Juan 6:38 - Sinia' Jlamtis 1994

³⁸ kajeyepa ti siuti anama ti atal poliyi, je ana'am ka iyoyi siupi ka intalk'i, 'wenajliyi jla'am siunie iyo ni i'nio' ti sijliu'.

Juan 6:38 ပူးပေါင်းရင်းမြစ်များ

Mateo 20:28

'Yina kiak iyoyi ni I'nio' Jlas ti 'nes, je iyo jikawosa', 'wenajliyi jla'am ti iniwojwa'n inkawoye, jla'yi ti iwi'in jakia ji'wasankiye ti iyoyi lajaye ti ijwiejiete'n napo i'nio' ti je pini'.

Juan 3:13

“Lajk'ipa ka i'nioye ajnat'e ka ijnojwa'm ni poli, ijwienjli jla'am siunie tajla'm ta'a ti 'nelanjie'e nama ajnat'e, naka I'nio' Jlas.

Juan 3:17

Sinia' je ijliuye pa Jlas ka insa'a napo i'nio' yi' ape'e 'ni ajnat ti ijliuye t'ipi, 'wenajliyi ti ijliuye ka injwajiete'n.

Juan 3:31

Siunie tal 'niji pijia'm t'a'n ape'e wikie'eyi napo i'nio'. Jlam pet siunie tal 'ne ajnat'e ijwi'il siuniwa wask'i'nelaja yi' ajnat'e, kajeyepa ti ajnat jlele. Jlam pet siunie tal poliyi nak siunie ti t'a'n ape'e wikie'eyi napo i'nio'.

Juan 4:34

'Yina Jesús isiujlie'ne japo t'eyasajnas ti iyo'ate: —Siunie yak, naka ti awo siunie ijliuyijk'i'm ka itime ni jikijmaye ni i'nio' sijliu'.

Juan 5:19

Jesús iyone'ne 'ate japoka: —Ijiate, ijiatk'i siunie jayo ti jajwi'lase'm, ti Sinia' Jlas je 'yakajli paka k'iejliyeyi pa kanlesane ka jlama. Ijiatjliyi jla'am siupi i'winaja ti iyo pi Jinia', pakayeyi wekie'e ti iyo. Wikie'eyi siuniwa Jinia' iyo, kia'iyojliyi pet ti ilisane.

Juan 5:30

Jesús iyoye'eje 'ate: —Ya'am je akajli ka yama ka itiajlatk'i ka iyo pi k'iejliyeyi. Siunie ti akajanit'i ape'e napo i'nio' ti Inia' yikialk'i, ijiate awo. 'Yina 'es ti awo, 'yaka je ya'am ka intalk'i ka yama, najata jla'am ti awo siunie iyo ka iyo ni sijliu'.

Juan 6:29

Jesús iyo'ate ti isiujlie: —Siunie iyotaja ka awoyeyi, ka je akakiuye siunie jla'am ti ijliu'.

Juan 6:33

Siojona woye ti Sinia' je yi'n janaka siunie I'nio' ti tal poliyi, ti iwijnamk'i jana in'wasankiye napo i'nio' yi'i ape'e 'ni ajnat.

Juan 6:42

ti iyoyists'i 'ate: —¿Mi je 'nak Jesús, José jlas? Kasye'etant'ieje japo jiniewot. ¿Nit'i iyo ti ijwi'il ti tal poliyi?

Juan 6:57

Siunie Inia' ti sijliu' ji'wasankiye po', it'imina pet ti i'wiesankiye po'. Tempi it'imina siunie i'nio' ti sitiujw, nak ji'wasankiye poye'eje.

Romanos 15:3

Janiwone 'ate siunie iniwont'iyijipi pa Sijwajieti ti je iyojyi'n siupa ka 'esieyi ti jla'am, 'wenajlit'iyijpe ti jla'am ti it'imina ti 'yakajak'iyi siuniwa Sinia' jlamtis ti iyo'ate, “'Yaka'niona, siuniwa jikalakijnieye napoka i'nio' atajiejwas ti inlaki, yi' itipe'e.”

Efesios 4:9

'Yina ¿tepat'e ijio'we siukia ti iyo'ate, “Ijio poliyi”? Je kast'ayiji'n pet ti 'nelanjie'e, ti jlam na'm ajnat'e.

Hebreos 5:8

Sijwajieti siuti kia'iyo ti inikayankine ni jijliak'ali, 'yina sek taj'le ni siunie ti 'yijene pi iyone ti iyoyi siunie ti its'iuye pa Jinia', jlam'ne nakayeta Sinia' jlas.