Juan 5:23 - Sinia' Jlamtis 1994

²³ ja 'nakayeyi ti ja tiwunitie ka iwoyena'a 'ate ni Jinia' ti intonitieye tena'a. I'nio' ni je iyunit ni Jlas, ja ke injwe'el ka pakataja ka inwunit pi Jinia' ti ijliu'.

Juan 5:23 ပူးပေါင်းရင်းမြစ်များ

Mateo 10:37

“I'nio' ni ja ke ijiatayi ka semi'n, ja 'wenajliyeyi jla'am ni jinia' siu'neje jana jlet, je akajli ka ijwi'il ka yama ka intalk'i. I'nio' ni je ijiate ka semi'n, 'yina 'wenajliyi jla'am ni jlas, siu'neje jana jlase', ti ijiat ti yimine, nak kia'iyo je akajli ka ijwi'il ka yama ka intalk'i.

Mateo 11:27

Yiyik'i ti kia'iyo, sekyi'i iyo'ne 'ate: —Inia' yikialk'i wikie'eyi niwak wask'i'nelaja. Lajk'ipa ka nets'e ka ijiatayiji ka intant'ieje ni Jlas, ijwienjli jla'am ni Jinia' ti 'yijene pi iyone. Jla'yi ti lajk'ipa ka intant'ieje ni Jinia', najataja jla'am ni Jlas ti itiant'ieje, siu'neje napo iyo ni Jlas ka intant'iejeniti.

Mateo 12:21

Wikie'eyi siunapo i'nio' yi' ape'e 'ni ajnat jinijijwiye jane'ne.”

Mateo 15:8

“Siunapo i'nio' jlamtis 'nejie'e wek ti ijwil ka siwunitis, jlam'ne niwa jlosikis je jnanjliyi'n ijiap.

Mateo 28:19

'Yina maye'ni, joyek'i'ni napo i'nio' yi' ape'e 'ni ajnat ka wo ika kia'lisa' pet. Najienajyi'n, najiene ni Inia' jle', jla'yi ni Jlas jle', siu'neje jana Inia' jikimet jle'.

Lucas 10:16

Yiyik'i ti kia'iyo pa Jesús, sekyi'i ti kiak t'ipa iyonayipi japo t'eyasajnas: —Siunie jank'iu'wase'm, nak its'iuk'i'm pet. Jlampet siunie ti je isima'yi aselia'm, nak 'yaka pet ti je isi'm ijyilia'm. Siunie i'nio' je isi'm ijyilia'm, nak 'yaka pet ti je isi'm ilia'm siunie I'nio' sijliu'.

Juan 14:1

“Ká awoye asjlak'aliye. Ataj womayi pi Sinia', jla'yi ka ataj womak'impe.

Juan 16:14

Ja wujwa ti ja siwunit, siuniwa janjwe'el ya'am ti jantalk'i, sekjane'yi ka injlasata'anie'ase ka intant'iejayi pet.

Juan 17:10

Wikie'eyi siuniwa yik'i akijmatis a'am, 'yina jlam pet siuniwa akijmatis isijmatis pet. Siunie it'iuni 'yaka ti yiji ti jlamis.

Romanos 15:12

Isaías kiakjini iyopi'iji pet: “Ja'nes siunie Isaí jilis siunapo tomik'i pijia'm jika kia'le, ti jawo anechiyasa' k'iye napoka i'nio' ti je Judíojos, jla'yi ti pak jant'emina ti japoye siupa jinijijwiye.”

Romanos 6:22

Jlam'ne 'nakayi jijwayejyi ni siunie iyo'nase ni inke' ti inla'nitiejyi'n, jiwoye Sinia' jikawosa' ti jiniuyeyeje ni jikijmaye. 'Yina jla'm ijiate jiwek jla'am ti i'nesieyi, kajeyepa ti nak jitiajlayi ti 'nelanjie'e insisie, yiyi ts'iji Sinia' i'notata, jla'yi ti nakaye pet ti iwi'nase'm jana as'wasankiye ti t'o'n.

Romanos 8:9

Jlampet ti asa'am ti jiliyeyi siunie ti jiwoyeyi siunie ti inteliajayi kajeyepa ti janakata siojona Sinia' jikimet ti it'imina ti jik'iuyeyi siunie iyo ka woyi, siuti ja ijiatayi ka siojona Sinia' jikimet ine'yasap. Siunie ti lajk'ipa siojona Sinia' jikimet ka inejyi je naka Sijwajieti Jesús ka intajle.

1 Corintios 1:3

'Esiji ka Sinia', jla'yi pa Saka'niona Jesús ti Sijwajieti, ka wujwa ka imp'elisinapi, jla'yi ka inoye'ase'm ka akamaja.

1 Corintios 10:31

It'imina ti kiak awo'nase ti awo'ate, “Ja k'iejliyeyi siupa jawoyeyi, ni'ne ka 'yekiunie, ja k'iejliyeyi pi ja'yayejyi, wikie'eyi niwaka wunitieyi pi Sinia'.”

