Juan 18:35 - Sinia' Jlamtis 1994

³⁵ Pilato isiujlie ti iyo'ate: —¿Yamt'i mi Judíok'i'm ti a'lej kiak jiwone? A'wetijwas a'am siu'neje napo pa'yijis jika anechiyasas, napok yikialk'i ka'ye'en. ¿Ten siupi jiwoyi?

Juan 18:35 ပူးပေါင်းရင်းမြစ်များ

Juan 18:28

Ti jloma 'yakajaja'n, Jesús tokiji'ni siojo yi'i ja Caifás, sek titiajlaja'a ti tikiniejeje siojo anechiyas Roma jlele. Siojopo Judíojos je 'yuyisk'i, 'yina ti iyo ka je inetiajnatis siukia jikeyis ti iyo'ate, “Siupa ka 'no kiajwe siojona je Judíojos ji'wuk, nakaye'eje siunie i'nio' ti t'ojli, je tiwenaja'm ka inkijwane siunapo ti'yekiujni jana Pascua.”

Juan 18:34

Jesús isiujlie ti iyo'ate: —¿A'am t'e ti atankiujnieye, ni'ne ka poye paka injwe'la'm?

Juan 18:36

Jesús isiujlie ti iyo'ate: —Siunie tijnak'i'm ti awo anechiyasa' je tal 'ne ajnat'e. Siut'itie ka intal 'ne ajnat'e, jlam potie'ne papo ka ijnotiji'n ijyik'i ka je siwenis, je kia'iyotaja'ni ka sekiajlaja napo Judíojos. Siunie tijnak'i'm ti awo anechiyasa' je tal 'ne ajnat'e.

Juan 19:11

Sekyi'i ja Jesús isiujlie ti iyo'ate: —Siunie at'oni ti yi'a, ka je intal Siniayi je 'najane paka wone ka siniujwa'n kisie'e. Jak je iyoyiji'ni siunie ti sekial ka ama ka si'ye'en, jitis 'yaka'm ape'e siunie iyo ni ates.

Juan 19:6

Siojopo pa'yijis jika anechiyasas, siu'neje japo i'yena jlaja 'najla'wet, ti i'winayits'i ilia'm, iyoyis'ne 'ate ti tanisi ape'e: —¡K'iejwat'e japa cruz! ¡K'iejwat'e japa cruz! Pilato iyo'ne 'ate: —Kima'yi asa'am, k'iejwata'yi japa cruz, siuti ya'am je a'we'en paka jitisa'.

Hechos 21:38

¿'Yina amt'e siupa Egipto jlele siupa inilane papo anechiyasas, ti cuatro mil papo tokis inwak jiwos jikawos yi'i japa ajnat laj i'nioye'e?

Hechos 23:29

'Yina ti jiwekie'aja ti ts'ajane pa awone, ti naka p'an jika'neyasajnaye jlamis ti itiajlatisie. Jlajmi wekie'e ti iyotajas ka inlanis, siu'neje ti iyo ka 'notits'i a'laja'm ti lajk'ipa ka jitis iwo ka ijiatayiji ka je 'esie.

Hechos 3:13

'Yejne'n, Sinia' siukiapo sitise'l Abraham jla'yi pa Isaac siu'neje pa Jacob Jiniayis t'ipi iyunit ni jikawo Jesús, nak ijwiejiet siu'nie i'nio'. Jlekiajlayipi napo i'nio' anechiyasas, Pilato ti anechiyas, jlampe ti iyotaja ka jikio' inla'ne, 'yina je woyeyi asa'm ti askio' alana'yi.