Juan 6:53 - Sinia' Jlamtis 1994

⁵³ Jesús iyone'ne 'ate papoka: —Ijiate, ijiatk'i siunie jayo, siuti ja ke atowa ni t'ajwes jla'yi ti ja ke a'yayejyi ni ji'woyis ni I'nio' Jlas, ja laja ji'wasankiyeja' siojona laj jlaja.

Juan 6:53 ပူးပေါင်းရင်းမြစ်များ

Mateo 18:3

sekyi'i iyo'ne 'ate: —Ijiatk'i siu'nie jayo'nase, siuti ja ke awoye asosikis ink'iejyisa', siu'neje ti ja ke anitewijnatayik'i siunapo kia'lis, je pajna'a ka 'oyeyi nak jika anechijiayas ni Sinia'.

Mateo 5:18

Ijiatk'i siu'nie jayo, siuti je netianjli'ijyi ni poli siu'neje 'ni ajnat, kia'iyo ja ke inetia'n nak Moisés jika'neyasajnaye tiwet'ianaja ka janajata jana inkajwukis, siu'neje niwa sajmelaja'n ka netia'n, paj ka ineyeyinie'e siojona jloma ti ja 'nakaj siuniwa iyo ti ijwi'il.

Mateo 8:20

Jesús isiujlie ti iyo'ate: —Siuniwa yosis po' niwa jijwa'al, siuniwa ajwejnas jlopis po' jla'am, jlampet ni I'nio' Jlas laj ji'weta' ka ine'yi ka ininop'it ka ima'a.

Lucas 13:3

Ya'am awo'ate, ¡Jeyi! Jet'i 'wanjliyi siuti ja ke awoye asosikis ink'iejyisa', kiak jawoyeyi janojwa'yi.

Lucas 13:5

Awo'ate, ¡Jeyi! Jet'i 'wanjliyi siuti ja ke awoye asosikis ink'iejyisa' ka apilieyi pi Sinia', kiak jawo'ojyi janojwa'yi.

Juan 13:8

Pedro isiujlie'ne pet ti iyo'ate: —Ja ke iwi'na'm ka paja 'niwa isietis ka lejk'iji'n. Jesús ti isiujlieyi'iji, iyo'ne 'ate: —Siuti je wo ka ilijk'iji'n niwa asatis, ja ke ayejenie'e siu'napo isimet pet.

Juan 15:4

Si'niayi janjwanjli, jawo'ate awo'nase ti ya'am je alejliyi'iji ti ani'nopijiet'ase. Siunie jik'as jana ts'ejniek jit'io, ka lajak'i jana jitisiuk, je 'esiji ka iwo jlaye, kajeyepa lajk'i japa ka intajle. Kiak iyo'ni pet ti asa'am siuti si'niayi je ijwienjli, lajk'i pet pa ka intaj'l aswa'm ka 'esie ka woyeyi.

Juan 3:3

Jesús iyo'ate ti isiujlie: —Ijiate, ijiatk'i siunie jayo, lajk'ipa kan'we'en pi k'iejliyi pi Sinia' jika anechijiayas ijiatjliyi jla'am ni i'nio' ti yikiajle'e ti k'iejli yiji'n, nak jantant'ieje.

Juan 3:36

Siunie i'nio' ja ke inkakiu naka Sinia' Jlas nak siojona in'wasankiye ti laj jlaja japoye pet. Jlam pet ni i'nio' ti 'yakakiu ja ke in'we'en janak in'wasankiye 'wenajliyijna'a pet siunie ja tiwonaja ti Sinia' jiwak jane'ne.

Juan 3:5

Jesús iyo'ate ti isiujlie: —Ijiate, ijiatk'i siunie awo ti jayo'ate, lajk'ipa ka 'najane paka inwone ka 'noyi ni jika anechijiayas pi Sinia' ijiatjliyi jla'am ni i'nio' ti k'iejli yijijyi'n ni i'niat jla'yi jana Sinia' jikimet.

Juan 6:47

Jlam je awo ti awo'ate, siunie i'nio' ti jitienkiujnieye po', nak itiej jana ji'wasankiye ti laj jlaja.

Juan 6:51

Ya'am janaka siojona woye ti iyo i'wasankiyeja' ti tal poliyi. I'nio' ni jantojw janak woye, nak ja ke paja ka inetia'n, jajnok'i'ni puwa jlomas. Siojona woye ti jawijna'm ni i'nio', je 'wena pa ka ijwi'il, naka 'yajwes, ja'nakayeyijna'a ti ja ji'wasankiye japoye napo i'nio' yi' ape'e 'ni ajnat.”

Juan 6:55

Siunie 'yajwes nak jlam ijiate jla'am ti inak ti ijiatk'i. Siunie i'yoyis kia'iyojliyi nak inat ti ijiatk'i.

Juan 6:62

¿Tepat'e jota awoyeyi ka a'wenats'i ni I'nio' Jlas ka napi 'niji siunie tajli jla'am poliyi?

1 Jn 5:12

I'nio' ni Sinia' jlas janejiap, kiak janwo siojona ji'wasankiye janejiap. Jlampet ni i'nio' ni Sinia' jlas je yijap, kiak iyojliyi siojona ji'wasankiye je yijap.

Apocalipsis 2:17

“¡Siunie jik'iot tiojwa'l po', k'iuyi siunie Sinia' jikimet ti 'es iyone napo Sinia' jilis ti ijwijla'm! Siunie i'nio' ni jant'an pijia'm ti jantate isia'm ni jitiejiejwa, nak ja'yakojniene jana maná ti je takajanitie, sek jane'yi ka iwinajamna'a siojona sisaj lemi'ni ti yi'i siunie ine'e ink'ie' ti t'etaja'a, siunie ti je yits'e paka 'najane pa ka iwone 'yina 'wenajliyi jla'am siunie tena jikiojyi ti 'yijene pi iyone.”

Apocalipsis 2:7

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napok Sinia' jilis! Jlampet siunie jant'an pijia'm nak jawinajamna'a pet siunie jantojw jla' janaka a'la' ti i'wasankiye tajle yiji ni Sinia' jiwasok ti 'es.”