Lucas 10:17 - Sinia' Jlamtis 1994

¹⁷ Siupapo setenta y dos Jesús t'eyasajnas wuj ti inkase'n ti 'nesat'i'nijpe yiyisi pa jika anechiyas, ti iyonat'iyisijpe 'ate: —¡'Yaka'niona, siuniwa imose'l kia'iyojliyi its'iuts'e'm ti etinajata!

Lucas 10:17 ပူးပေါင်းရင်းမြစ်များ

Mateo 4:24

Jesús jle' itijwi'ni siujlieja ajnat Siria, ti t'ijieyeje. Tiniamajaja'ni siupapo ti wuj ti inilayiti puwa iyot'iyipi puwa jikie'el ti je ijwienjli, siu'neje papo imose'l iliaki, siu'neje papo jitiej je isis, siu'neje papo je t'ojni'ni, je iyo ka je injwajiete'n.

Marcos 16:17

Siupapo ja ke inkakiu'n papok in'wenkinana'a pet siuniwa janesi'lietk'i napo i'nio', ti janojwank'i kisie'e siuniwa imose'l yijits'i napo i'nio', lapakawo ti nak jant'emina ni yi'i ti jasetijnape, ji'lija' ja'wenayeyi ti jawoyi.

Lucas 10:1

Jlampa paja'ni ape'e siupuwa iyot'iyipi, Saka'niona isimat'i'yik'ijpe papo setenta y dos t'eyasajnas. Timesiamk'i'ni ti ijliuyet'i'nijpe ti iniajnate'n jik'ioye ti ijioyits'i siupuwa isi'il ji'wetis papo i'nio', siupuwa iyo ka ijnoyits'i.

Lucas 10:20

'Yina ká anitonitieyi niwaka, jla'm ijiate jla'am ka anitonitieyi ti wakal niwa aseyis ti t'etaja'a ts'iji poliyi.

Lucas 10:9

Siuti japoye papo je isis sekjane'yi jwajietajyi'n, ka awonayipe 'ate, “Siunie Sinia' jika anechijiayas je toj'wase'm.”

Lucas 9:1

Jesús ijiutiet'ik'ipe wita'm siojopo t'eyasajnas ti itijwa'm niwa sikioye times tom'niji, jijweye iwijnamk'i, jla'yi ti yikiajle ka inkajlisi pet ka inokiosk'i kisie'e puwa imose'l ti yijits'i papo i'nio', jla'yi ti ja injwajiete'n papo je isis.

Romanos 16:20

'Nakayi ti jla'm iwonayijna'a 'ate siunie, siunie Sinia' ti tajle ni inkamankiye, ka 'neti'nits'e ni sitiejiejwa imosik, sek jane'yi ka inenana'a assatis kiajwe. 'Esiji ka Saka'niona Jesús imp'elisinape.

Efesios 5:24

Siuti kia'iyo napo Sinia' jilis ti its'iuye ni Sijwajieti kajeyepa ti yi kiajwe, 'yina 'esiji ka kiak iniwone pit napo asejnia ka ne kiajwe napo jijwa'yis.