1 Corintios 16:22

Siuti japoye siunie je 'namaja ni Saka'niona, 'esiji ka jiwet'ia ine'yi ape'e. ¡Saka'niona, jlam woni'na 'ate, kets'ijyi'n!

1 Corintios 6:19

¿Jet'i 'najanayi paka awonayi ti siojona Sinia' jikimet ti 'es ti iwi'nase'm ni Sinia', janak ji'wet niwa 'assienis, jla'yi ti yi' aswa'am janaka Sinia' jikimet? 'Yina je askimet siojona as'wasankiye ti yi'ase.

2 Corintios 1:9

'Yina awok'ne 'ate, “Ijiat'iyiji ti sek kasjla'.” 'Yina iniuyits'em'ne kiaka ka sitiej je iyomaja paka i'nioye, 'wenajliyi jla'am pa Sinia', ti jla'am ti iniujwank'i kisie'e papo 'yajle'n, ti itiajlajni pi a'no'.

2 Corintios 13:14

'Esiji ka Saka'niona Jesús ti Sijwajieti jikap'ijliuskiye, siu'neje ni Sinia' jlemijnaye, siu'neje ni iyo jana Sinia' jikimet ti 'es ti kassotk'i wita'm, ja wikie'eyeyi kane'yasap.

2 Corintios 5:14

'Yina Sijwajieti jlemijnaye naka ti awoki saka anechiyasa', jakayi ti kasts'ajanayi pa awonaja ti po' siunie ijwienjli i'nio' ti iniwe'n ape'e wikie'eyi napo i'nio' ti no'we ti iyo masesa'.

2 Corintios 5:19

Ka iyo'ate ti pak it'imina ti Sinia' kiak iyone napo i'nio', ajwel pa Sijwajieti ti jlam jla'am pa Sinia' ti itione, ti ini'nopijieteje wita'm. 'Yina jitiej je yiji'ni 'ate, siunie iyo ni jloski'la iyo napo i'nio'. Sekyi'i iwints'e'm siunie sikijmaye, ti ja 'nakayeyi ti jantant'ieje napo i'nio' naka.

Efesios 6:24

Siu'neje napo ti je yisit ilia'm ni jlemijnaye, ti yi'ne ni Saka'niona Jesús ti Sijwajieti, 'esiji ka wujwa kamp'elisijnempe.

2 Timoteo 1:12

Naka'ne ti it'imink'i siu'nie iyo 'ni iwit'ia ti wuj ti anilayiti. 'Yina je ts'ajwejle, kajeyepa ti ts'ajane pa awone siunie I'nio' ti itiej awomaja. Jlam ti janoyijk'i'm ti ja wujwa ti jan'yenik'i'm siunie ti yikialk'i, jlomas ti jan'yena paj ka ineyeyinie'e janak jloma ti yi' jlaja.

Hebreos 1:6

Jak je iyoyiji siuti 'yakajanitia'm napo i'nio' yi'i 'ni ajnat, siu'neje napo poli jlele pet ni jlas ti iniajnat, iyone'ne 'ate: “Wikie'eyi siunapo ijliujwajnas poli jlele, 'esiji ka wunitie.”

2 Pedro 1:1

Asampey japo i'lijwas, ya'am Simón Pedrok'i'm, Sijwajieti Jesús jikawo, jla'yi ti jijliujwanik'i'm. Atajiet'ase siu'nie ip'isinik, asa'am ti po' siunie astankiujnieye ti ijiate ti 'es jla'yi ti ijiate ti laja po', iyoye'ate pet siu'nie sitienkiujnieye ti po', ka lajak'i ki iyo pi Sinia' ti Sijwajieti Jesús, ti ijiate jla'am ti tijnajyi ni iyoyi.

2 Pedro 3:18

Ja 'wenajliyi ti asa'am ja ijiatayi ti ja intant'iejayi ni Saka'niona Jesús ti Sijwajieti, siunie jikap'ijliuskiye janoye'ase'm 'nakayi ti jakinieyi siunie 'es ti jawoyeyi. ¡'Esiji ka jlam kiajatajak'i siunie ti tena'a ti ijnonitieyi jajnok'i'ni! Amén.

1 Jn 2:23

I'nio' ni 'yakakiu ni Sinia' jlas, tepa janwo ka Sinia' inejiap pet. Jlampet ni i'nio' ni ijiate ti je 'yakakiu ni Sinia' jlas, tepa janwo pet ka Sinia' je inejiap.

2 Juan 1:9

I'nio' ni iyo ka inkajmat ape'e siunie iyo ni Sijwajieti t'eyasajnaye, Sinia' je yijap. Jlampet siunie i'nio' ilisa'n nak inamtik ti 'es, siunie Sinia' jla'yi ni jlas yijap.