iyo. Je iyo'ate ka je 'najanayi siunie ti iyo'ate, “Siunie inwakiwa mak ti tilisanaje, 'wanjliyi ka jwamjla'aja ni siunie jijlinkit ka titietajaja, je iyojliyi ti ijliasat pijia'm.”

Filipenses 1:6

Jlam je awoyi ti Sinia', ti jlam ti tajle siu'nie jikijmaye ti 'nelanjie'e iyoyeyi, siunie jiwoyeyi ti wuj ti 'es, jlam jankatatjliyijna'a ti jawoyi, 'yina paj ka ineyeyinie'e janak jloma ti jawakajla, ka 'nesta pa Sijwajieti Jesús ti janapimet.

Santiago 1:21

It'imina ti awo'nase 'ate: leyeyi wikie'eyi siunie ni ijiate ti jit'iojli po', siu'neje niwa wuj ti je isis. 'Yina nijlasata'yi isia'm, siuti jikima'yi niwa Sinia' jlamtis ti jisiliaki yijinits'i niwa asosikis, 'yina niwak siuniwa jlamtis jijweye po' ka injwajieta.