Juan 20:16 - Sinia' Jlamtis 1994

¹⁶ Jesús tamti ti iyone'ate jlaja María: —¡María! María i'yejnen'ne ti ipi'yaye, iyo'ne 'ate: —¡Rabuni! (Hebréojos ji'lij ti iyo'ate, 'Yaka'neyasajnawo.)

Juan 20:16 ပူးပေါင်းရင်းမြစ်များ

Mateo 14:27

Jesús kiak iyonayi ti ijliuyi'ni: —¡'Otale t'onitie. Ya'am, ke ijnots'inak'i'm!

Marcos 10:51

Sekyi'i Jesús i'yasaja'n ti iyone 'ate: —¿Tek'iayi, pa k'iejlit'iyi pa jiwo ka iyo'na? Isiujlie ti iyo'ate: —'Ni Ika'niona, awotajank'iye pet ka 'wijne'n.

Lucas 10:41

Jesús isiujlie ti iyo'ate: —Marta, Marta, wuj ti jiwo ajlak'aliye siuniwa wask'i'nelaja.

Juan 1:38

'Yina i'yen'ne ji'wechaja ja Jesús, i'wi'in japo ti yamk'i, sekyi'i iyo'ne 'ate ti i'yase'n: —¿Tempi jiniamayi? Isiujlie'ne ti iyo'ate: —Inka'neyasajnawo, ¿tepa jle'yi?

Juan 1:49

Natanael iyo'ne 'ate: —Inka'neyasajnawo, ¡am ti Sinia' Jlajts'a'm, sa'am ti Israel jika kia'lits'e'm saka anechiyasts'a'm!

Juan 10:3

Siunie jiwo ni 'wuk kiwet 'yajlinitia'm k'iye, sekyi'i ni sontas jiwo tanayits'i puwa jiliajwas siupi jle' ijio'we, ijwienjlik'i'ni. Jlamtis iyo pi jika'niona itiant'iejesk'i. Sekyi'i ti yamayi ti tajlaja'm japa ji'wuk.

Juan 11:28

Ti Marta iliyeyi ti takamtijnie'n, yama ti ijioyi jlaja ji'yijnia María, 'yina tisiemsiemiyi ti ijwijla'm ti iyo'ate: —Saka'niona 'nes, iyota ka joyi.

Juan 13:13

Siuti asa'am as'lej je lienayijk'i'm ti jiwoye'ate “Ika'neyasajnawo”, siu'neje ti jiwoye 'ate “Ika'niona”. Ijiate jlam je woyeyi, kajeyepa ijiatk'i siunie jiwoyeyi.

Juan 20:28

Tomás iyo'ne 'ate: —¡'Ni Inia', 'Yaka'niona!

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Juan 5:2

'Yina sekyi'i siujlieja i'niat ti inajie'wet jle' iyo'ate Betzata, ti Hebréojos ji'lij, 'yakama'a ja 'wuk kiwet jlaja isi' jle' iyo'ate 'Wolepo' Ka 'Wuk Kiwet. Ijwienjli 'ni sikio' itij'we siojowa jlopalikis jlajak i'niat.

Juan 6:25

Ti yiyeyis i'niat ji'wechaja, ti i'winayis ja Jesús, iyoyeyis 'ate ti i'yasisi'n: —Inka'neyasajnawo, ¿tejnapa inetinki yiyi japa kiliekie' ti 'nak ji'nijts'e?

Hechos 10:3

Yit'i'yipe japa jloma ti kilie' iyoyeta'ate isia'm, ti i'winat'ipi ilia'm pa Saka'niona jijliujwanik poli jlele ti ijioyi siupa yi'i. Injlojwanik poli jlele iyone'ate: —¡Cornelio!

Hechos 9:4

Saulo iniuyet'ijyimpe ti taj'l ape'e pa jiliajwa, ipi'yayi'ni siupa ina'lap tom poliyi, ti iyo'ate: —Saulo, Saulo, ¿yot'iyi'ni ti jiniajme'n ijyik'i ti salas kawo atajiejwayek'i'm?