Lucas 10:3 - Sinia' Jlamtis 1994

³ ¡Maye'ni asa'am! 'Yejne'n, ti ajloye'ni jiwoye'yi 'ate niwa 'wolepo' ti k'iwajlas tijwajiape'n.

Lucas 10:3 ပူးပေါင်းရင်းမြစ်များ

Mateo 10:16

“¡'Yejne'n! Siuti ajloye jawoye'ate niwa 'wolepo' ti yi kiowe'e niwa k'iwajlas. Asosik enitiejyits'i'ni, niwonayi 'ate iyo ni injla, siu'neje ka aniwonayi 'ate niwa ojwos ti lajk'iyi pa ka ti'wenaja kanwo.

Mateo 10:22

Siuti asa'am ti jiniamajyin'ni ijyik'i, ja wikie'eyeyi napo i'nio' ti jane'wa'ase'm. 'Yina siunie i'nio' jitiej ja ke inla'ne, jajnok'i'ni paj ka neyeyinie'e ni jlaj yi'i, naka ti janjwa'.

Mateo 7:15

“Joskiyeyi siunapo je ijiat ka injwejlanawosa' ti ijwil ka intajlisi pa Sinia'. Ti jla'm initewitanisik'i niwa 'wolepo' ti isis, jlam'ne ki iyo niwaka, niwaka k'iwajlas niwa jwesis.

Lucas 10:4

Ti jakinie'ni, ká awoye eliye ka akijmatis ejni, ká atonie japa aska wikiniet'aj jiweja', ni'ne ka asatiye puwa. Siuti jakiutieyi pa i'nio' 'nayiji, ká apajanitiejiap ka ajapajiap ti jitijwilayi.

Juan 10:12

I'nio' ni jikaja 'nejie'e wekie'e jana i'ye'en, i'wi'in ilia'm siunie k'iwajla, jlamsek iliyeyi'i wekie niwa sontas ti yamata ti i'yilta'n. Sekyi'i siupi k'iwajla t'ekiyeja'm, jlamsek ijiutiek'i'ni niwa sontas. 'Yaka je jiwo, jla'yi ti je jiliajwas,

Juan 15:20

Ataj wunitiets'i siunie awo'nase'ejyi ti awo'ate, “Jikawo je ika'm ape'e ni i'nio' ni anechiyas.” Siuti jlam sakojwaki'n ta'a, 'wena je woyeyi, kiak jawoyeyi pet. Siuti jlamt'i kiak awo ta'a, ti tik'iukk'i'm ni siunie iyo niwa yamtis, kiak inwoyenie'eje pet ti asa'am, ja tik'iukie'asemna'a siupi ja asamtikie'.

Juan 16:2

Awojlitieje ti japoye jana jloma ti ja ijnotiejak'i kisie'e ti ja intajlajayi kiajwe niwa 'najla'wetis. Ja'wena'ajyi ti japoye siojona jloma ti japoye napo ti asama ti ja tilianaja'm, siupapo janlanajyi'n janjwelis ka pakaye Sinia' ka inoyeje siupi iyo.

Hechos 20:29

Ts'ajane ta'a pa awone siuka yiktiejna'a ja'nes'ni napo i'nio' ti jawo'ate niwa k'iwajlas ti jwesis, ti jana'am jikiowe'e napo Sinia' jilis, ti jawo ka inetiajnat.

Hechos 9:16

Ja'winkijna'm ti jayama ti jat'imina ti ja wujwa ti janilayiti siunie ja tiwonaja.

Hechos 9:2

ti ition kisie'e pa jikio' jlele, ka t'ajlinitie k'iye ti iyo kajnoyits'i puwa Judíojos t'ajla'wetis yi'i japa isi' jle' iyo'ate Damasco. Iyojyi'n siupapo yamk'i siupa 'Nayi Ink'ie', paka pa Jesús. Wikie'eyi ayijnies asejnia isi'mik'i ti ijios'ni insat jiweje, yi'i japa Jerusalén.