Lucas 12:45 - Sinia' Jlamtis 1994

⁴⁵ Jlam'ne pet ka kiak iniwone nak inkawo, ka intelajank'iye pi jika anechiyas, sekyi'i ti je 'esie kan'yena papo jikawos, jikawos pet ti ti'yenkinaja, wikie'eyi siu'neje papo asejnia, wuj ti iliaki papo jikawos pi iyone. 'Yakamaja ti ti'yekiu'n jla'yi ti i'ya', ijiuma pa i'nio'.

Lucas 12:45 ပူးပေါင်းရင်းမြစ်များ

Mateo 22:6

Ijia 'neje siupapo ti isimits'i papok jijliujwajnas pi anechiyas, ti yejes'ni, paj ti ilianayis.

Lucas 12:44

Ijiatk'i siunie jayo ti naka siunie inkawo ti 'es, je jwel ka anechiyas je inekiajle wikie'eyi siuniwa jikijmatis ji'wet'e kan'yenkina.

Lucas 12:46

'Yejne'n, yit'iyi siojopa jloma ti isiwaliyiji'ni ti joyeta ka 'nes pa anechiyas, jla'yi ti je 'yijene siojopa inetitinki yiyi siojopa ja'nesi. Pakayi'ne ti 'nesa, wuj ti isie' pa jikawo, tajakie'ni pa i'nio', ijiutieyi siunapo i'nio' kia'iyo ti je isis ti kakiujnietas.

Lucas 21:34

“Ni'notatayiji, ká aninenayi 'ate siunie ajosik iyo ka woyi, ká a'yaye ni'ne ka wujwa ka woye asjlak'aliye niwak wask'i'nelaja jlalasajyink'iye ka'wena', 'nakayeyijna'a ka je inesi'lieta janak jloma ti ajwe'el,

Juan 2:10

ti iyo'ate: —¿Yot'iyi'ni? Jlam'ne tiniajnatajie'e siunie 'es at'es, ijiatjliyi ti pajata, ti jitiej je isisietajats'i'ni napo i'nio' jiwekie'aja ti tikimaja siunie je ijiat ka 'esie k'iye siunapo ijioyi jana inlakijnieye. Ijiate wat ti 'es siukia at'es ti jitiujmate pijia'm sik'ioye ti jiwents'e'm. Amta ti jiniajnat siunie 'es ti jiwents'e'm, ijiate ti 'es wata'a ti jilisa'n it'imina ki iyo.

Hechos 2:18

Jlampet napo ikawos, siunapo ayijnies jla'yi napo asejnia, isimet ti 'es jasia'yi ape'e ka netiejenie'e janak jlomaye, jawoyi jika'niyeja' siuniwa yamtis.

Romanos 16:18

'Yina je iniuyeje ni Saka'niona Sijwajieti, nakata jla'am siuniwa ti jla'am ti itiliajasi ka woyisi. Siuniwa jlamtis je a'tisk'iji'n, jla'yi ti inkasi, ik'emijietk'i siunapo ti je itijnisis ilia'm, ti je 'yijen jwajla'aja.

2 Corintios 11:20

Jininenayi 'ate ti tiwoki inkawosa'ase'm ti t'ajla'ase'm pi k'iejliyi ti inlakiye, siunapo ti je iyo asjaye, siu'neje ti impajatie.

1 Tesalonicenses 5:7

Ti imiak'iji'n napo, kajeyepa ti yiji pet ni ajnaj. Siunapo ijiujme'n, ajnaj ti i'yayis.

2 Pedro 2:13

'Yina siunie iyo ti inilayiti napo ijia ti jlamis ti iyo jijliak'aliye, niwaka'ne ti janapili ape'e siunie jawo ti janilayiti pi jijliak'aliye. 'Wanjliyi ka jlomayeyi ti iyo siunie, ti ijwilis ka 'esie. I'najwejlanatats'i wita'm asa'am ti jikijwanayi, taka'ajwejlasajne'n jla'yi ti je mamijia'm ti ijioyisi jana aslakijnieye. Inkasak'i wita'm ti insakana ti jiwoyeyi siunie iyoyisi, 'yina ti jikamajiam'ni ni je 'es ti iyoyisi.

2 Pedro 2:19

Ijwijla'm napo ijia ti iyo'ate, “Mawat jikio' je ilie'nase'm ni je 'es je jwaye, 'yina sa'm ijiate wek ti kasts'ajane pi awonaja ti ajwajieta pa ti kiak iyoyi.” ¡Ijiate ti jla'm iyoyiyi siunie ijwil ka woyisi, jlam'ne jla'am ti inijwelis ti je t'ekiyisiyi siunie iyoyi ti wuj ti je 'es, ijiate jla'am ti inkipijna', je tijwayisi! Kajeyepa ti siunie inke' ti 'yakajli ni i'nio', 'nakaye'eje pet ti 'yiniye ti ilie'nit.

Apocalipsis 16:6

Napo i'nio' isia'ni kia ji'woyis kiapo ales pet, siu'neje kiapo ajwejlanawos, 'yina 'nakayi ji'yayijni ni in'woyis napoka. ¡'Esiji lapakawo ti jla'am je wo siunie jiwone!”

Apocalipsis 18:24

Siunapo Sinia' jijwejlanawos, siu'neje napo Sinia' jika kia'lis ji'woyis yiji janak isi', wikie'eyi 'neje siunapo ti kia'iyo yi' ape'e 'ni ajnat ti tilianaja'n.