Juan 6:31 - Sinia' Jlamtis 1994

³¹ Siupapo sitise'l t'ipi itiujwisjimpe siupuwa maná yi'i pi ajnat laj i'nioye'e. Siunie iyo niwa inamtis t'ipi ti iyo'ate, “Sinia' iwijna'm japa woye ti tal poliyi.”

Juan 6:31 ပူးပေါင်းရင်းမြစ်များ

Juan 6:32

Jesús isiujlie ti iyo'ate: —Ijiate, ijiatk'i siunie jayo ti jayo'ate, Moisés je jla'am 'ninta ka jlama ka inwe'nase'm siojona woye ti tal poliyi, 'wenajliyi jla'am ni Inia' ti iwi'nase'm janak woye ti ijiatk'i ti tal poliyi.

Juan 6:49

Siupapo aska kijilas mases itiujwisjimpe siupuwa maná yi'i pi ajnat laj i'nioye'e. Ijiate, itiujwisieta lapakawo ti je puwaka ka i'maniti'n ka iwo ji'wasankiyeja'.

Juan 6:58

Siojona woye ti tal poliyi, janak ajwe'el, je iyo'ate siojopa maná itiujw t'ipi papo aska kijilas mases. Ijiate itiuwisieta lapakawo ti je puwaka ka i'maniti'n ka iwo ji'wasankiyeja'. I'nio' ni jantojw janak woye ti tal poliyi, nak ja ke paja ka netia'n.

1 Corintios 10:3

'Yina ijniul wita'm siupa jlak iyot'iyipi papo i'nio', jlak siupa tajle pi Sinia'. Kajeyepa ti Sinia' iwijna'm siupa i'niat ti tajla'm japa sisaj, 'yina ti Sinia' yamk'iji'ni papo i'nio' t'ipi ti yiji pi ji'niayi. Paka Sijwajieti ti ti'yenajap japak sisaj ti i'niat tajlam'ni.

Apocalipsis 2:17

“¡Siunie jik'iot tiojwa'l po', k'iuyi siunie Sinia' jikimet ti 'es iyone napo Sinia' jilis ti ijwijla'm! Siunie i'nio' ni jant'an pijia'm ti jantate isia'm ni jitiejiejwa, nak ja'yakojniene jana maná ti je takajanitie, sek jane'yi ka iwinajamna'a siojona sisaj lemi'ni ti yi'i siunie ine'e ink'ie' ti t'etaja'a, siunie ti je yits'e paka 'najane pa ka iwone 'yina 'wenajliyi jla'am siunie tena jikiojyi ti 'yijene pi iyone.”